1 Sahˬpaˬ 8:7 - Akha

⁷ Cawˬ ja taˬ-euˬ Jeˬ luˇ beˬ-euˬ aˬ dahˇ kʼoeˇ, bahˬ keuˆ kʼoeˇ hawˇ-eu bahˬ keuˆ-euˬ baꞈ kawˬ-ahˇ joe shmˇ taˬ-euˬ meh.

1 Sahˬpaˬ 8:7 Referans Kwoze

HeˬByehˇ 9:5

Dawˬ ma saˇ jaˇ Bahˬ keuˆ kʼoeˇ taˆ, Jeˬluˇbeˬ mawˇ kawˇ bi jaˆ-euˬ meh. Jeˬluˇbeˬ mawˇ kawˇ-euˬ aˬ dahˇ kʼoeˇ, iˬ baˇ pyehˬ nehˬ-eu jawˇ duˬ kʼoeˇ taˆ aˬ dahˇ cawˬ ja taˬ-euˬ meh. Ehˇ kʼawꞈ, jawˇ duˬ heu tsahˇ aˬ joˆ-ehˇ gʼeh-eu jawˇ duˬ pyeuꞈ-eu gaˇ kawˆ nymˬ-mˇ yaw duˬ duˬ-ehˇ maˬ dzawˇ duˬ nya-a siˬ.

Doˆ-iˇ 25:20

Jeˬluˇbeˬ aˇ baˇ kʼoeˇ nyiˬ hmˬ, tiˬ hmˬ tiˇ hmˬ mehˬ shi bi pyawˇ-awˇ, aˬ dahˇ cawˬ ja-awˇ, bahˬ keuˆ kʼawˬ pymˬ-ahˇ bi dehˬ kaˬ taˬ-awˬ.

1 Sahˬpaˬ 6:27

Mawˇ kawˇ kʼoeˇ nyiˬ kawˇ-ahˇ, Muiˬ dui shawˇ dui dui-eu jawˇ duˬ laꞈ kʼoeˇ tiˬ paw tiˬ kawˇ bi jaˆ-euˬ meh. Mawˇ kawˇ tiˬ kawˇ-euˬ aˬ dahˇ mehˬ dzaˬ tiˬ paw dzaˬ-aˬ, yawˬ kawˇ yawˬ-euˬ aˬ dahˇ mehˬ dzaˬ-ahˇ tuˆ-awˇ, aˬ dahˇ mehˬ dzaˬ yawˬ dzaˬ yawˬ kaˇ pyawˇ-ahˇ tuˆ ni bi jaˆ-euˬ meh. Kʼoeˇ miˇ neh, aˬ dahˇ mehˬ dzaˬ nyiˬ dzaˬ tiˬ gaˇ tuˆ-awˇ, aˬ dahˇ mehˬ dzaˬ nyiˬ dzaˬ-aˬ, kaˇ pyawˇ nyiˬ pyawˬ-ahˇ tuˆ-eu meh.

1 Sahˬpaˬ 8:6

Kʼoeˇ naˇ, piˇ ma deuˬ Dawˬ ma saˇ jaˇ Bahˬ keuˆ-ahˇ Uˬ duˬ tahˬ nymˇ nymˇ ma-ahˇ baꞈ ahˇ gʼeh-awˇ, muiˬ dui shawˇ dui dui-eu jawˇ duˬ-ahˇ, Jeˬ luˇ beˬ mawˇ kawˇ-euˬ uˬ moˆ baꞈ taˬ-euˬ meh.

1 Sahˬpaˬ 8:8

Muiˬ dui shawˇ dui dui-eu Jawˇ duˬ-euˬ mehˬ shi nyiˬ paˆ-ehˇ yawꞈ-awˇ haw ngeh tehꞈ-ehˇ, baꞈ kawˬ-euˬ mehˬ dzaˬ-ahˇ haw mawˇ nya-eu meh. (Baꞈ kawˬ kʼoeˇ iˬ nah keuˆ ni kʼoeˇ gaˇ jaˆ luꞈ-eu meh.)

Bawˇtsahˬ 4:6

Kʼoeˇ-euˬ kʼoeˇ taˆ shawˇ jehˆ ni gʼeh-eu shaˬ kʼoˆ paˇ dehˬ kaˬ-awˇ, nyoeˇ leuˬ leuˬ-eu saˬ paˇ ya sheu kaˬ meh. Kʼoeˇ naˇ, kʼaˆ baꞈ kawˬ deuˬ ya cawˬ ahˇ meh.

Iˇsaˬyaˇ 6:2

Seˬlaˬpeˬ lehˇ kuˇ-eu mˬ taˆ gʼaˬ kʼehˇ tiˬ deuˬ, aˬ yawꞈ-euˬ tiˬ jawˬ jawˇ-eu meh. Mˬ taˆ gʼaˬ kʼehˇ kʼoeˇ deuˬ aˬ dahˇ koꞈ dahˇ tsoꞈ-awˇ, myaˆ pyawˬ-ahˇ nyiˬ dahˇ, bawˇ kʼahˇ-ahˇ nyiˬ dahˇ dehˬ kaˬ-awˇ, nyiˬ dahˇ-aˬ, zaw-eu gʼaˇ duˬ zmˬ-eu meh.