Biblia Todo Logo
Bib sou entènèt

- Piblisite -




1 Sahˬpaˬ 8:6 - Akha

6 Kʼoeˇ naˇ, piˇ ma deuˬ Dawˬ ma saˇ jaˇ Bahˬ keuˆ-ahˇ Uˬ duˬ tahˬ nymˇ nymˇ ma-ahˇ baꞈ ahˇ gʼeh-awˇ, muiˬ dui shawˇ dui dui-eu jawˇ duˬ-ahˇ, Jeˬ luˇ beˬ mawˇ kawˇ-euˬ uˬ moˆ baꞈ taˬ-euˬ meh.

Gade chapit la Kopi




1 Sahˬpaˬ 8:6
21 Referans Kwoze  

Mawˇ kawˇ kʼoeˇ nyiˬ kawˇ-ahˇ, Muiˬ dui shawˇ dui dui-eu jawˇ duˬ laꞈ kʼoeˇ tiˬ paw tiˬ kawˇ bi jaˆ-euˬ meh. Mawˇ kawˇ tiˬ kawˇ-euˬ aˬ dahˇ mehˬ dzaˬ tiˬ paw dzaˬ-aˬ, yawˬ kawˇ yawˬ-euˬ aˬ dahˇ mehˬ dzaˬ-ahˇ tuˆ-awˇ, aˬ dahˇ mehˬ dzaˬ yawˬ dzaˬ yawˬ kaˇ pyawˇ-ahˇ tuˆ ni bi jaˆ-euˬ meh. Kʼoeˇ miˇ neh, aˬ dahˇ mehˬ dzaˬ nyiˬ dzaˬ tiˬ gaˇ tuˆ-awˇ, aˬ dahˇ mehˬ dzaˬ nyiˬ dzaˬ-aˬ, kaˇ pyawˇ nyiˬ pyawˬ-ahˇ tuˆ-eu meh.


Uˬ duˬ tahˬ nymˇ nymˇ ma-euˬ naˇ kʼah paw pyawˬ-ahˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ taˬ-eu gʼaˇ duˬ, aˇ lawˆ tiˬ lawˆ taw lawˆ taˬ-euˬ meh.


Dawˬ ma saˇ jaˇ Bahˬ keuˆ kʼoeˇ aˬ yawꞈ maꞈ baꞈ ahˇ laꞈ-awˇ, Bahˬ keuˆ kʼoeˇ bi baꞈ taˬ-eu lehˇ Daˬbiˇ neh tsoˆ taˬ-euˬ sehˬ gʼawˆ-ahˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ Sahˬpaˬ Miˬyehˇ-ahˇ Daˬbiˇ lawˇ nehˬ-euˬ meh.


Jeˬluˇbeˬ-euˬ aˬ dahˇ mahˇ-eu teˇ saˇ laꞈ nyiˇ lahˇ keuˆ ni gaˬ keuˆ le-awˇ, Baoˬ huiˬ-eu Miˬyehˇ-euˬ teˇ saˇ-ahˇ duˇ-eu meh.


“Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, Jeˬluˇbeˬ mawˇ kawˇ kʼoeˇ taˆ jaˆ-eu nuiˇ mahˬ kʼoeˇ taˆ nuiˇ luꞈ-eu nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-ahˇ uˆ lahˇ luꞈ-eu meh. Mˬ hawˇ-eu miˇ-ahˇ nawˬ neh beh-euˬ meh.


Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.


Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,


Kʼoeˇ naˇ, piˇ ma deuˬ Dawˬ ma saˇ jaˇ Bahˬ keuˆ-ahˇ Uˬ duˬ tahˬ nymˇ nymˇ ma laꞈ kʼoeˇ baꞈ ahˇ gʼeh-awˇ, Muiˬ dui shawˇ dui dui-eu Jawˇ duˬ-ahˇ jeˬluˇbeˬ mawˇ kawˇ-euˬ uˬ moˆ baꞈ taˬ-euˬ meh.


Kʼoeˇ naˇ, Leˬbiˇ tsawˇ haˬ deuˬ hawˇ-eu piˇ ma deuˬ neh, Dawˬ ma saˇ jaˇ Bahˬ keuˆ maˬ ehˇ, Sahˬpaˬ Miˬyehˇ jawˇ-eu Sehˬ gʼawˆ maˬ ehˇ, kʼoeˇ gaˇ kʼaˇ jaˆ-eu keu ka dawˬ tawˆ luꞈ maˬ ehˇ, Uˬ duˬ tahˬ nymˇ nymˇ ma-ahˇ baꞈ ahˇ gʼeh-euˬ meh.


Daˬbiˇ tsawˇ haˬ kʼoeˇ deuˬ sheuˬ-awˇ, Dawˬ ma saˇ jaˇ Bahˬ keuˆ baꞈ laˬ-iˇ-eu lehˇ, Yuˇdaˆ miˇ kʼahˬ Baˬlahˬ meuˬ-ahˇ iˇ-euˬ meh. Dawˬ ma saˇ jaˇ Bahˬ keuˆ kʼoeˇ, Baoˬ huiˬ-eu Sahˬpaˬ Miˬyehˇ-euˬ tsawˇ myahˇ pi luꞈ-awˇ, bahˬ keuˆ kʼoeˇ taˆ jaˆ-eu jeˬluˇbeˬ mawˇ kawˇ kʼoeˇ taˆ, aˬ yawꞈ-euˬ nuiˇ mahˬ jaˆ-eu meh.


Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.


Jeˬluˇbeˬ aˇ baˇ kʼoeˇ nyiˬ hmˬ, bahˬ keuˆ kʼmˬ pymˬ kʼoeˇ dzeˇ heu dzeˇ-ahˇ tiˬ hmˬ tiˇ hmˬ mehˬ shiˬ pyawˇ-ehˇ bi tsoꞈ-awˇ, aˬ dahˇ cawˬ ja-awˇ, bahˬ keuˆ kʼmˬ pymˬ-ahˇ bi dehˬ kaˬ taˬ-euˬ meh.


Muiˬ dui shawˇ dui dui-eu jawˇ duˬ lehˇ kuˇ-eu lawˆ-aˬ, Uˬ duˬ tahˬ nymˇ nymˇ ma-euˬ naˇ kʼah paw pyawˬ-ahˇ jaˆ-eu meh. Aˇ lawˆ kʼoeˇ lawˆ yaw mahˇ paw ngaˬ lmˇ byah-awˇ, uˬ kʼawˬ-ahˇ neh kaˇ pyawˇ uˬ gʼmˬ-ahˇ tuˆ ni, shuˬ liˇ teˇ byaꞈ neh taw lawˆ taˬ-euˬ meh.


Aˬ yuiꞈ aˬ tsu dawˬ tawˆ luꞈ uiˬ laˇ gʼaˬ ngeh jawˇ, piˇ ma deuˬ Dawˬ ma saˇ jaˇ Bahˬ keuˆ baꞈ diˇ-euˬ meh.


Cawˬ ja taˬ-euˬ Jeˬ luˇ beˬ-euˬ aˬ dahˇ kʼoeˇ, bahˬ keuˆ kʼoeˇ hawˇ-eu bahˬ keuˆ-euˬ baꞈ kawˬ-ahˇ joe shmˇ taˬ-euˬ meh.


Naw maꞈ-euˬ nui ma saꞈ laˇ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ mˇ-awˬ. Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu, aˬ yawꞈ-ahˇ uˬ duˬ tahˬ gaˇ geuꞈ-eu muiˬ-eu shawˇ-eu mˇ myawˬ keu ka dawˬ tawˆ luꞈ bi jaˆ-eu gʼaˇ duˬ, Uˬ duˬ tahˬ nymˇ nymˇ ma tsoˆ-eu dawꞈ leˇ-awˬ.”


Aˇ lawˆ kʼoeˇ lawˆ-ahˇ aˬ yawꞈ dza haw ngeh, ngaˬ lmˇ oeˬ bawˬ byah-eu meh. Kʼoeˇ naˇ, “Heu-aˬ, muiˬ dui shawˇ dui dui-eu jawˇ duˬ meh” lehˇ, aˬ yawꞈ ngaˬ-ahˇ ehˇ-eu meh.


Eˇpaˬleˬ tsawˇ jeuˬ, Beˬyaˬmiˬ tsawˇ jeuˬ hawˇ-eu Maˬnaˇseˬ tsawˇ jeuˬ-ahˇ, nawˬ-euˬ gʼawˇ mawˇ pah mehˬ nehˬ laꞈ. Nawˬ-euˬ gʼaˬ nga maꞈ-ahˇ bi mawˇ laꞈ-awˇ, nga maꞈ-ahˇ ka kʼoꞈ le-awˬ.


Swiv nou:

Piblisite


Piblisite