1 Sahˬpaˬ 8:5 - Akha

⁵ Sahˬ paˬ Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ Dawˬ ma saˇ jaˇ Bahˬ keuˆ mehˬ shi uiˬ leˇ-awˇ, maˬ gui jiˇ coeˇ gaˇ keuˆ ni myaˬ-eu yawˇ hawˇ-eu mawˇ neˇ deuˬ lawˇ-euˬ meh.

1 Sahˬpaˬ 8:5 Referans Kwoze

2 Saˬmeuˬlaˆ 6:13

Dawˬ ma saˇ jaˇ Bahˬ keuˆ baꞈ luꞈ-eu deuˬ kuiˇ toꞈ koꞈ toꞈ kʼaˇ ciˬ ngeh, aˬ yawꞈ maꞈ-ahˇ Daˬbiˇ bi naˬ tawˬ-awˇ, mawˇ neˇ mawˇ gaw tiˬ mawˇ hawˇ-eu tsuˇ dui dui-eu mawˇ neˇ mawˇ kʼaˇ tiˬ mawˇ, Sahˬpaˬ Miˬyehˇ-ahˇ aˬ yawꞈ lawˇ nehˬ-euˬ meh.

1 Laˬsaˬbaˬ 16:1

Aˬ yawꞈ maꞈ Dawˬ ma saˇ jaˇ Bahˬ keuˆ kʼoeˇ baꞈ ahˇ laꞈ-awˇ, Daˬbiˇ neh gʼawˆ taˬ-euˬ sehˬ gʼawˆ laꞈ kʼoeˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ, Sahˬpaˬ Miˬyehˇ -ahˇ lawˇ nehˬ-euˬ meh.

1 Sahˬpaˬ 12:32

Yuˇdaˆ miˇ kʼahˬ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah pyeuꞈ-eu, ba la yehꞈ siˬ tiˬ siˬ tseˇ ngaˬ nah tiˬ nah-ahˇ, Yeˬyawˇbamˬ gʼaˬ kʼawꞈ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah lehˇ sawˇ taˬ-euˬ meh. Beˬdeˬlaˇ meuˬ-ahˇ jaˆ-eu lawˇ duˬ kʼoeˇ taˆ, shuiˇ mawˇ neˇ mawˇ kawˇ kʼoeˇ deuˬ-ahˇ aˬ yawꞈ lawˇ nehˬ-awˇ, Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ deuˬ-ahˇ gaˇ bi mˇ-eu gʼaˇ duˬ, piˇ ma deuˬ kʼawꞈ aˬ yawꞈ bi jawˇ taˬ-euˬ meh.

2 Laˬsaˬbaˬ 1:6

Sehˬ gʼawˆ-euˬ mehˬ shi, guiˬ shuiˇ neh jahˇ taˬ-euˬ lawˇ duˬ kʼoeˇ hmˬ kʼoeˇ taˆ lawˇ-eu shehˇ-eu laꞈ kʼoeˇ, Sahˬpaˬ Miˬyehˇ-ahˇ sahˬ paˬ Sawˇlaˬmoˬ uˬ duˬ tahˬ-euˬ meh. Jeˬ zaˬ aˇ heˇ mawˇ aˬ yawꞈ sehꞈ-awˇ, lawˇ duˬ kʼoeˇ hmˬ kʼoeˇ taˆ mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-euˬ meh.

Yawˇlaˆ 1:18

Gaˆ dzaˬ kʼaˇ maˬ za-eu miˇ neh, mawˇ neˇ deuˬ mahˇ mahˇ-ehˇ jawˇ-awˇ, yawˇ deuˬ tsoˆ leˇ-awˇ jawˇ-eu meh.