1 Sahˬpaˬ 8:2 - Akha2 Ba la shiꞈ siˬ tiˬ siˬ pyeuꞈ-eu Eˇdaˬneˬ ba la Sehˬ gʼawˆ-euˬ Bawˬ-iˬ gʼeh ngeh yamˬ-ahˇ, Iˇsaˬleˬlaˆ tsawˇ jeuˬ tsawˇ ca-euˬ aˬ yuiꞈ aˬ tsu dawˬ tawˆ luꞈ, sahˬ paˬ Sawˇlaˬmoˬ jawˇ gaˇ uiˬ leˇ-euˬ meh. Gade chapit la |
Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma-ahˇ shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ leˇ-awˇ, tsawˇ haˬ aˇ maꞈ myaˬ dui dui-euˬ meh.
Yuˇdaˆ miˇ kʼahˬ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah pyeuꞈ-eu, ba la yehꞈ siˬ tiˬ siˬ tseˇ ngaˬ nah tiˬ nah-ahˇ, Yeˬyawˇbamˬ gʼaˬ kʼawꞈ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah lehˇ sawˇ taˬ-euˬ meh. Beˬdeˬlaˇ meuˬ-ahˇ jaˆ-eu lawˇ duˬ kʼoeˇ taˆ, shuiˇ mawˇ neˇ mawˇ kawˇ kʼoeˇ deuˬ-ahˇ aˬ yawꞈ lawˇ nehˬ-awˇ, Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ deuˬ-ahˇ gaˇ bi mˇ-eu gʼaˇ duˬ, piˇ ma deuˬ kʼawꞈ aˬ yawꞈ bi jawˇ taˬ-euˬ meh.