1 Sahˬpaˬ 8:12 - Akha

¹² Kʼoeˇ naˇ, Sawˇlaˬmoˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ-aˬ mˬ kʼoeˇ taˆ nahˇ ma beh taˬ-euˬ gʼaˬ pyeuꞈ kʼawꞈ, mˬ dmˇ hawˇ-eu yaw zahˇ laꞈ kʼoeˇ jawˇ ma lehˇ nawˇ noeˬ tsehˆ-euˬ meh.

1 Sahˬpaˬ 8:12 Referans Kwoze

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Uˬ duˬ 16:2

Aˬ yawꞈ ehˇ-eu, “Saˬ paˇ paˇ ma lawˆ kaˬ taw paˆ taˬ-euˬ naˇ kʼah paw dzeˇ jaˆ-eu Muiˬ dui Shawˇ dui dui-eu Jawˇ duˬ-ahˇ, aˇ yamˬ tsaˬ ngeh tehꞈ-ehˇ ya uˇ leˇ meh lehˇ nawˬ-euˬ aˇ doˆ Aˬloˬ-ahˇ ehˇ nehˬ-awˬ. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ jaˆ-eu Dawˬ ma saˇ jaˇ Bahˬ keuˆ kʼmˬ pymˬ kʼoeˇ taˆ mˬ dmˇ laꞈ kʼoeˇ ngaˇ zaꞈ le-eu ma. Ngaˬ-euˬ ehˇ dawˬ maˬ naˇ haˬ ni, kʼaˇ uˇ leˇ mawꞈ ngeh uˇ leˇ naˇ, aˬ yawꞈ ya shiˇ tehꞈ-a.

Iˇsaˬyaˇ 45:15

Aˬ yawꞈ-euˬ tsawˇ jeuˬ-ahˇ ka kʼoꞈ-eu gʼaˬ, Iˇsaˬleˬlaˆ-euˬ Miˬyehˇ-aˬ, yawˬ haˇ yawˬ ha dzuˇ zaꞈ-eu meh.

HeˬByehˇ 12:18

Naw maꞈ-aˬ, Iˇsaˬleˬlaˇ tsawˇ haˬ kʼoeˇ deuˬ loꞈ-ehˇ toeˬ haw sawˆ haw nya-eu Siˇnaˆ gawˬ jawˬ-ahˇ laˇ-euˬ maˬ ngeuˇ-a. Aˬ yawꞈ maꞈ-aˬ, miˬ dzaˬ doꞈ luꞈ-eu Siˇnaˆ gawˬ jawˬ-ahˇ, zahˇ dui dui gaˇ maˬ ehˇ, jaˬ lehˇ lehˇ ma baw gaˇ maˬ ehˇ,

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 4:11

“Zahˇ tsui ni gʼeh-eu mˬ dmˇ, naˆ cawꞈ ni gʼeh-eu miˬ dzaˬ uˬ kʼoeˬ hawˇ-eu, mˬ-ahˇ tuˆ ni le luꞈ-eu miˬ lmˇ dehˬ kaˬ taˬ-euˬ gawˬ jawˬ dawˬ dahˬ-ahˇ naw maꞈ yawꞈ-euˬ gaˇ kawˆ naw maꞈ-euˬ zaˬ deuˬ-ahˇ dzawˇ mehˬ nehˬ-awˬ.

Doˆ-iˇ 20:21

Ehˇ kʼawꞈ, tsawˇ haˬ kʼoeˇ deuˬ-aˬ, gaˇ mahˇ kaˬ gaˇ tehꞈ-ehˇ yawꞈ yaꞈ-awˇ, Moˇseˬ tiˬ gʼaˬ tehꞈ-ehˇ, Miˬyehˇ jawˇ-eu zahˇ tsui ni gʼeh-eu mˬ dmˇ dawˬ peh le-euˬ meh.

2 Saˬmeuˬlaˆ 22:10

Mˬ ngawˬ gʼm-awˇ zaꞈ ka le ngeh, aˬ yawꞈ aˬ kuiˇ pehˬ zaˬ uˬ moˆ, mˬ dmˇ zahˇ tsui ni jaˆ-eu meh.

1 Sahˬpaˬ 8:11

Kʼoeˇ ngeh, mˇ paˬ-ehˇ jaˆ-eu jeˬ paˇ gʼoꞈ mˇ leˇ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ maˬ gʼoꞈ uˇ leˇ nya-a. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ baoˬ mˬ dmˇ laꞈ kʼoeˇ yaw shehꞈ bya luꞈ-eu meh.

Neˬhaˬmiˇ 8:5

Eˇzaˬlaˬ gʼaˬ guiˇ ga kʼoeˇ taˆ yaw goˇ-ahˇ yawꞈ luꞈ-awˇ, tsawˇ haˬ dawˬ tawˆ luꞈ aˬ yawꞈ-ahˇ haw tsoˆ taˬ-euˬ meh. Aˬ yawꞈ sahˬ boꞈ pah-eu nehˬ-ehˇ, aˬ yawꞈ maꞈ dawˬ tawˆ luꞈ tuˇ-euˬ meh.