1 Sahˬpaˬ 7:7 - Akha

⁷ Yaˇ kʼaˬ daˇ-eu aˇ lawˆ lehˇ kuˇ-eu, sahˬ paˬ-euˬ nuiˇ mahˬ ciˬ taˬ-euˬ aˇ lawˆ tiˬ lawˆ aˬ yawꞈ tsoˆ-euˬ meh. Aˇ lawˆ kʼoeˇ-aˬ, aˬ yawꞈ yaˇ kʼaˬ daˇ-euˬ aˇ lawˆ pyeuꞈ-awˇ, aˇ lawˆ lawˆ lah-ehˇ shuˬ liˇ teˇ byaꞈ taw-awˇ, kʼoeˇ taˆ paw kʼawꞈ, shuˬ liˇ teˇ byaꞈ diˬ gʼoeˬ taˬ-euˬ meh.

1 Sahˬpaˬ 7:7 Referans Kwoze

Dawqdaq 20:8

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ, myaˆ nuiˆ baw seu iˬ baˇ baw shawˇ doˆ-mˇ jeˇ.

Jaceuq 122:5

Iˇsaˬleˬlaˆ sahˬ paˬ deuˬ heu gaˇ nuiˇ-awˇ, aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

1 Sahˬpaˬ 6:3

Uˬ duˬ tahˬ nymˇ mehˬ shi tsoˆ doˆ taˬ-euˬ uˇ leˇ duˬ-ahˇ jaˆ-eu aˇ lawˆ kʼoeˇ lawˆ kʼawꞈ, yaw jeˇ paw Uˬ duˬ tahˬ nymˇ naˆ ni ngaˬ lmˇ jeˇ-awˇ, yaw mahˇ paw nyiˬ lmˇ nui paˆ byah-eu meh.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”