1 Sahˬpaˬ 7:16 - Akha

¹⁶ Kʼoeˇ naˇ, ngaˬ caˆ goˇ-eu guiˬ shuiˇ uˬ dzo nyiˬ hmˬ tehˆ-awˇ, kʼawˇ zeuˇ kʼoeˇ nyiˬ zeuˇ-euˬ uˬ duˬ-ahˇ tsahˬ-euˬ meh.

1 Sahˬpaˬ 7:16 Referans Kwoze

Doˆ-iˇ 38:28

Dzehˬ laˇ taˬ-euˬ pyuˇ tseˇ yehꞈ jawꞈ-i-ahˇ, kʼawˇ zeuˇ-euˬ laꞈ law deuˬ, kuˆ seuˬ deuˬ hawˇ-eu, kʼawˇ zeuˇ-euˬ uˬ dzo-ahˇ tsahˬ-eu uˬ kʼoˆ deuˬ, Baˬzeˬlaˇ neh jahˇ-euˬ meh.

Doˆ-iˇ 38:19

Saˬ paˇ kʼoeˇ dzeh-ahˇ, guiˬ shuiˇ zeuˇ dahˇ oeˬ dahˇ kʼoeˇ taˆ ka tuˇ taˬ-euˬ kʼawˇ zeuˇ oeˬ zeuˇ kʼoeˇ taˆ taw-euˬ meh. Kʼawˇ zeuˇ kʼoeˇ oeˬ zeuˇ-euˬ kuˆ seuˬ deuˬ, uˬ dzo-ahˇ tsoꞈ-eu uˬ kʼoˆ deuˬ hawˇ-eu, laꞈ law deuˬ-ahˇ pyuˇ neh jahˇ-euˬ meh.

Doˆ-iˇ 38:17

Sehˬ gʼawˆ-ahˇ yaˇ kmˇ mˇ lahˇ-eu gʼaˇ duˬ, kʼawˇ zeuˇ dawˬ tawˆ luꞈ guiˬ shuiˇ neh jahˇ-awˇ, kuˆ seuˬ, laꞈ law hawˇ-eu, kʼawˇ zeuˇ-euˬ uˬ dzo-ahˇ tsoꞈ-eu uˬ kʼoˆ deuˬ-ahˇ, pyuˇ neh jahˇ-euˬ meh. Sehˬ gʼawˆ jawˬ jawˬ-ehˇ ka tuˇ taˬ-euˬ kʼawˇ zeuˇ kʼoeˇ deuˬ-ahˇ, pyuˇ laꞈ law diˬ-euˬ meh.

Doˆ-iˇ 36:38

Saˬ paˇ paˇ ma kʼoeˇ taw-eu gʼaˇ duˬ, kuˆ seuˬ tsoꞈ-awˇ, uˬ dzo hawˇ-eu laꞈ law-ahˇ shuiˇ yaw taˬ-euˬ kʼawˇ zeuˇ ngaˬ zeuˇ hawˇ-eu, kʼawˇ zeuˇ kʼoeˇ deuˬ ka tuˇ-eu gʼaˇ duˬ guiˬ shuiˇ zeuˇ dahˇ ngaˬ hmˬ jahˇ-euˬ meh.

1 Sahˬpaˬ 7:15

Yaw mahˇ paw oeˬ lmˇ nui paˆ byah-awˇ, yaw huiˬ laꞈ paˇ smˬ paˇ byah-eu guiˬ shuiˇ kʼawˇ zeuˇ nyiˬ zeuˇ Huˇlamˬ kʼaˇ-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ ka tuˇ-euˬ meh.

1 Sahˬpaˬ 7:17

Kʼawˇ zeuˇ kʼoeˇ nyiˬ zeuˇ-euˬ uˬ duˬ-ahˇ, tiˬ zeuˇ-euˬ guiˬ shuiˇ caˆ pyehꞈ shiꞈ pyehꞈ bi tsoꞈ-euˬ meh.

Yeˬlaˬmiˇ 52:22

Kʼawˇ zeuˇ uˬ du guiˬ shuiˇ uˬ kʼoˆ tsahˬ taˬ-awˇ, uˬ kʼoˆ kʼoeˇ ngaˬ caˆ byah ni goˇ-awˇ, jawˬ jawˬ-ehˇ guiˬ shuiˇ neh aˇ boꞈ aˇ yehˆ yehˆ taˬ-euˬ meh. Kʼawˇ zeuˇ yawˬ zeuˇ yawˬ kʼawꞈ, kʼoeˇ loꞈ-ehˇ duˇ ni jahˇ taˬ-euˬ meh.