1 Sahˬpaˬ 6:1 - Akha

¹ Iˇsaˬleˬlaˆ tsawˇ jeuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-euˬ oeˬ yaˇ yehꞈ tseˇ kʼoꞈ byah laˇ-awˇ, Sawˇlaˬmoˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ oeˬ kʼoꞈ byah ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Sawˇlaˬmoˬ Uˬ duˬ tahˬ nymˇ nymˇ ma tsoˆ dahˬ beh-euˬ meh.

1 Sahˬpaˬ 6:1 Referans Kwoze

Gʼaˬkʼehˇ 7:47

Ehˇ kʼawꞈ, Miˬyehˇ gʼaˇ duˬ nymˇ tsoˆ-euˬ gʼaˬ-aˬ, Sawˇlaˬmoˬ meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Laˬsaˬbaˬ 29:19

Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”

1 Sahˬpaˬ 6:37

Sawˇlaˬmoˬ uˆ lahˇ-eu oeˬ kʼoꞈ byah laˇ ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Uˬ duˬ tahˬ nymˇ nymˇ ma gawˬ dahˬ beh-euˬ meh.

HeˬByehˇ 11:10

Aˬ jeˬ miˇ neh ehˇ naˇ, Miˬyehˇ neh shaˇ noeˬ-awˇ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu meuˬ-ahˇ Aˬbyaˬhaˬ noeˬ tmˬ taˬ-euˬ meh.

HeˬByehˇ 9:11

Ehˇ kʼawꞈ, Ka li-aˬ, nymˬ-mˇ heu gaˇ keuˆ le taˬ-euˬ yaw muiˬ jeˬ heu deuˬ-ahˇ biꞈ nehˬ laꞈ-eu Piˇma Yaw huiˬ gʼaˬ loꞈ-ehˇ oe keuˆ taˬ-euˬ meh. Aˬ yawꞈ gaˇ mˇ luꞈ-eu sehˬ gʼawˆ-aˬ, muiˬ dzehˬ byah dzehˬ-eu meh. Sehˬ gʼawˆ kʼoeˇ-aˬ, tsawˇ haˬ zaˬ neh gʼawˆ-euˬ sehˬ gʼawˆ maˬ ngeuˇ-eu uˬ taꞈ, beh taˬ-euˬ miˇ tsaˬ tahˬ kʼawˇ heu-ahˇ taꞈ-eu sehꞈ gʼawˆ maˬ ngeuˇ-a.

Gawˇlawˇsehˇ 2:7

Naw maꞈ-ahˇ mehˬ nehˬ tsoˆ nehˬ taˬ-euˬ loꞈ-ehˇ, aˬ yawꞈ laꞈ kʼoeˇ ciˇ ka bi naꞈ-awˇ, naw maꞈ yaw dehꞈ dehꞈ-eu jeˬ aˬ yawꞈ kʼoeˇ taˆ gawˬ daˆ leꞈ-awˇ, jah-eu jeˬ laꞈ kʼoeˇ gʼaˬ kʼaˆ dzehˬ laˇ-awˇ, Miˬyehˇ guiˬ lahˬ-ahˇ ja ceuˬ-eu jeˬ tiˬ byah ni bi ahˇ-awˬ.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

1 Gawˇliˬtu 6:19

Naw maꞈ-euˬ gʼawˇ mawˇ-aˬ, Miˬyehˇ neh biꞈ leꞈ-awˇ naw maꞈ-euˬ laꞈ kʼoeˇ jawˇ luꞈ-eu Muiˬ-eu Shawˇ-eu Yaw sahˇ Miˬyehˇ-euˬ uˬ duˬ tahˬ nymˇ pyeuꞈ-eu meh lehˇ maˬ siˬ nya te loˇ. Kʼoeˇ uˬ taꞈ, naw maꞈ-aˬ, naw maꞈ-euˬ maˬ ngeuˇ-a. Miˬyehˇ-euˬ meh.

Zaˬkaˬliˇ 6:15

Gaˇ mahˇ kaˬ gaˇ jawˇ-eu tsawˇ haˬ deuˬ laˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ gaˇ caw ba laˇ tehꞈ-a. Uˬ duˬ tahˬ nymˇ nymˇ ma kʼoeˇ tsoˆ muiˬ gʼaˬ ngeh jawˇ, Baoˬ huiˬ-eu Sahˬpaˬ Miˬyehˇ neh, ngaˬ-ahˇ naw maꞈ jawˇ gaˇ pyehˬ gʼeh leꞈ-euˬ nga lehˇ, naw maꞈ ya siˬ duˬ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ naw maꞈ yaw muiˬ paˬ-ehˇ naˇ haˬ-awˇ caw teh naˇ, kʼoeˇ loꞈ-ehˇ pyeuꞈ laˇ tehꞈ-a.

Yaˇ kʼaˬ daˇ 11:26

Heˬshaˬboˬ meuˬ hawˇ-eu Aˬyawˬ meuˬ-ahˇ maˬ ehˇ, kʼoeˇ nyiˬ meuˬ-euˬ jawˬ jawˬ-ehˇ jaˆ-eu meuˬ meuˬ zaˬ deuˬ-ahˇ maˬ ehˇ, Aˬnoˬ lawˇ baˬ lawˇ deh caw caw-ehˇ jaˆ-eu meuˬ dawˬ tawˆ luꞈ-ahˇ maˬ ehˇ, Iˇsaˬleˬlaˆ tsawˇ haˬ deuˬ jawˇ luꞈ-eu smˬ yaˇ kʼoꞈ keuˆ laˇ-euˬ meh. Aˇ yamˬ heu myah ni gʼeh-eu laꞈ kʼoeˇ, aˬ jeˬ miˇ neh meuˬ kʼoeˇ deuˬ nawˇ maˬ yuˇ kʼoꞈ geuꞈ te.

Bawˇtsahˬ 1:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

Gʼaˬkʼehˇ 13:19

Kaˬnaˬ miˇ kʼahˬ laꞈ kʼoeˇ jawˇ-euˬ tsawˇ jeuˬ shiꞈ jeuˬ-ahˇ aˬ yawꞈ laˆ cawˆ nehˬ-awˇ, aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ biꞈ-euˬ meh.

1 Sahˬpaˬ 6:2

Sahˬpaˬ Miˬyehˇ gʼaˇ duˬ sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma kʼoeˇ nymˇ-aˬ, yaw mahˇ paw tseˇ ngaˬ lmˇ, yaw jeˇ paw ngaˬ lmˇ hawˇ-eu, yaw goˇ paw shiꞈ lmˇ nui paˆ byah-eu meh.

1 Laˬsaˬbaˬ 6:10

(Yeˬluˇsaˬlehˬ meuˬ-ahˇ sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu gʼaˬ pyeuꞈ-eu) Aˬzaˬyiˇ,

Eˇzaˬlaˬ 5:11

“Aˬ yawꞈ maꞈ heu loꞈ-ehˇ ehˇ-eu meh. ‘Nga maꞈ-aˬ, mˬ hawˇ-eu miˇ-ahˇ uˆ lahˇ-eu Miˬyehˇ-euˬ zaˬ kʼaˆ pyeuꞈ-eu ma. Aˇ hu ba baoˬ huiˬ-eu Iˇsaˬleˬlaˆ sahˬ paˬ tiˬ gʼaˬ neh tsoˆ taˬ yaꞈ-euˬ Uˬ duˬ tahˬ nymˇ nymˇ ma-ahˇ nga maꞈ paˇ tsoˆ muiˬ luꞈ-eu ma.

Jaceuq 78:69

Mˬ kʼoeˇ taˆ jaˆ-eu aˬ yawꞈ-euˬ nymˇ loꞈ-ehˇ, aˬ yawꞈ-euˬ Uˬ duˬ tahˬ nymˇ nymˇ ma kʼoeˇ gaˇ tsoˆ-awˇ, mˬ maˬ maˬ byaˆ zaˇ ziˇ bi ziꞈ-euˬ meh.

Haˬgaiˇ 1:8

Gawˬ jawˬ-ahˇ daˇ kawˬ shaˇ leˇ-awˇ, Uˬ duˬ tahˬ nymˇ nymˇ ma tsoˆ muiˬ-awˬ. Kʼoeˇ loꞈ-ehˇ jahˇ naˇ, ngaˇ nui kʼahˇ shiˇ-awˇ, ngaˬ-ahˇ kʼoeˇ gaˇ uˬ duˬ paˇ ya tahˬ tehꞈ-a.

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

2 Laˬsaˬbaˬ 3:3

Sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma kʼoeˇ nymˇ-aˬ, yaw mahˇ paw tseˇ ngaˬ lmˇ byah-awˇ, yaw jeˇ paw ngaˬ lmˇ byah-eu meh.

Yeˬsaˬgeˬlaˇ 41:1

Kʼoeˇ naˇ, muiˬ-eu shawˇ-eu jawˇ duˬ pyeuꞈ-eu gʼahˇ ceh lawˆ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ uˇ gʼeh nehˬ laꞈ-euˬ meh. Aˇ lawˆ kʼoeˇ lawˆ-ahˇ uˇ leˇ-eu gaˇ ma-ahˇ tsawˇ haˬ kʼoeˇ gʼaˬ dza haw ngeh, yaw mahˇ paw tiˬ lmˇ nui paˆ byah-eu meh.