1 Sahˬpaˬ 5:4 - Akha

⁴ Ehˇ kʼawꞈ, nymˬ-mˇ poˆ jawˇ ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ-euˬ miˇ kʼahˬ yawˬ coeˇ na luꞈ coꞈ ngehˇ ni bi jaˆ-awˇ, ngaˬ-ahˇ muiˇ-eu miˇ kʼahˬ maˬ jaˆ-eu miˇ neh, guiˇ deuˆ le gaˇ guˆ kʼaˇ maˬ za-a.

1 Sahˬpaˬ 5:4 Referans Kwoze

1 Laˬsaˬbaˬ 22:9

Ehˇ kʼawꞈ, aˬ yawꞈ ngaˬ-ahˇ heu loꞈ-ehˇ saˇ jaˇ dzaˬ-euˬ meh. ‘Sahˬ paˬ geuꞈ-awˇ saˇ lehˆ ni miˇ kʼahˬ-ahˇ ya uˆ lahˇ-eu nawˬ-euˬ aˬ li tiˬ li jawˇ le tehꞈ-a. Aˬ jeˬ miˇ neh ehˇ naˇ, muiˇ-eu deuˬ nehˬ-ehˇ aˬ yawꞈ guiˇ maˬ ya deuˆ-ehˇ, miˇ kʼahˬ saˇ lehˆ ni aˬ yawꞈ ya uˆ lahˇ-eu gʼaˇ duˬ ngaˇ jahˇ ma. Aˬ yawꞈ-ahˇ Sawˇlaˬmoˬ lehˇ ya myahˇ tehꞈ-a. Aˬ jeˬ miˇ neh ehˇ naˇ, aˬ yawꞈ uˆ lahˇ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ laꞈ kʼoeˇ guˆ-eu gaˆ-eu jeˬ maˬ jaˆ-ehˇ, nui saˇ oꞈ-awˇ, coꞈ ngehˇ ni jaˆ ni ngaˇ jahˇ ma.

1 Sahˬpaˬ 4:24

Uˇpaˬlaˇ lawˇ baˬ lawˇ deh-ahˇ jaˆ-eu Tiˇpaˬsahˇ meuˬ-ahˇ neh, nahˇ ma ga kʼehˬ paw jaˆ-eu Gaˬzaˬ meuˬ-ahˇ keuˆ ni, Uˇpaˬlaˇ lawˇ baˬ-euˬ nahˇ ma ga kʼehˬ paw jaˆ-eu miˇ kʼahˬ dawˬ tawˆ luꞈ-ahˇ, Sawˇlaˬmoˬ uˆ lahˇ-euˬ meh. UˇPaˬlaˇ lawˇ baˬ-euˬ nahˇ ma ga kʼehˬ paw kʼaˇ jawˇ-eu sahˬ paˬ dawˬ tawˆ luꞈ, aˬ yawꞈ uˆ lahˇ-eu uˬ moˆ jawˇ-awˇ, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ dawˬ tawˆ luꞈ-ahˇ tsaˬ leˇ-awˇ dehꞈ-euˬ meh.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Jaceuq 72:7

Aˬ yawꞈ-euˬ ziˇ laꞈ kʼoeˇ yaw tsaˬ yaw dawˇ jeˬ jaˆ-awˇ, ba la kʼaˇ tsehˬ kʼoeˇ keuˆ ni baw le za le luꞈ-uˇ.

2 Saˬmeuˬlaˆ 7:5

“Ngaˬ-euˬ zaˬ kʼaˆ Daˬbiˇ jawˇ gaˇ-iˇ-awˇ, ngaˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˇ jawˇ-eu gʼaˇ duˬ uˬ duˬ tahˬ nymˇ ya tsoˆ-eu gʼaˬ nawˇ maˬ ngeuˇ-a.

Yawˇshuˆ 15:47

Iˇjiˇtuˆ miˇ kʼahˬ-ahˇ jaˆ-eu lawˇ gawˆ hawˇ-eu Gʼahˇ ceh-euˬ iˬ ma laˆ shaˆ-ahˇ keuˆ ni jaˆ-eu Aˬshaˬdoˇ meuˬ, Gaˬzaˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ hawˇ-eu pu deuˬ meh.

1 Sahˬpaˬ 5:18

Sawˇlaˬmoˬ-euˬ tsawˇ haˬ deuˬ, Hiˇlamˬ-euˬ tsawˇ haˬ deuˬ hawˇ-eu, Biˇbaˬlawˆ meuˬ-ahˇ jawˇ-eu tsawˇ haˬ deuˬ, Uˬ duˬ tahˬ nymˇ nymˇ ma tsoˆ-eu gʼaˇ duˬ, kʼaˬ lo hawˇ-eu daˇ kawˬ laˆ saˆ-euˬ meh.

1 Sahˬpaˬ 11:25

Aˬ yawꞈ-aˬ, Sawˇlaˬmoˬ yaw dehꞈ dehꞈ luꞈ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ muiˇ-eu tsawˇ haˬ tiˬ gʼaˬ pyeuꞈ-eu meh.

2 Sahˬpaˬ 18:8

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-awˇ, Gaˬzaˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu pu pu zaˬ tiˬ pu-ahˇ neh meuˬ meuˬ ma tiˬ meuˬ-ahˇ keuˆ ni, aˬ yawꞈ maꞈ kʼaˇ jawˇ gaˇ guiˇ deuˆ-euˬ meh.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.