1 Sahˬpaˬ 5:1 - Akha

¹ Duˇlu sahˬ paˬ Hiˇlamˬ-aˬ, Daˬbiˇ nehˬ-ehˇ maˬ tsehˆ leˇ ni cawˬ cawˬ taꞈ-euˬ miˇ neh, Daˬbiˇ-euˬ jawˇ duˬ-ahˇ Sawˇlaˬmoˬ sahˬ paˬ keuˆ leˇ-euˬ gaˇ kawˆ ya gaˬ ngeh, cawˬ cawˬ taꞈ-eu gʼaˇ duˬ tsawˇ haˬ pyehˬ gʼeh-euˬ meh.

1 Sahˬpaˬ 5:1 Referans Kwoze

1 Laˬsaˬbaˬ 14:1

Duˇlu sahˬ paˬ Hiˇlamˬ-aˬ, Daˬbiˇ jawˇ gaˇ jeˬ gaꞈ taꞈ-eu gʼaˇ duˬ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ siˬ daˬ miˬ shuˬ daˇ kawˬ deuˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ mˇ nya-eu tsawˇ haˬ deuˬ maˬ ehˇ, bi sheuˬ gʼeh-euˬ meh.

2 Laˬsaˬbaˬ 2:3

Duˇlu sahˬ paˬ Hiˇlamˬ-ahˇ, Sawˇlaˬmoˬ heu loꞈ-ehˇ dawˬ tsaꞈ tsaꞈ ahˇ nehˬ-euˬ meh. “Ngaˬ da Daˬbiˇ nehˬ-ehˇ nawˇ jeˬ gaꞈ taꞈ-awˇ, aˬ yawꞈ jawˇ-eu sahˬ paˬ-euˬ hawˇ nymˇ tsoˆ ngeh nawˇ shuˬ liˇ daˇ kawˬ ahˬ nehˬ-euˬ loꞈ-ehˇ, ngaˬ-ahˇ kʼawꞈ ahˬ nehˬ laꞈ-awˬ.

2 Saˬmeuˬlaˆ 5:11

Duˇlu sahˬ paˬ Hiˇlamˬ-aˬ, jeˬ gaꞈ gaꞈ taꞈ-eu gʼaˇ duˬ Daˬbiˇ jawˇ gaˇ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ shuˬ liˇ daˇ kawˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ gawˬ-eu paw tsawˇ gahˇ ahˇ-eu deuˬ maˬ ehˇ, kʼehˇ gʼeh-euˬ meh.

1 Sahˬpaˬ 5:10

Kʼoeˇ naˇ, Sawˇlaˬmoˬ kʼaˇ loˬ-eu shuˬ liˇ hawˇ-eu miˬ shuˬ aˇ bawˇ deuˬ Hiˇlamˬ neh sha ha nehˬ-euˬ meh.

Aˬmoˆ 1:9

Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Jaceuq 45:12

Duˇlu miˇ kʼahˬ-ahˇ jawˇ-eu tsawˇ haˬ deuˬ nawˬ-ahˇ laꞈ sawˬ yuˇ ha laˇ-awˇ, smˇ muiˬ aˬ da deuˬ nawˬ-ahˇ myaˆ pyawˬ pyuˇ ni leh jeh tehꞈ-a.

1 Sahˬpaˬ 5:13

Sahˬ paˬ Sawˇlaˬmoˬ-aˬ, Iˇsaˬleˬlaˆ miˇ kʼahˬ kʼahˬ lah ni laꞈ kʼoeˇ, myawˬ kʼaˆ bi mˇ-eu tsawˇ haˬ smˬ muiˇ gʼaˬ bi poˆ doˆ-euˬ meh.

2 Saˬmeuˬlaˆ 8:10

Tawˇiˆ nehˬ-ehˇ tiˬ kʼehˬ maˬ taˬ ni guiˇ deuˆ ceh ceh luꞈ-eu sahˬ paˬ Haˬdaˬdeˬzaˬ-ahˇ sahˬ paˬ Daˬbiˇ deuˆ gʼaˬ-euˬ miˇ neh, Tawˇiˆ-euˬ aˬ li Yoˇlamˬ-ahˇ sahˬ paˬ Daˬbiˇ jawˇ gaˇ bi le-awˇ, Haˬdaˬdeˬzaˬ-ahˇ deuˆ gʼaˬ-euˬ baˬ da neh, laˬ kʼaˬ cehˇ-awˇ guiˬ lahˬ huiˬ-eu gaˇ kawˆ bi tsaꞈ gaˬ leˇ-euˬ meh. Shuiˇ, pyuˇ hawˇ-eu, guiˬ shuiˇ neh jahˇ taˬ-euˬ laꞈ sawˬ deuˬ-ahˇ, Daˬbiˇ jawˇ gaˇ Yoˇlamˬ yuˇ gʼeh nehˬ-euˬ meh.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

Doˆ-iˇ 34:24

Naw maꞈ-ahˇ muiˇ-eu tsawˇ haˬ deuˬ-ahˇ, naw maꞈ-euˬ mehˬ shi ngaˇ teh doˆ-awˇ, naw maꞈ jawˇ duˬ miˇ kʼahˬ jeˇ laˇ gʼaˬ ngeh, bawˬ-iˬ heu smˇ hmˬ gʼeh-eu aˇ yamˬ laꞈ kʼoeˇ, tsawˇ haˬ tiˬ gʼaˬ-iˬ naw maꞈ-euˬ miˇ kʼahˬ-ahˇ maˬ paˇ ceh geuꞈ laˇ meh.

Bawˇtsahˬ 24:7

Aˬ yawꞈ maꞈ uˬ yehˇ tiˬ loꞈ za-awˇ, iˇ cuꞈ za-eu deh yaˇ-ahˇ siˬ yoeˬ sehˬ tehꞈ-a. Aˬ yawꞈ maꞈ-euˬ sahˬ paˬ-aˬ, sahˬ paˬ Aˬgaˆ naˆ maˬ tseˇ baoˬ huiˬ-awˇ, aˬ yawꞈ-euˬ miˇ kʼahˬ huiˬ dui jeˇ dui dui tehꞈ-a.

Dawˬmehˬ 20:11

Aˬ yawꞈ maꞈ nawˬ-euˬ laꞈ oꞈ awꞈ-eu laꞈ kʼoeˇ, meuˬ lahˇ kʼehˬ pah nehˬ laꞈ naˇ, dawˬ tawˆ luꞈ nawˬ-euˬ zaˬ kʼaˆ bi geuꞈ-eu laꞈ kʼoeˇ myawˬ kʼaˆ bi mˇ-awˬ.

1 Saˬmeuˬlaˆ 10:27

Ehˇ kʼawꞈ, gaˇ dahˇ maˬ tsoeˬ-eu tsawˇ haˬ tiˬ paˆ na deuˬ aˬ yawꞈ-ahˇ yaw zeu maˬ baw-ehˇ, “Tsawˇ haˬ heu gʼaˬ aˬ dui-ahˇ muiˬ laˇ ni tiˬ jeˬ-iˬ maˬ mˇ nya luꞈ-a” lehˇ ehˇ-awˇ, aˬ yawꞈ-ahˇ laꞈ sawˬ tiˬ jeˬ-iˬ maˬ biꞈ leˇ ni jawˇ-eu meh.

1 Sahˬpaˬ 10:25

Aˬ yawꞈ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, shuiˇ hawˇ-eu pyuˇ neh jahˇ taˬ-euˬ myawˬ guˇ deuˬ, pehˇ kʼahˬ pehˇ mahˇ deuˬ, guiˇ deuˆ-eu keu ka deuˬ, tsiˇ yaw saw jeˬ, dzaˇ muiˇ dzaˇ sawˇ deuˬ, mahˬ hawˇ-eu mahˬ shaˆ lawˬ deuˬ yuˇ-awˇ, laꞈ sawˬ biꞈ laˇ-euˬ meh. Yawˬ kʼoꞈ na luꞈ, aˬ yawꞈ maꞈ kʼoeˇ loꞈ-ehˇ aˬ yawꞈ jawˇ gaˇ laꞈ sawˬ yuˇ laꞈ nehˬ-euˬ meh.

2 Laˬsaˬbaˬ 9:26

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ keuˆ ni jaˆ-eu miˇ kʼahˬ deuˬ-ahˇ uˆ lahˇ-eu sahˬ paˬ dawˬ tawˆ luꞈ kʼoeˇ taˆ, huiˬ dzehˬ-eu sahˬ paˬ-aˬ, Sawˇlaˬmoˬ pyeuꞈ-eu meh.

2 Laˬsaˬbaˬ 17:11

Piˇliˇtiˆ tsawˇ haˬ tiˬ paˆ na deuˬ-aˬ, Yeˬhawˇshaˬpaˇ jawˇ gaˇ pyuˇ gʼawˬ mya ni hawˇ-eu nui jeˬ laꞈ sawˬ sha ha laˇ-awˇ, Aˬlaˆ tsawˇ haˬ tiˬ paˆ na deuˬ-aˬ, yawˇ shiꞈ heˇ shiꞈ yaˇ mawˇ hawˇ-eu ciꞈ myehꞈ shiꞈ heˇ shiꞈ yaˇ mawˇ sha ha laˇ-euˬ meh.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Jaceuq 72:8

Aˬ yawꞈ-euˬ miˇ kʼahˬ iˬ ma laˆ shaˆ kʼoeˇ dzeˇ heu dzeˇ tuˆ-awˇ, Uˇpaˬlaˇ lawˇ baˬ-ahˇ neh mˬ dzeˇ miˇ dzeˇ keuˆ ni jeˇ luꞈ-uˇ.

Jaceuq 80:12

Aˬ jeˬ miˇ neh baw duˆ kʼoeˇ duˆ-ahˇ mˇ jawˬ taˬ-euˬ yaˇ kmˇ-ahˇ nawˇ ngawˬ pyaˆ teˬ. Nymˬ-mˇ poˆ jawˇ kʼaˇ iˇ kʼaˇ laˇ tsehˆ-eu tsawˇ haˬ deuˬ aˬ gaꞈ aˇ siˬ pyaˆ kʼoeˬ dzaˬ nya-eu meh.

Yeˬsaˬgeˬlaˇ 19:11

Uˬ pyaˬ uˬ laꞈ yaw deuˇ miˇ neh, dzoeˬ dzaˬ gawˬ yoeˬ pyeuꞈ laˇ-euˬ meh. Mˬ dmˇ tuˆ ni goˇ-eu miˇ neh, aˇ paꞈ sahˇ-awˇ goˇ dui dui gaˇ, yawˬ gʼaˬ na luꞈ mawˇ nya-eu meh.

Luˇkaꞈ 7:5

Aˬ dui-euˬ tsawˇ jeuˬ-ahˇ aˬ yawꞈ gaˬ-awˇ, aˬ dui-euˬ gʼaˇ duˬ uˬ duˬ tahˬ nymˇ tsoˆ nehˬ laꞈ-euˬ meh.”