1 Sahˬpaˬ 4:7 - Akha

⁷ Iˇsaˬleˬlaˆ miˇ kʼahˬ laꞈ kʼoeˇ, miˇ kʼahˬ kʼahˬ zaˬ biˇ taˬ-awˇ bi uˆ lahˇ-euˬ tsawˇ haˬ tseˇ nyiꞈ gʼaˬ Sawˇlaˬmoˬ tseˇ doˆ-euˬ meh. Tsawˇ haˬ kʼoeˇ deuˬ-aˬ, yawˬ ha uˆ lahˇ luꞈ-eu miˇ kʼahˬ laꞈ kʼoeˇ, sahˬ paˬ hawˇ-eu aˬ yawꞈ-euˬ miˬ sawˇ zaˬ deuˬ gʼaˇ duˬ dzaˬ dzaˬ dawˇ dawˇ taꞈ doˆ-awˇ, ya sha ha nehˬ leˇ-eu meh. Miˇ kʼahˬ kʼahˬ zaˬ tiˬ kʼahˬ uˬ duˬ-ahˇ, tiˬ kʼoꞈ laꞈ kʼoeˇ ba la tiˬ siˬ dzaˬ loꞈ dawˇ loꞈ ni ya taꞈ nehˬ-eu meh.

1 Sahˬpaˬ 4:7 Referans Kwoze

1 Sahˬpaˬ 4:5

Naˬdaˬ-euˬ aˬ li Aˬzaˬyiˇ-aˬ, miˇ kʼahˬ kʼahˬ zaˬ biˇ taˬ-euˬ kʼoeˇ taˆ uˆ lahˇ-eu sahˬ paˬ sahˬ ma deuˬ-ahˇ haw-eu pyaˆ-eu gʼaˬ geuꞈ-euˬ meh. Naˬdaˬ-euˬ aˬ li Zaˬbuˆ-aˬ, sahˬ paˬ-ahˇ nui noeˬ nui duˇ biꞈ-euˬ gʼaˬ geuꞈ-euˬ meh.

1 Sahˬpaˬ 4:6

Aˬhiˇshaˬ-aˬ, sahˬ paˬ-euˬ nymˇ-ahˇ gaˇ mˇ-eu zaˬ kʼaˆ deuˬ-ahˇ haw-eu pyaˆ-eu gʼaˬ geuꞈ-euˬ meh. Aˬbaˬdaˬ-euˬ aˬ li Aˬdawˇniˇlamˬ-aˬ, myawˬ kʼaˆ bi mˇ-euˬ deuˬ-ahˇ haw-eu pyaˆ-eu gʼaˬ geuꞈ-euˬ meh.

1 Sahˬpaˬ 4:8

Sahˬ paˬ sahˬ ma kʼoeˇ tseˇ nyiꞈ gʼaˬ hawˇ-eu, aˬ yawꞈ maꞈ haw luꞈ pyaˆ luꞈ-eu miˇ kʼahˬ pehˇ tsahˇ-aˬ, heu loꞈ-ehˇ meh. Beˬhaˇ-aˬ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ haw-eu pyaˆ-eu gʼaˬ geuꞈ-euˬ meh.

1 Sahˬpaˬ 12:4

“Nawˬ da Sawˇlaˬmoˬ-aˬ, nga maꞈ-ahˇ yaw kʼaˆ-ehˇ kʼehˇ dzaˬ-awˇ, maˬ gʼaˬ leˇ gaˇ keuˆ ni ciˬ baꞈ ciˬ pi nehˬ laꞈ-euˬ meh. Nga maꞈ-ahˇ nawˬ da neh ciˬ baꞈ ciˬ pi nehˬ laꞈ-euˬ kʼaˆ behˆ nawˇ laˆ pyaˇ nehˬ laꞈ-awˇ, ui cuiˆ yaw saˇ saˇ-ehˇ bi dehꞈ laꞈ naˇ, nawˇ uˆ lahˇ-eu uˬ moˆ nga maꞈ jawˇ ma.”

1 Sahˬpaˬ 5:7

Sawˇlaˬmoˬ neh tsaꞈ ahˇ gʼeh-euˬ dawˬ-ahˇ Hiˇlamˬ ya gaˬ ngeh, nui kʼahˇ shiˇ dui dui-awˇ, “Huiˬ dui dui-eu tsawˇ jeuˬ kʼoeˇ jeuˬ kʼoeˇ taˆ sahˬ paˬ geuꞈ-awˇ bi uˆ lahˇ-eu gʼaˇ duˬ, tsawˇ gahˇ ahˇ-eu aˬ li tiˬ li Daˬbiˇ-ahˇ biꞈ-euˬ miˇ neh, Sahˬpaˬ Miˬyehˇ-ahˇ ja ceuˬ-awˬ” lehˇ ehˇ-eu meh.