Biblia Todo Logo
Bib sou entènèt

- Piblisite -




1 Sahˬpaˬ 3:9 - Akha

9 Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

Gade chapit la Kopi




1 Sahˬpaˬ 3:9
36 Referans Kwoze  

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.


Zaˬ siˬ tsawˇ gahˇ poˆ-eu-aˬ, shuiˇ-ahˇ poˆ-eu naˆ maˬ tseˇ poeˬ-awˇ, noeˬ siˬ noeˬ mawˇ nya-eu jeˬ-ahˇ za-eu-aˬ, pyuˇ poˆ za-euˬ naˆ maˬ tseˇ gaˇ dahˇ tsoeˬ-eu meh.


Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.


“Ngaˬ-euˬ baoˬ-ahˇ ngaˇ gʼoe-awˇ yawˬ haˇ yawˬ ha tiˬ jeˬ-iˬ maˬ mˇ nya-a. Miˬyehˇ ngaˬ-ahˇ ehˇ nehˬ laꞈ-euˬ loꞈ-ehˇ ngaˇ yaˇ kʼaˬ daˇ-eu ma. Kʼoeˇ miˇ neh, ngaˬ neh yaˇ kʼaˬ daˇ-euˬ-aˬ, tsaˬ-eu dawˇ-eu meh. Aˬ jeˬ miˇ neh ehˇ naˇ, ngaˬ-euˬ nui kʼahˇ ngaˇ maˬ mˇ-ehˇ, ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ-eu ma.


Ngaˬ-euˬ saˇ jaˇ baˬ da neh, ngaˇ guˆ kʼaˇ maˬ za ni ya dehꞈ tehꞈ-a lehˇ yawˬ haˇ yawˬ ha ehˇ-euˬ ma. Aˬ jeˬ miˇ neh ehˇ naˇ, sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ-ahˇ duˇ-awˇ, yaw muiˬ yaw doeˇ tseˇ paˆ nya-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ.”


Aˬ yawꞈ-euˬ zahˇ dawˬ kʼoꞈ dawˬ-ahˇ tsaˬ ni Iˇsaˬleˬlaˆ miˇ kʼahˬ-ahˇ nawˇ uˆ lahˇ nya-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ, noeˬ siˬ noeˬ mawˇ nya-eu tsawˇ gahˇ hawˇ-eu, zaˬ siˬ tsawˇ gahˇ biꞈ luꞈ-uˇ.


Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.


Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.


Nawˬ neh mehˬ nehˬ laꞈ-euˬ dawˬ aˬ myah luꞈ tsaˬ-eu meh. Ngaˇ yaw dehꞈ ya dehꞈ ni noeˬ siˬ noeˬ mawˇ nya-eu jeˬ biꞈ nehˬ laꞈ.


Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.


Gaˇ heu nga maꞈ mˇ nya ma lehˇ ehˇ paˬ-ehˇ nga maꞈ laꞈ kʼoeˇ tiˬ jeˬ-iˬ maˬ ahˇ. Nga maꞈ mˇ nya-eu kʼoeˇ-aˬ, Miˬyehˇ neh biꞈ laꞈ-euˬ jeˬ pyeuꞈ-eu meh.


Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”


Zaˬ siˬ tsawˇ gahˇ poeˬ kʼaˆ jeˬ biˇ, nahˇ ma kʼaˇ mawˇ-eu tsawˇ haˬ-ahˇ, muiˬ-eu guiˬ lahˬ biꞈ nehˬ-eu meh.


Gaˬ-eu naˬ bawˇ mawˇ-eu myaˆ nuiˆ, nyiˬ jeˬ luꞈ Sahˬpaˬ Miˬyehˇ beh-euˬ meh.


Kʼoeˇ miˇ neh, aˬ yawꞈ maꞈ kʼoeˇ taˆ ngaˇ uˆ lahˇ-eu gʼaˇ duˬ, loˬ-eu zaˬ siˬ tsawˇ gahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ haˬ heu deuˬ-ahˇ ngaˇ aˬ joˆ-ehˇ uˆ lahˇ nmˇ.”


Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”


Dawˬ tawˆ luꞈ laꞈ kʼoeˇ muiˬ dzehˬ-eu jeˬ-ahˇ naw maꞈ tseˇ geuꞈ nya laˇ ni shaˇ luꞈ-eu ma. Kʼoeˇ miˇ neh, Ka li zaꞈ le-eu Aˇ nah-ahˇ naw maꞈ laꞈ kʼoeˇ maˬ muiˬ-eu jeˬ maˬ paˇ ahˇ-ehˇ, iˬ baˇ taˬ kʼaˇ maˬ za ni pyeuꞈ laˇ tehꞈ-a.


Piˬ-iˇ byoˆ-iˇ luꞈ-eu deuˬ gʼaˇ duˬ-aˬ, bi shiˇ-eu yaw buꞈ behꞈ laꞈ gaˇ duˇ-awˇ, ka kʼoꞈ-eu jeˬ za gʼaˬ-euˬ deuˬ gʼaˇ duˬ-aˬ, bi dehꞈ laˇ-eu yaw saw jeˬ-ahˇ duˇ-eu meh. Heu loꞈ-ehˇ gʼeh-eu gaˇ mˇ nya-eu aˬ suˇ gʼaˬ jawˇ ta.


Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.


Meuˬdzoeˬsahˬpaˬ tseˇgʼaˬ maˬtseˇ, zaˬ siˬ tiˬ gʼaˬ baoˬ huiˬ-eu meh.


Kʼoeˇ ngeh ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ dawˬ ngehˬ tsaˬ maˬ siˬ-ehˇ, aˇ kʼoꞈ kʼawꞈ maˬ zeh laˇ nyaˬ siˬ.”


Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.


Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.


Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.


Sawˇlaˬmoˬ neh shaˇ-euˬ jeˬ-ahˇ Sahˬpaˬ Miˬyehˇ nui kʼahˇ shiˇ-eu meh.


Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ jawˇ gaˇ laˇ-awˇ, Miˬyehˇ neh aˬ yawꞈ-ahˇ biꞈ taˬ-euˬ yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ-ahˇ naˇ haˬ geuꞈ laˇ mawꞈ-eu meh.


Nawˬ-ahˇ muiˬ laˇ-eu jeˬ-ahˇ nawˇ poˆ te loˇ. Kʼoeˇ loꞈ-ehˇ taˬ gʼeh. Tsawˇ haˬ dawˬ tawˆ luꞈ kʼoeˇ taˆ, luˬ-iˇ seˇ-iˇ-eu jeˬ ngaˇ bi keuˆ le ma. Ehˇ kʼawꞈ, nawˇ aˬ geu gaˇ jawˇ-eu maˬ kaˬ, maˬ ya shiˇ ni dzeuˇ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”


Aˇ yamˬ aˇ law yawꞈ tuˆ tehˬ-awˇ, dzoeˬ dzaˬ dzeˇ paˇ yawꞈ-ahˇ jaˆ-awˇ, zaˬ siˬ nui gahˇ yawꞈ biꞈ-eu meh


Swiv nou:

Piblisite


Piblisite