8 Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ nawˬ neh tseˇ doˆ-euˬ tsawˇ jeuˬ pyeuꞈ-eu, myaˬ dui dui-eu tsawˇ haˬ heu deuˬ-euˬ gʼahˇ ceh ngaˇ jawˇ luꞈ-eu ma.
Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”
Daˬbiˇ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu Yoˇbaˬ-ahˇ “Iˇsaˬleˬlaˆ miˇ kʼahˬ heu dzeˇ kʼoeˇ dzeˇ doˆ ni iˇ-awˇ, miˇ kʼahˬ zaˬ-euˬ tsawˇ seˬ gʼoˆ-iˇ-awˬ. Tsawˇ haˬ aˇ myaˆ gʼaˬ jawˇ-eu ngaˇ siˬ mawꞈ nya” lehˇ dawˬ biꞈ-euˬ meh.
Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.
Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.
Aˬ yawꞈ yawˇ bo luꞈ gaˇ kuˇ kʼoꞈ laꞈ-awˇ, Miˬyehˇ-euˬ tsawˇ haˬ deuˬ-ahˇ bo-eu yawˇ bo-eu yaw sahˇ bi geuꞈ-eu lehˇ, Iˇsaˬleˬlaˆ tsawˇ jeuˬ-euˬ sahˬ paˬ ka nehˬ-euˬ meh.
Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.
Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu meh. Aˬ yawꞈ maꞈ ya dzaˬ ya dawˇ dehˆ-awˇ, laˬ kʼaˬ cehˇ nui saˇ oꞈ-euˬ meh.
Naw maꞈ-ahˇ ngaˇ guiˬ lahˬ biꞈ-awˇ, naw maꞈ-euˬ zaˬ deuˬ bi jeuˬ bi o le ma. Naw maꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ ziꞈ ma.