Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.
1 Sahˬpaˬ 3:7 - Akha7 Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ zaˬ guˬ pyeuꞈ-eu miˇ neh, miˇ kʼahˬ-ahˇ aˬ joˆ-ehˇ ya uˆ lahˇ-eu gaˇ kawˆ maˬ siˬ nya kʼawꞈ, ngaˬ da-euˬ dah zaˇ nawˇ ngaˬ-ahˇ sahˬ paˬ ka nehˬ laꞈ-euˬ meh. Gade chapit la |
1 Sahˬpaˬ 3:7
21 Referans Kwoze
Tsawˇ haˬ zaˬ-euˬ baꞈ tsahˬ-ahˇ neh aˬ yawꞈ-ahˇ teh dzeh-awˇ, bawˇ tsahˬ jeˬ zaˬ-euˬ nui ma ahˇ laˇ-euˬ meh. Bawˇ tsahˬ mahˬ tahˬ laˆ deuˬ nehˬ-ehˇ aˬ yawꞈ jawˇ-awˇ, mawˇ neˇ loꞈ-ehˇ yaˇ moꞈ tseuˆ dzaˬ-awˇ, deh ga-ahˇ naˇ shmˇ maˬ baw gaˇ, ceuˬ deh deh deh-ehˇ yuꞈ-euˬ meh. Aˇ saˬ saˬ laˇ ngeh jawˇ, tsawˇ haˬ zaˬ-euˬ miˇ kʼahˬ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ laꞈ-ahˇ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, aˬ yawꞈ-ahˇ siˬ duˬ leˇ-euˬ meh.
Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”
Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.
Daˬbiˇ heu loꞈ-ehˇ noeˬ-eu meh. “Ngaˬ li Sawˇlaˬmoˬ tsoˆ-eu Uˬ duˬ tahˬ nymˇ nymˇ ma-aˬ, muiˬ dui dui-awˇ, miˇ tsaˬ kʼoeˇ taˆ tsawˇ myahˇ doˆ dui dui tehꞈ-a. Ehˇ kʼawꞈ, aˬ yawꞈ aˇ kʼoꞈ nahˬ-awˇ, maˬ mˇ maˬ shaˇ haw-euˬ miˇ neh, Uˬ duˬ tahˬ nymˇ nymˇ ma kʼoeˇ tsoˆ-eu gʼaˇ duˬ, ngaˇ ya lehˬ hmˬ taˬ nehˬ meh” lehˇ noeˬ-euˬ meh. Kʼoeˇ miˇ neh, Daˬbiˇ-aˬ, aˬ yawꞈ maˬ shiˇ mi naˆ-ehˇ, loˬ-eu mˇ myawˬ keu ka gʼawˬ mya ni lehˬ hmˬ dah taˬ nehˬ yaꞈ-euˬ meh.
Ehˇ kʼawꞈ, aˬ yawꞈ ngaˬ-ahˇ heu loꞈ-ehˇ saˇ jaˇ dzaˬ-euˬ meh. ‘Sahˬ paˬ geuꞈ-awˇ saˇ lehˆ ni miˇ kʼahˬ-ahˇ ya uˆ lahˇ-eu nawˬ-euˬ aˬ li tiˬ li jawˇ le tehꞈ-a. Aˬ jeˬ miˇ neh ehˇ naˇ, muiˇ-eu deuˬ nehˬ-ehˇ aˬ yawꞈ guiˇ maˬ ya deuˆ-ehˇ, miˇ kʼahˬ saˇ lehˆ ni aˬ yawꞈ ya uˆ lahˇ-eu gʼaˇ duˬ ngaˇ jahˇ ma. Aˬ yawꞈ-ahˇ Sawˇlaˬmoˬ lehˇ ya myahˇ tehꞈ-a. Aˬ jeˬ miˇ neh ehˇ naˇ, aˬ yawꞈ uˆ lahˇ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ laꞈ kʼoeˇ guˆ-eu gaˆ-eu jeˬ maˬ jaˆ-ehˇ, nui saˇ oꞈ-awˇ, coꞈ ngehˇ ni jaˆ ni ngaˇ jahˇ ma.
Piblisite