1 Sahˬpaˬ 3:6 - Akha

⁶ Kʼoeˇ ngeh, Sawˇlaˬmoˬ heu loꞈ-ehˇ shaˇ-euˬ meh, “Nawˇ-aˬ, nawˬ-euˬ zaˬ kʼaˆ pyeuꞈ-eu ngaˬ da Daˬbiˇ-ahˇ, huiˬ dui dui-eu nawˬ-euˬ gʼoeˇ-eu gaˬ-euˬ jeˬ aˬ myah luꞈ bi mawˇ-awˇ, aˬ yawꞈ kʼawꞈ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ laꞈ kʼoeˇ, nawˬ nehˬ-ehˇ cawˬ cawˬ taꞈ-euˬ meh. Nawˬ-euˬ huiˬ dui dui-eu gʼoeˇ-eu gaˬ-euˬ jeˬ aˬ yawꞈ-ahˇ maˬ tsehˆ leˇ ni bi mawˇ-eu laꞈ kʼoeˇ, iˬ nah aˬ yawꞈ-euˬ dah zaˇ miˇ kʼahˬ-ahˇ bi uˆ lahˇ-eu aˬ li tiˬ li, aˬ yawꞈ-ahˇ nawˇ biꞈ nehˬ-euˬ meh.

1 Sahˬpaˬ 3:6 Referans Kwoze

1 Sahˬpaˬ 9:4

Nawˬ da Daˬbiˇ loꞈ-ehˇ nawˇ ngaˬ-euˬ mehˬ shi nui ma ziꞈ dah ni gʼeh-awˇ yaw tsaˬ yaw dawˇ dawˇ-ehˇ dehꞈ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ naˇ,

1 Sahˬpaˬ 1:48

‘Iˬ nah ngaˬ-euˬ dah zaˇ ngaˬ-euˬ aˬ li tiˬ gʼaˬ-ahˇ sahˬ paˬ bi pyeuꞈ laˇ-awˇ, kʼoeˇ loꞈ-ehˇ pyeuꞈ laˇ gaˇ ya mawˇ ngeh keuˆ ni ngaˬ-ahˇ bi dehꞈ keuˆ laꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, aˬ dui ja ceuˬ kaˇ-euˇ’ lehˇ aˬ yawꞈ ehˇ-eu meh.”

2 Gawˇliˬtu 9:11

Naw maꞈ neh damˬ-euˬ jeˬ-ahˇ nga maꞈ sha miˇ nehˬ-eu baˬ da neh, aˬ cawˬ gʼawˬ mya ni Miˬyehˇ-ahˇ ja ceuˬ ni naw maꞈ aˬ myah luꞈ damˬ nya-eu gʼaˇ duˬ, Miˬyehˇ naw maꞈ-ahˇ smˇ muiˬ bi muiˬ laˇ tehꞈ-a.

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

Jaceuq 119:17

Nawˬ-euˬ dawˬ-ahˇ naˇ haˬ-awˇ dehꞈ nya ni, nawˬ-euˬ zaˬ kʼaˆ-ahˇ guiˬ lahˬ biꞈ nehˬ laꞈ.

Jaceuq 116:7

Ngaˬ-euˬ nui ma-oˇ, gʼaˬ byehˆ taˬ byehˆ. Sahˬpaˬ Miˬyehˇ nawˬ-ahˇ ngehˬ gʼeh dah teˬ luꞈ meh.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

2 Saˬmeuˬlaˆ 7:5

“Ngaˬ-euˬ zaˬ kʼaˆ Daˬbiˇ jawˇ gaˇ-iˇ-awˇ, ngaˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˇ jawˇ-eu gʼaˇ duˬ uˬ duˬ tahˬ nymˇ ya tsoˆ-eu gʼaˬ nawˇ maˬ ngeuˇ-a.

Bawˇtsahˬ 12:7

Ehˇ kʼawꞈ, ngaˬ-euˬ zaˬ kʼaˆ Moˇseˬ-ahˇ ngaˇ dawˬ ngehˬ cawˬ ngeh, kʼoeˇ loꞈ-ehˇ maˬ ngeuˇ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ dawˬ tawˆ luꞈ-ahˇ haw-eu pyaˆ-eu gaˇ heu, aˬ yawꞈ-ahˇ ngaˇ a nehˬ taˬ-euˬ ma.

Jaceuq 13:6

SahˬpaˬMiˬyehˇnawˬneh ngaˬ-ahˇ, yaw muiˬjeˬmˇlaꞈ-euˬmiˇneh, nawˬ-ahˇcaˇ-awˇ ja ceuˬ-eu ma.

1 Sahˬpaˬ 15:5

Heˬtaˆ tsawˇ jeuˬ Uˇliˇyaˆ-ahˇ taꞈ leˇ-eu gaˇ kawˆ kʼoeˇ hmˬ maˬ ngeuˇ naˇ, Sahˬpaˬ Miˬyehˇ-euˬ ehˇ dawˬ-ahˇ Daˬbiˇ maˬ naˇ haˬ-euˬ maˬ jaˆ ni, aˬ yawꞈ nui ma tsaˬ-eu jeˬ-ahˇ Daˬbiˇ mˇ-euˬ miˇ neh, Leˬhawˇbamˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Sahˬpaˬ 3:14

Nawˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ nawˇ caw teh-awˇ, ngaˬ-euˬ dawˬ-ahˇ nawˇ naˇ haˬ geuꞈ naˇ, ziˇ baw ziˇ za-euˬ guiˬ lahˬ nawˬ-ahˇ ngaˇ biꞈ ma.”

2 Laˬsaˬbaˬ 1:8

Sawˇlaˬmoˬ ehˇ-eu, “Huiˬ dui dui-eu nawˬ-eu gʼoeˇ-eu gaˬ-euˬ jeˬ ngaˬ da Daˬbiˇ-ahˇ nawˇ aˬ myah luꞈ bi mawˇ-awˇ, nymˬ-mˇ, aˬ yawꞈ-euˬ dah zaˇ nawˇ ngaˬ-ahˇ sahˬ paˬ bi geuꞈ laꞈ-euˬ meh.

Aˇ dahˬ 24:40

Kʼoeˇ ngeh, aˬ yawꞈ ngaˬ-ahˇ heu loꞈ-ehˇ ehˇ-eu meh. ‘Aˬ myah luꞈ ngaˇ yaw zeu baw luꞈ-eu ngaˬ-euˬ Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ-ahˇ nawˬ nehˬ-ehˇ bi oe-awˇ, nawˇ mˇ-eu jeˬ pyeuꞈ leˇ nya ni bi caw ba le tehꞈ-a. Ngaˬ da o neh dehꞈ ka leꞈ-euˬ ngaˬ-euˬ tsawˇ jeuˬ tsawˇ ca deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ meh.

2 Saˬmeuˬlaˆ 22:21

Ngaˬ-euˬ yaw tsaˬ yaw dawˇ baˬ da, Sahˬpaˬ Miˬyehˇ guiˬ lahˬ biꞈ-awˇ, ngaˬ-euˬ aˬ laꞈ yaw shawˇ miˇ neh, yaw muiˬ jeˬ biꞈ nehˬ laꞈ-euˬ meh.

2 Saˬmeuˬlaˆ 22:25

Ngaˇ yaw tsaˬ yaw dawˇ baˬ da neh, aˬ yawꞈ ngaˬ-ahˇ guiˬ lahˬ biꞈ-awˇ, ngaˇ iˬ baˇ maˬ mˇ-eu gaˇ kʼawˆ, aˬ yawꞈ siˬ luꞈ mawˇ luꞈ-eu meh.