1 Sahˬpaˬ 3:3 - Akha

³ Sawˇlaˬmoˬ-aˬ, Sahˬpaˬ Miˬyehˇ-ahˇ gaˬ-eu laꞈ kʼoeˇ, aˬ yawꞈ aˬ da Daˬbiˇ neh mehˬ nehˬ tsoˆ nehˬ yaꞈ-euˬ loꞈ-ehˇ dehꞈ-euˬ meh. Ehˇ kʼawꞈ, aˬ yawꞈ-euˬ gʼawˇ mawˇ kʼawꞈ, jeˬ zaˬ gʼawˬ mya mawˇ sehꞈ-awˇ, jawˇ duˬ gʼawˬ mya tsahˇ laꞈ kʼoeˇ lawˇ-eu shehˇ-eu jeˬ mˇ-euˬ meh.

1 Sahˬpaˬ 3:3 Referans Kwoze

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

Jaceuq 31:23

Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇgaˬ-awˬ. Saˇjaˇziꞈ-eu tsawˇhaˬdeuˬ-ahˇ SahˬpaˬMiˬyehˇ haw piˇnehˬ-awˇ, nui ma huiˬ-eu tsawˇhaˬdeuˬ-ahˇ, yaw kʼaˆkʼaˆ-ehˇkʼehˬnehˬ-eu meh.

Dawˬmehˬ 30:16

Iˬ nah ngaˬ neh nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ nawˇ naˇ haˬ geuꞈ-awˇ, aˬ yawꞈ-ahˇ gaˬ-awˬ. Aˬ yawꞈ-euˬ ehˇ dawˬ-ahˇ naˇ haˬ geuꞈ-eu laꞈ kʼoeˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, nawˇ baw dui za dui dui le-awˇ, tsawˇ haˬ myaˬ dui dui-eu tsawˇ jeuˬ tiˬ jeuˬ pyeuꞈ laˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ laꞈ tehꞈ-a.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.

1 Sahˬpaˬ 3:14

Nawˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ nawˇ caw teh-awˇ, ngaˬ-euˬ dawˬ-ahˇ nawˇ naˇ haˬ geuꞈ naˇ, ziˇ baw ziˇ za-euˬ guiˬ lahˬ nawˬ-ahˇ ngaˇ biꞈ ma.”

1 Sahˬpaˬ 3:6

Kʼoeˇ ngeh, Sawˇlaˬmoˬ heu loꞈ-ehˇ shaˇ-euˬ meh, “Nawˇ-aˬ, nawˬ-euˬ zaˬ kʼaˆ pyeuꞈ-eu ngaˬ da Daˬbiˇ-ahˇ, huiˬ dui dui-eu nawˬ-euˬ gʼoeˇ-eu gaˬ-euˬ jeˬ aˬ myah luꞈ bi mawˇ-awˇ, aˬ yawꞈ kʼawꞈ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ laꞈ kʼoeˇ, nawˬ nehˬ-ehˇ cawˬ cawˬ taꞈ-euˬ meh. Nawˬ-euˬ huiˬ dui dui-eu gʼoeˇ-eu gaˬ-euˬ jeˬ aˬ yawꞈ-ahˇ maˬ tsehˆ leˇ ni bi mawˇ-eu laꞈ kʼoeˇ, iˬ nah aˬ yawꞈ-euˬ dah zaˇ miˇ kʼahˬ-ahˇ bi uˆ lahˇ-eu aˬ li tiˬ li, aˬ yawꞈ-ahˇ nawˇ biꞈ nehˬ-euˬ meh.

Dawˬmehˬ 30:20

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”

Dawˬmehˬ 30:6

Nawˬ-euˬ nui ma dawˬ tawˆ luꞈ aˬ yawꞈ-ahˇ gaˬ-awˇ, miˇ kʼahˬ kʼoeˇ kʼahˬ laꞈ kʼoeˇ nawˇ ya dehꞈ ya jawˇ daˆ leꞈ ni, nawˇ hawˇ-eu nawˬ-euˬ zaˬ deuˬ-ahˇ naˇ haˬ geuꞈ-eu nui ma Sahˬpaˬ Miˬyehˇ biꞈ nehˬ laꞈ tehꞈ-a.

Dawˬmehˬ 10:12

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh naw maꞈ-ahˇ bi mˇ-euˬ jeˬ-ahˇ naˇ haˬ geuꞈ-awˇ mˇ-awˬ. Sahˬpaˬ Miˬyehˇ-ahˇ uˬ duˬ tahˬ-awˇ, aˬ yawꞈ neh dawˬ kʼaˇ biꞈ taˬ-euˬ jeˬ mˇ-awˬ. Aˬ yawꞈ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Maꞈtehˬ 22:37

Yeˬsuˇ ehˇ-eu, “‘Nawˬ-euˬ nui ma dawˬ tawˆ luꞈ, nawˬ-euˬ saꞈ laˇ dawˬ tawˆ luꞈ, nawˬ-euˬ nui noeˬ nui duˇ dawˬ tawˆ luꞈ, nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ gaˬ-awˬ.’

2 Sahˬpaˬ 18:22

“Kʼoeˇ loꞈ-ehˇ maˬ ngeuˇ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe luꞈ-eu ma lehˇ, naw maꞈ ngaˬ-ahˇ ehˇ-eu gʼeh te loˇ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ laꞈ kʼoeˇ jaˆ-eu lawˇ duˬ kʼoeˇ tsahˇ-ahˇ tehꞈ-ehˇ uˬ duˬ ya tahˬ laˇ meh lehˇ Heˬsaˬgiˇ ehˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu nymˇ deuˬ hawˇ-eu, lawˇ duˬ deuˬ-ahˇ aˬ yawꞈ laˆ cawˆ jiˇ-euˬ maˬ ngeuˇ-a loˇ.

2 Sahˬpaˬ 18:4

Lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ laˆ cawˆ-awˇ, kʼaˬ lo kʼawˇ zeuˇ deuˬ deh coˬ-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ tuˇ dzeh-euˬ meh. Neˬhuˇshaˬtaˬ lehˇ kuˇ-eu Moˇseˬ neh jahˇ-euˬ aˇ lawˇ mawˇ kawˇ kʼoeˇ hmˬ kʼawꞈ, aˬ yawꞈ deh meuˇ deh loeˇ-euˬ meh. Aˇ yamˬ kʼoeˇ yamˬ-ahˇ keuˆ ni, Iˇsaˬleˬlaˆ tsawˇ haˬ deuˬ mawˇ kawˇ kʼoeˇ hmˬ-ahˇ taˬ huiˬ taˬ mahˇ dui dui-awˇ, yaw saw jeˬ doꞈ damˬ-euˬ meh.

2 Sahˬpaˬ 15:35

Ehˇ kʼawꞈ, lawˇ ciꞈ zaˬ deuˬ uˬ duˬ tahˬ-euˬ jawˇ duˬ deuˬ-ahˇ maˬ laˆ cawˆ ni, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh. Uˬ duˬ tahˬ nymˇ nymˇ ma-euˬ laꞈ taˆ paw pyawˬ lahˇ kʼehˬ jahˇ ahˇ-euˬ gʼaˬ-aˬ, Yoˇdaˬ meh.

2 Sahˬpaˬ 15:4

Ehˇ kʼawꞈ, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ maˬ laˆ cawˆ ni, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

2 Sahˬpaˬ 14:4

Lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ maˬ laˆ cawˆ ni, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

2 Sahˬpaˬ 12:3

Ehˇ kʼawꞈ, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ maˬ laˆ cawˆ ni bi jaˆ-euˬ miˇ neh, miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

1 Sahˬpaˬ 22:43

Aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ aˬ yawꞈ-euˬ aˬ da Aˬsaˬ loꞈ-ehˇ, Sahˬpaˬ Miˬyehˇ mehˬ shi yaw tsaˬ yaw dawˇ jeˬ tehꞈ-ehˇ aˬ yawꞈ mˇ-euˬ meh. Ehˇ kʼawꞈ, lawˇ ciꞈ zaˬ deuˬ-euˬ uˬ duˬ tahˬ-eu jawˇ duˬ kʼoeˇ deuˬ-ahˇ aˬ yawꞈ maˬ laˆ cawˆ-ehˇ, Yuˇdaˆ miˇ kʼahˬ zaˬ deuˬ kʼoeˇ gaˇ lawˇ-eu shehˇ-eu jeˬ mˇ-awˇ, yaw saw jeˬ doꞈ damˬ-euˬ meh.

1 Sahˬpaˬ 15:14

Lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ tiˬ ziˇ Sahˬpaˬ Miˬyehˇ-ahˇ saˇ jaˇ ziꞈ-awˇ dehꞈ-euˬ meh.

1 Sahˬpaˬ 15:3

Aˬ yawꞈ-euˬ aˬ da neh mˇ-euˬ iˬ baˇ deuˬ aˬ yawꞈ mˇ poˆ poˆ-awˇ, aˬ yawꞈ-euˬ aˬ bawˇ Daˬbiˇ aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ tiˬ byah tiˬ loꞈ saˇ jaˇ maˬ ziꞈ-a.

1 Sahˬpaˬ 11:38

Ngaˬ-euˬ zaˬ kʼaˆ Daˬbiˇ loꞈ-ehˇ, ngaˬ-euˬ ehˇ dawˬ tiˬ dawˬ-iˬ maˬ bi dzeˇ ni nawˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh ehˇ-euˬ jeˬ mˇ-awˇ, ngaˇ nui ma tsaˬ-eu loꞈ-ehˇ dehꞈ naˇ, nawˬ nehˬ-ehˇ ngaˇ aˬ myah luꞈ jawˇ ma. Nawˬ-ahˇ Iˇsaˬleˬlaˆ miˇ kʼahˬ-euˬ sahˬ paˬ bi pyeuꞈ laˇ-awˇ, Daˬbiˇ-ahˇ ngaˬ neh jahˇ nehˬ-euˬ loꞈ-ehˇ, nawˬ-euˬ miˇ kʼahˬ laꞈ kʼoeˇ nawˬ-euˬ zaˬ nawˬ-euˬ uˆ deuˬ dzoeˬ dzaˬ oꞈ ni ngaˇ jahˇ nehˬ ma.

1 Sahˬpaˬ 11:34

Ehˇ kʼawꞈ, miˇ kʼahˬ kʼahˬ lah ni Sawˇlaˬmoˬ-euˬ laꞈ-ahˇ neh ngaˇ maˬ yuˇ doˆ-ehˇ, aˬ yawꞈ yaw dehꞈ kʼaˇ dehꞈ kʼoeˇ keuˆ ni, aˬ yawꞈ-ahˇ ngaˇ baoˬ biꞈ nehˬ ma. Ngaˬ neh tseˇ doˆ-euˬ gʼaˬ pyeuꞈ-eu, ngaˬ-euˬ zahˇ dawˬ kʼoꞈ dawˬ mehˬ nah caw teh-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ-euˬ ngaˬ-euˬ zaˬ kʼaˆ Daˬbiˇ baˬ da neh, aˬ yawꞈ-ahˇ ngaˇ kʼoeˇ loꞈ-ehˇ gʼawˬ shaˬ gaˬ nehˬ-eu ma.

1 Sahˬpaˬ 11:6

Aˬ yawꞈ-euˬ aˬ da Daˬbiˇ loꞈ-ehˇ, Sahˬpaˬ Miˬyehˇ-euˬ mehˬ nah aˬ yawꞈ maˬ caw teh ni mˇ lehˬ shaˇ lehˬ-euˬ meh.

1 Sahˬpaˬ 11:4

Aˬ yawꞈ tsawˇ kʼaˆ kʼaˆ laˇ ngeh, aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-eu gʼaˇ duˬ, aˬ yawꞈ maꞈ aˬ yawꞈ-ahˇ sheuˬ gʼeh-euˬ meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ-euˬ aˬ da Daˬbiˇ saˇ jaˇ ziꞈ-euˬ loꞈ-ehˇ, aˬ yawꞈ saˇ jaˇ maˬ ziꞈ-a.

1 Sahˬpaˬ 9:4

Nawˬ da Daˬbiˇ loꞈ-ehˇ nawˇ ngaˬ-euˬ mehˬ shi nui ma ziꞈ dah ni gʼeh-awˇ yaw tsaˬ yaw dawˇ dawˇ-ehˇ dehꞈ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ naˇ,

Dawˬmehˬ 10:13

Naw maꞈ gʼaˇ duˬ muiˬ ni, iˬ nah ngaˇ naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.

Dawˬmehˬ 11:13

“Kʼoeˇ miˇ neh, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Jaceuq 145:20

Aˬ yawꞈ-ahˇ kʼaˇ gaˬ-eu tsawˇ haˬ-ahˇ aˬ yawꞈ haw piˇ-eu meh. Ehˇ kʼawꞈ, huiˬ-eu tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ tehꞈ-a.

Uˬ duˬ 17:5

Zahˇ sahˇ kʼoꞈ heu hmˬ-euˬ dawˬ tsuiꞈ-aˬ, heu loꞈ-ehˇ meh. Aˇ hu aˇ nah Iˇsaˬleˬlaˆ tsawˇ haˬ deuˬ jeˬ zaˬ sehꞈ ngeh, yawˬ ha kʼaˇ sehꞈ mawꞈ gaˇ sehꞈ-euˬ kʼawꞈ, nymˬ-mˇ kʼoeˇ loꞈ-ehˇ maˬ sehꞈ ni, Sahˬpaˬ Miˬyehˇ jawˇ gaˇ ya tsahˇ laꞈ meh. Aˬ kaˇ naˇ, aˬ yawꞈ maꞈ-euˬ jeˬ zaˬ-ahˇ, piˇ ma jawˇ gaˇ, Sehˬ gʼawˆ-euˬ gʼoˆ kʼehˬ-ahˇ tsahˇ laꞈ-awˇ, cawˬ cawˬ taꞈ-eu lawˇ-eu jeˬ loꞈ-ehˇ ya sehꞈ meh.

1 Saˬmeuˬlaˆ 9:12

Zaˬ miˬ aˬ buˇ zaˬ guˬ kʼoeˇ deuˬ ehˇ-eu, “Jawˇ meh. Naw nyaꞈ laˇ-eu mehˬ hu keuˆ ni jawˇ luꞈ-a siˬ. Yaw kawˇ-ehˇ le-awˬ. Iˬ nah meuˬ-ahˇ jawˇ-eu tsawˇ haˬ deuˬ gawˬ duˇ-ahˇ jaˆ-eu lawˇ duˬ-ahˇ le-awˇ, lawˇ-eu shehˇ-eu jeˬ mˇ-eu aˇ nah pyeuꞈ-eu miˇ neh, uˬ soe tseuˆ tseuˆ hawˇ-eu aˬ yawꞈ meuˬ-ahˇ laˇ keuˆ-euˬ tehꞈ-a siˬ.

1 Sahˬpaˬ 8:25

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ dawˬ kʼoeˇ dawˬ-ahˇ taˬ ngehˇ nehˬ laꞈ. Ngaˬ da nawˬ-euˬ ehˇ dawˬ naˇ haˬ-awˇ dehꞈ-euˬ loꞈ-ehˇ, aˬ yawꞈ-euˬ aˬ li deuˬ kʼawꞈ kʼoeˇ loꞈ-ehˇ dehꞈ naˇ, aˬ yawꞈ-euˬ zaˬ deuˬ uˆ deuˬ laꞈ kʼoeˇ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-eu tiˬ gʼaˬ aˬ myah luꞈ doˆ laˇ tehꞈ-a lehˇ, ngaˬ da-ahˇ nawˬ neh ehˇ-euˬ dawˬ-ahˇ taˬ ngehˇ nehˬ laꞈ lehˇ, nymˬ-mˇ ngaˇ nawˬ-ahˇ shaˇ-eu ma.

1 Sahˬpaˬ 8:61

Aˬ yawꞈ-euˬ tsawˇ jeuˬ pyeuꞈ-eu naw maꞈ deuˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu laꞈ kʼoeˇ, iˬ nah aˬ yawꞈ-ahˇ saˇ jaˇ ziꞈ-eu loꞈ-ehˇ, tiˬ jawˇ-iˬ maˬ poˆ maˬ paˇ ni saˇ jaˇ ziꞈ luꞈ-uˇ.”

1 Sahˬpaˬ 14:8

Daˬbiˇ-euˬ zaˬ deuˬ uˆ deuˬ-euˬ laꞈ-ahˇ neh miˇ kʼahˬ heu kʼahˬ ngaˇ yuˇ doˆ-awˇ, nawˬ-ahˇ biꞈ-euˬ ma. Ehˇ kʼawꞈ, ngaˬ-ahˇ saˇ jaˇ ziꞈ dui dui-awˇ, ngaˬ-euˬ ehˇ dawˬ naˇ haˬ-eu laꞈ kʼoeˇ, ngaˬ neh kʼaˇ bi mˇ-euˬ jeˬ tehꞈ-ehˇ mˇ-eu ngaˬ-euˬ zaˬ kʼaˆ Daˬbiˇ-ahˇ nawˇ maˬ duˇ law hawˇ ngaˬ.

1 Sahˬpaˬ 14:23

Gawˬ jawˬ gawˬ duˇ doe ni hawˇ-eu naˇ shmˇ shmˇ-eu aˇ bawˇ dawˬ pehˬ doe ni, maˬ ngeuˇ-eu miˬ yehˇ deuˬ-ahˇ uˬ duˬ tahˬ-eu jawˇ duˬ tsoˆ-awˇ, Aˬsheˇlaˬ miˬ yehˇ ma-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ hawˇ-eu kʼaˬ lo kʼawˇ zeuˇ deuˬ ka tuˇ-euˬ meh.

1 Sahˬpaˬ 15:5

Heˬtaˆ tsawˇ jeuˬ Uˇliˇyaˆ-ahˇ taꞈ leˇ-eu gaˇ kawˆ kʼoeˇ hmˬ maˬ ngeuˇ naˇ, Sahˬpaˬ Miˬyehˇ-euˬ ehˇ dawˬ-ahˇ Daˬbiˇ maˬ naˇ haˬ-euˬ maˬ jaˆ ni, aˬ yawꞈ nui ma tsaˬ-eu jeˬ-ahˇ Daˬbiˇ mˇ-euˬ miˇ neh, Leˬhawˇbamˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Sahˬpaˬ 15:11

Aˬsaˬ-aˬ, aˬ yawꞈ-euˬ aˬ poeˬ Daˬbiˇ loꞈ-ehˇ, Sahˬpaˬ Miˬyehˇ nui kʼahˇ shiˇ-eu jeˬ mˇ-euˬ meh.

1 Sahˬpaˬ 22:44

Yeˬhawˇshaˬpaˇ-aˬ, Iˇsaˬleˬlaˆ sahˬ paˬ nehˬ-ehˇ tsaˬ leˇ dzoeˇ leˇ-eu laꞈ kʼoeˇ dehꞈ-euˬ meh.

2 Sahˬpaˬ 12:4

Piˇ ma deuˬ-ahˇ Yawˇshaˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ myah myah luꞈ lawˇ laˇ shehˇ laˇ-eu deuˬ neh damˬ-euˬ pyuˇ maˬ ehˇ, nui ma keuˆ-awˇ damˬ nehˬ laˇ-euˬ pyuˇ maˬ ehˇ, lawˇ gaˇ shehˇ gaˇ taꞈ leˇ-awˇ kʼaˇ za laˇ-euˬ pyuˇ dawˬ tawˆ luꞈ, Uˬ duˬ tahˬ nymˇ nymˇ ma laꞈ kʼoeˇ jeˬ hmˬ taˬ-awˬ.

2 Sahˬpaˬ 14:3

Aˬmaˬziˇ-aˬ, Sahˬpaˬ Miˬyehˇ nui ma tsaˬ-eu jeˬ mˇ-euˬ meh. Ehˇ kʼawꞈ, aˬ yawꞈ-euˬ aˬ poeˬ Daˬbiˇ-ahˇ maˬ dzaw geuꞈ ni, aˬ yawꞈ-euˬ aˬ da Yawˇshaˆ-ahˇ dzaw geuꞈ-awˇ dehꞈ-euˬ meh.

2 Laˬsaˬbaˬ 15:17

Miˇ kʼahˬ kʼoeˇ kʼahˬ laꞈ kʼoeˇ kʼaˇ jaˆ-eu lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ ziˇ jiˇ ngeh keuˆ ni Sahˬpaˬ Miˬyehˇ-ahˇ saˇ jaˇ ziꞈ-eu laꞈ kʼoeˇ dehꞈ-euˬ meh.