1 Sahˬpaˬ 3:16 - Akha

¹⁶ Tiˬ nah keuˆ laˇ ngeh, meh maˬ laˇ nyiˬ gʼaˬ sahˬ paˬ jawˇ gaˇ laˇ-awˇ, aˬ yawꞈ-euˬ mehˬ shi yawꞈ luꞈ-eu meh.

1 Sahˬpaˬ 3:16 Referans Kwoze

Doˆ-iˇ 18:16

Tsawˇ haˬ nyiˬ gʼaˬ yaw kaˬ dawˬ ja kʼaˇ doˆ laˇ ngeh, aˬ yawꞈ nyaꞈ laꞈ kʼoeˇ aˬ geu gʼaˬ tsaˬ-eu nga lehˇ yaˇ kʼaˬ daˇ nehˬ-awˇ, Miˬyehˇ-euˬ zahˇ dawˬ kʼoꞈ dawˬ deuˬ aˬ yawꞈ nyaꞈ-ahˇ ngaˇ mehˬ nehˬ-euˬ ma.”

Yaˇ kʼaˬ daˇ 11:1

Giˇlaˆ miˇ kʼahˬ-ahˇ jawˇ-eu Yeˬpaˬtaˆ-aˬ, kʼaˆ dui dui-eu guiˇ deuˆ-eu tsawˇ haˬ tiˬ gʼaˬ meh. Aˬ yawꞈ-euˬ aˬ da-aˬ, Giˇlaˆ pyeuꞈ-awˇ, aˬ yawꞈ-euˬ aˬ ma-aˬ, meh maˬ laˇ tiˬ gʼaˬ pyeuꞈ-eu meh.

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Dawˬmehˬ 23:17

“Iˇsaˬleˬlaˆ tsawˇ haˬ laꞈ kʼoeˇ, zaˬ miˬ zaˬ maˬ ehˇ, kʼaˬ dzeˇ zaˬ maˬ ehˇ, muiˬ-eu shawˇ-eu meh maˬ laˇ geuꞈ-awˇ maˬ ya bi jawˇ-a.

Bawˇtsahˬ 27:2

Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ, Moˇseˬ, piˇ ma Eˇlaˬzaˬ, Iˇsaˬleˬlaˆ tsawˇ haˬ-euˬ aˬ yuiꞈ aˬ tsu deuˬ hawˇ-eu, tsawˇ haˬ aˇ maꞈ aˇ muˇ dawˬ tawˆ luꞈ-euˬ mehˬ shi, Zeˬlawˇpaˬ-euˬ aˬ buˇ kʼoeˇ deuˬ yawꞈ leˇ-awˇ ehˇ-eu,

Uˬ duˬ 19:29

“Lawˇ ciꞈ zaˬ-euˬ uˬ duˬ tahˬ nymˇ-ahˇ meh maˬ laˇ bi geuꞈ-iˇ-eu laꞈ kʼoeˇ, yawˬ ha-euˬ aˬ buˇ-ahˇ yehˬ bawˬ sehˇ lu-ehˇ maˬ ya gʼeh-a. Naw maꞈ kʼoeˇ loꞈ-ehˇ jahˇ naˇ, miˬyehˇ nui deuˬ-ahˇ naw maꞈ uˬ duˬ tahˬ-awˇ, miˇ kʼahˬ kʼoeˇ kʼahˬ laꞈ kʼoeˇ maˬ muiˬ maˬ jaˬ-eu jeˬ byah jiˇ tehꞈ-a.

Doˆ-iˇ 18:13

Yawˬ nah yawˬ uˬ shawˬ paw neh aˇ dahˬ beh-awˇ, uˬ ciꞈ paw keuˆ ni, nah ga-ehˇ, Iˇsaˬleˬlaˆ tsawˇ haˬ deuˬ ja dzaˬ gaˇ Moˇseˬ yaˇ kʼaˬ daˇ nehˬ-euˬ meh.

1 Sahˬpaˬ 3:15

Sawˇlaˬmoˬ uˬ noeˬ noeˬ laˇ ngeh, yuꞈ maˆ maˆ-eu laꞈ kʼoeˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ kawˆ siˬ duˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ iˇ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi yawꞈ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-euˬ lawˇ-eu jeˬ, Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ gʼaˇ duˬ, aˬ yawꞈ bawˬ-iˬ gʼeh nehˬ-euˬ meh.

1 Sahˬpaˬ 3:17

Aˬ yawꞈ nyaꞈ laꞈ kʼoeˇ tiˬ gʼaˬ ehˇ-eu, “Sahˬ paˬ-oˇ, zaˬ miˬ zaˬ heu gʼaˬ hawˇ-eu ngaˇ nymˇ tiˬ nymˇ laꞈ kʼoeˇ tiˬ kawˆ loꞈ-ehˇ jawˇ-awˇ, ngaˇ aˬ li tiˬ li ciˬ ngeh, aˬ yawꞈ kʼawꞈ ngaˬ nehˬ-ehˇ jawˇ luꞈ-eu meh.

Dawqdaq 25:2

Miˬyehˇ-aˬ, zaꞈ taˬ nya-eu gʼaˬ pyeuꞈ-eu miˇ neh, aˬ yawꞈ-ahˇ aˬ dui taˬ huiˬ taˬ mahˇ-eu ma. Sahˬ paˬ deuˬ-aˬ, gaˇ kawˆ pah mehˬ-eu miˇ neh, aˬ yawꞈ maꞈ-ahˇ aˬ dui taˬ huiˬ taˬ mahˇ-eu ma.