1 Sahˬpaˬ 21:4 - Akha

⁴ Aˬhaˆ-aˬ, iˇ kahˇ-ahˇ gʼoꞈ leˇ-awˇ, Naˬboˆ neh aˬ yawꞈ-ahˇ ehˇ nehˬ-euˬ dawˬ-ahˇ nui ma pehˇ-eu laꞈ kʼoeˇ, nui ma tiˬ pawꞈ-iˬ maˬ saˇ ni, yuꞈ zaˇ kʼoeˇ taˆ myaˆ pyawˬ kaˇ pyawˇ paw ciˬ pyawˇ-awˇ yuꞈ-eu laꞈ kʼoeˇ, maˬ dzaˬ maˬ dawˇ ni jawˇ-euˬ meh.

1 Sahˬpaˬ 21:4 Referans Kwoze

1 Sahˬpaˬ 20:43

Iˇsaˬleˬlaˆ sahˬ paˬ-aˬ, noeˬ shaˬ noeˬ zahˬ-eu laꞈ kʼoeˇ Saˬmaˬliˆ meuˬ-ahˇ gʼoꞈ leˇ-euˬ meh.

Yaˬkoˆ 1:14

Ehˇ kʼawꞈ, tsawˇ haˬ tiˬ gʼaˬ-aˬ, yawˬ ha-euˬ maˬ muiˬ maˬ jaˬ-eu nui kʼahˇ neh bi tsahˇ pyawˇ-awˇ lahˇ ju bi kʼmˇ ngeh, muˇ juˇ juˇ-eu jeˬ-ahˇ ya daˬ-eu meh.

Eˇpeˇsu 4:27

Nehꞈ sahˬ paˬ neh muˇ juˇ taˬ bi juˇ gʼaˬ.

Yawˇnaˆ 4:9

Ehˇ kʼawꞈ, “Aˇ bawˬ teu bawˬ-ahˇ taꞈ leˇ-awˇ nawˇ aˬ jeˬ nui ma pehˇ kʼaˇ za te” lehˇ aˬ yawꞈ-ahˇ Miˬyehˇ ehˇ nehˬ-euˬ meh. Yawˇnaˆ ehˇ-eu, “Ngaˇ nui ma pehˇ kʼaˇ za tehꞈ-a. Shiˇ paˬ-ehˇ pehˇ dui dui laˇ nya.”

Yawˇnaˆ 4:1

Miˬyehˇ nui ma paˇ laˇ-awˇ, Niˇnaˬbeˬ meuˬ-ahˇ jawˇ-eu tsawˇ haˬ deuˬ-ahˇ maˬ kʼehˬ nehˬ-euˬ miˇ neh, Yawˇnaˆ nui kʼahˇ maˬ shiˇ-ehˇ nui ma pehˇ-euˬ meh.

Dawˬ tsoˆ 6:9

Kʼoeˇ-aˬ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh. Aˇ dzehˬ poˆ geuꞈ-eu naˆ maˬ tseˇ, yawˬ ha kʼaˇ jaˆ-eu jeˬ-ahˇ nui kʼahˇ shiˇ-eu zaˬ dzehˬ meh.

Yawˇbaˆ 5:2

Shiˇ gaˇ keuˆ ni noeˬ shaˬ-eu-aˬ, tsawˇ uˬ deuˬ mˇ-eu gaˇ meh.

1 Sahˬpaˬ 21:3

Naˬboˆ ehˇ-eu, “Aˬ gaꞈ yaˇ kmˇ heu kmˇ-aˬ, ngaˬ-euˬ aˬ poeˬ aˬ bawˇ deuˬ-euˬ jeˬ biˇ pyeuꞈ-eu miˇ neh, nawˬ-ahˇ biꞈ-eu gʼaˇ duˬ Sahˬpaˬ Miˬyehˇ nui ma maˬ tsaˬ-a.”

2 Saˬmeuˬlaˆ 13:4

Aˬ yawꞈ-aˬ, gahˇ dui dui-eu tsawˇ haˬ tiˬ gʼaˬ meh. Aˬmaˬnoˬ-ahˇ Yawˇnaˬdehˇ ehˇ nehˬ-eu, “Nawˇ-aˬ, sahˬ paˬ zaˬ yo tiˬ gʼaˬ pyeuꞈ kʼawꞈ, nah doˆ le ngeh nyoeˬ kʼeuˇ ni tehꞈ-ehˇ jawˇ-eu nga tawˇ. Aˬ jeˬ gʼeh ta.” Aˬmaˬnoˬ ehˇ-eu, “Ngaˬ-euˬ mehˇ nmˇ Aˬbaˇsaˬloˬ-euˬ dmˇ ma Taˬmaˬ-ahˇ ngaˇ mawꞈ dui dui leˇ nya.”

2 Saˬmeuˬlaˆ 13:2

Aˬmaˬnoˬ-aˬ, aˬ yawꞈ-euˬ gʼawˇ mawˇ jawˇ saˇ maˬ doˆ-ehˇ pyeuꞈ-iˇ ngeh keuˆ ni, Taˬmaˬ-ahˇ mawꞈ leˇ sehꞈ taˬ-euˬ meh. Aˬ jeˬ miˇ neh ehˇ naˇ, Taˬmaˬ-aˬ, miˬ daꞈ daꞈ shuiꞈ tiˬ gʼaˬ pyeuꞈ-eu loꞈ-ehˇ, kʼaˬ dzeˇ zaˬ jawˇ gaˇ maˬ bi doˆ le ni bi jawˇ-euˬ miˇ neh, aˬ yawꞈ-ahˇ za ni jahˇ-eu maˬ awˬ-a.

1 Saˬmeuˬlaˆ 28:23

Zaˬ miˬ zaˬ kʼoeˇ gʼaˬ ehˇ gaˇ Sawˇluˆ maˬ naˇ haˬ-ehˇ, Ngaˇ tiˬ jeˬ-iˬ maˬ dzaˬ lehˇ ehˇ-eu meh. Ehˇ kʼawꞈ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ, aˬ yawꞈ tiˬ jeˬ paˬ dzaˬ ni gʼaˬ biꞈ nehˬ ngeh, aˬ yawꞈ naˇ haˬ-awˇ, miˇ tsa ga luꞈ-eu tuˇ laˇ-awˇ, ja ciˬ kʼoeˇ taˆ nuiˇ-euˬ meh.

1 Sahˬpaˬ 21:1

Yeˬsaˬleˬlaˇ meuˬ-ahˇ jaˆ-eu sahˬ paˬ Aˬhaˆ-euˬ nymˇ dawˬ peh, Naˬboˆ lehˇ myahˇ-euˬ tsawˇ haˬ tiˬ gʼaˬ-euˬ aˬ gaꞈ yaˇ kmˇ tiˬ kmˇ jaˆ-eu meh.

1 Sahˬpaˬ 21:5

Aˬ yawꞈ-euˬ miˬ zaˬ Yeˬsaˬbeˬlaˇ aˬ yawꞈ jawˇ gaˇ iˇ-awˇ, “Aˬ jeˬ miˇ neh nawˇ nui ma cawˆ-awˇ maˬ dzaˬ maˬ dawˇ ni jawˇ te” lehˇ naˇ haˬ-euˬ meh.

Iˇsaˬtaˆ 5:13

Ehˇ kʼawꞈ, Yuˇdaˆ tsawˇ haˬ Mawˬdaˬkehˇ kʼoeˇ gʼaˬ sahˬ paˬ-euˬ nymˇ gʼoˆ kʼehˬ-ahˇ nuiˇ luꞈ gaˇ kʼaˇ ya mawˇ kʼoeˇ keuˆ ni, nymˬ-mˇ ngaˬ neh kʼaˇ ja dzeuˇ yaꞈ-euˬ heu deuˬ dawˬ tawˆ luꞈ ngaˬ-euˬ gʼaˇ duˬ poeˬ sawˇ lawˬ maˬ baw nya.”

Yawˇnaˆ 4:4

Yawˇnaˆ-ahˇ Sahˬpaˬ Miˬyehˇ naˇ haˬ-eu,“Nawˇ aˬ jeˬ nui ma pehˇ kʼaˇ za te.”

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.