1 Sahˬpaˬ 21:2 - Akha

² Tiˬ nah keuˆ laˇ ngeh, Naˬboˆ-ahˇ Aˬhaˆ heu loꞈ-ehˇ ehˇ nehˬ-euˬ meh. “Nawˬ-euˬ aˬ gaꞈ yaˇ kmˇ ngaˬ-ahˇ biꞈ laꞈ-awˬ. Ngaˬ-euˬ nymˇ dawˬ peh jaˆ-eu miˇ neh, sahˬ lahˬ gʼawˬ daˇ ka dzaˬ-eu gʼaˇ duˬ geuꞈ mawꞈ nya. Yaˇ kmˇ heu kmˇ aˇ poeˬ, heu naˆ maˬ tseˇ muiˬ-eu aˬ gaꞈ yaˇ kmˇ tiˬ kmˇ ngaˇ nawˬ-ahˇ biꞈ ma. Aˇ poeˬ geuꞈ mawꞈ nya lehˇ ngeuˇ naˇ kʼawꞈ, oꞈ-eu geuˇ-eu loꞈ-ehˇ biꞈ ma.”

1 Sahˬpaˬ 21:2 Referans Kwoze

1 Saˬmeuˬlaˆ 8:14

Aˬ cawˬ naˆ maˬ tseˇ muiˬ dzehˬ-eu naw maꞈ-euˬ deh yaˇ deuˬ maˬ ehˇ, aˬ gaꞈ yaˇ kmˇ deuˬ hawˇ-eu saˬ loˬ yaˇ kmˇ deuˬ maˬ ehˇ, aˬ yawꞈ yuˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ biꞈ nehˬ tehꞈ-a.

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Dawˬ caˇ 4:15

Yaˇ kmˇ-ahˇ lawˇ gawˆ iˇ cuꞈ shehˬ-eu meh. Iˇ cuꞈ lawˇ baˬ deuˬ hawˇ-eu, Leˬbaˬnoˬ gawˬ jawˬ-ahˇ neh yoeˇ ka leꞈ-euˬ lawˇ gawˆ deuˬ, yaˇ kmˇ kʼoeˇ-ahˇ iˇ cuꞈ biꞈ le-eu meh.

Dawˬ tsoˆ 2:5

Yaˇ kmˇ gʼawˬ mya jeˬ mˇ haw-awˇ, aˇ siˬ aˇ bawˇ gʼawˬ mya jeˬ ka haw-euˬ ma.

2 Sahˬpaˬ 9:27

Kʼoeˇ loꞈ-ehˇ pyeuꞈ luꞈ gaˇ sahˬ paˬ Aˬhaˬziˇ ya mawˇ ngeh, mahˬ laˆ lawˬ dziˬ-awˇ, Behˬhaˬgaˬ paw cehˆ-euˬ meh. Yeˬhuˇ gʼaˬ aˬ yawꞈ-euˬ mehˬ nah teh-awˇ, “Aˬ yawꞈ-ahˇ gʼeh sehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ dawˬ biꞈ-euˬ meh. Kʼoeˇ naˇ, Eˇbaˬleˬ meuˬ dawˬ peh jaˆ-eu Guˇluˆ meuˬ-ahˇ le-eu gaˇ ma caw caw-ehˇ, aˬ yawꞈ mahˬ laˆ lawˬ teh-awˇ sehˇ daˆ leꞈ ngeh, aˬ yawꞈ maꞈ aꞈ yawꞈ-ahˇ beuˆ zaw-euˬ meh. Ehˇ kʼawꞈ, Meˬgiˇdoˬ meuˬ-ahˇ keuˆ ni aˬ yawꞈ le gʼeh leꞈ-awˇ, kʼoeˇ gaˇ shiˇ tsehˆ leˇ-euˬ meh.

1 Saˬmeuˬlaˆ 29:6

Kʼoeˇ ngeh, Aˬkiˇ neh Daˬbiˇ-ahˇ kuˇ-awˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-ahˇ saˇ jaˇ ziꞈ-eu tsawˇ haˬ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ kamˬ-eu ma. Nawˇ ngaˬ nehˬ-ehˇ tiˬ kawˆ loꞈ-ehˇ le-awˇ guiˇ deuˆ-eu gʼaˇ duˬ, ngaˇ nui ma tsaˬ-euˬ ma. Nawˇ ngaˬ nehˬ-ehˇ jawˇ le ngeh tiˬ nah neh, nawˇ yaw lehˬ jeˬ mˇ-eu ngaˇ maˬ mawˇ haw-aˬ.

1 Saˬmeuˬlaˆ 8:6

Aˬ yawꞈ maꞈ sahˬ paˬ tiˬ gʼaˬ shaˇ gaˇ Saˬmeuˬlaˆ nui ma maˬ tsaˬ-a. Kʼoeˇ miˇ neh, Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-euˬ meh.

Dawˬmehˬ 11:10

Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, naw maꞈ neh jawˇ yaꞈ-euˬ Iˇjiˇtuˆ miˇ kʼahˬ-ahˇ maˬ duˇ-a.

Dawˬmehˬ 5:21

“Aˬ cawˬ-euˬ miˬ zaˬ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ nymˇ-ahˇ maˬ ehˇ, miˇ tsaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ maˬ ehˇ, nawˇ mehˇ juiˇ maˬ ya juiˇ-a.’

Doˆ-iˇ 20:17

“Aˬ cawˬ-euˬ nymˇ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ miˬ zaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ, nawˇ mehˇ juiˇ maˬ ya juiˇ-a.”

Aˇ dahˬ 16:6

Aˬbyaˬ gʼeh, “Ngeuˇ tehꞈ-a. Aˬ yawꞈ nawˬ-euˬ zaˬ kʼaˆ pyeuꞈ-eu loꞈ-ehˇ, nawˇ naꞈ-i jaˆ-awˬ. Nawˇ aˬ yawꞈ-ahˇ aˬ joˆ-ehˇ jahˇ nehˬ mawꞈ te lehˇ jahˇ nehˬ-awˬ” lehˇ ehˇ kʼoꞈ nehˬ-euˬ meh. Kʼoeˇ naˇ, Haˬgaˬlaˇ-ahˇ Saˬlehˇ yaw kʼaˆ-ehˇ kʼehˬ nehˬ-euˬ miˇ neh, Haˬgaˬlaˇ cehˆ-euˬ meh.

Aˇ dahˬ 3:6

Aˇ bawˇ kʼoeˇ bawˇ haw muiˬ dui dui-awˇ, aˇ siˬ kʼawꞈ kuiˇ dui dui paˬ-ehˇ gʼeh gaˇ, zaˬ miˬ zaˬ kʼoeˇ gʼaˬ ya mawˇ-euˬ meh. Aˇ siˬ kʼoeˇ ya pyaˆ dzaˬ-awˇ, zaˬ siˬ tsawˇ gahˇ ahˇ laˇ law nmˇ-aˬ, maˬ gaˇ dui dui tehꞈ-a lehˇ aˬ yawꞈ noeˬ-euˬ meh. Kʼoeˇ miˇ neh, aˇ siˬ ui cuiˆ pyaˆ-awˇ dzaˬ haw-euˬ meh. Kʼoeˇ naˇ, aˬ yawꞈ-euˬ kʼaˬ dzeˇ zaˬ gʼaˬ-ahˇ kʼawꞈ ui cuiˆ biꞈ-awˇ, kʼaˬ dzeˇ zaˬ gʼaˬ kʼawꞈ dzaˬ-euˬ meh.

1 Sahˬpaˬ 21:3

Naˬboˆ ehˇ-eu, “Aˬ gaꞈ yaˇ kmˇ heu kmˇ-aˬ, ngaˬ-euˬ aˬ poeˬ aˬ bawˇ deuˬ-euˬ jeˬ biˇ pyeuꞈ-eu miˇ neh, nawˬ-ahˇ biꞈ-eu gʼaˇ duˬ Sahˬpaˬ Miˬyehˇ nui ma maˬ tsaˬ-a.”

1 Sahˬpaˬ 21:6

Aˬ yawꞈ ehˇ-eu, “Naˬboˆ neh ngaˬ-ahˇ ehˇ nehˬ laꞈ-euˬ dawˬ baˬ da neh, ngaˇ heu loꞈ-ehˇ jawˇ luꞈ-eu ma. Aˬ yawꞈ-euˬ aˬ gaꞈ yaˇ kmˇ ngaˇ zeuˇ mawꞈ nya lehˇ aˬ yawꞈ-ahˇ ngaˇ ehˇ nehˬ-euˬ ma. Maˬ ngeuˇ naˇ kʼawꞈ, aˬ yawꞈ nui kʼahˇ shiˇ naˇ, aˬ gaꞈ yaˇ kmˇ yawˬ kmˇ yawˬ biꞈ tsoeˬ nehˬ ma lehˇ ehˇ nehˬ-euˬ ma. Ehˇ kʼawꞈ, aˬ gaꞈ yaˇ kmˇ kʼoeˇ kmˇ ngaˬ-ahˇ maˬ biꞈ nya lehˇ aˬ yawˬ ehˇ-eu meh.”