1 Sahˬpaˬ 21:1 - Akha

¹ Yeˬsaˬleˬlaˇ meuˬ-ahˇ jaˆ-eu sahˬ paˬ Aˬhaˆ-euˬ nymˇ dawˬ peh, Naˬboˆ lehˇ myahˇ-euˬ tsawˇ haˬ tiˬ gʼaˬ-euˬ aˬ gaꞈ yaˇ kmˇ tiˬ kmˇ jaˆ-eu meh.

1 Sahˬpaˬ 21:1 Referans Kwoze

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Yaˇ kʼaˬ daˇ 6:33

Kʼoeˇ naˇ, Miˇdiˬyaˬ tsawˇ haˬ deuˬ, Aˬmaˬlehˇ tsawˇ haˬ deuˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ dawˬ tawˆ luꞈ uiˬ leˇ-awˇ, Yawˇdaˬ lawˇ baˬ tsehˆ doˆ laꞈ-awˇ, Yeˬzaˬleˬlaˇ deh kʼawꞈ-ahˇ taˆ tsoˆ-awˇ naˬ luꞈ-eu meh.

Yawˇshuˆ 19:18

Aˬ yawꞈ maꞈ-euˬ miˇ kʼahˬ laꞈ kʼoeˇ, Yeˬzaˬleˬlaˇ meuˬ, Sheˬsuˇlawˆ meuˬ, Shuˇneˬ meuˬ,

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

1 Saˬmeuˬlaˆ 29:1

Yeˬzaˬleˬlaˇ deh kʼawꞈ-ahˇ jaˆ-eu iˇ cuꞈ iˇ beuˆ dawˬ peh Iˇsaˬleˬlaˆ tsawˇ haˬ deuˬ taˆ tsoˆ-awˇ jawˇ ngeh, Piˇliˇtiˆ tsawˇ haˬ deuˬ yehˇ dawˬ tawˆ luꞈ-ahˇ, Aˬpyehˇ meuˬ-ahˇ sheuˬ keuˆ laꞈ-euˬ meh.

2 Sahˬpaˬ 9:21

Kʼoeˇ ngeh, “Ngaˬ-euˬ mahˬ laˆ lawˬ lehˬ hmˬ-awˬ” lehˇ Yoˇlamˬ ehˇ-eu meh. Mahˬ laˆ lawˬ lehˬ hmˬ gʼaˬ ngeh, Iˇsaˬleˬlaˆ sahˬ paˬ Yoˇlamˬ hawˇ-eu Yuˇdaˆ sahˬ paˬ Aˬhaˬziˇ aˬ nyaꞈ, yawˬ ha-euˬ mahˬ laˆ lawˬ-ahˇ yawˬ ha dziˬ leˇ-awˇ, Yeˬhuˇ-ahˇ tahˬ puˬ-iˇ-euˬ meh. Naˬboˆ-euˬ deh yaˇ deh dzeˇ aˬ yawꞈ nyaꞈ aˬ yawꞈ-ahˇ tahˬ pu-euˬ meh.

2 Sahˬpaˬ 9:25

Yeˬhuˇ-euˬ gʼaˬ zaˬ pyeuꞈ-eu Biˇdaˬkaˬ-ahˇ Yeˬhuˇ ehˇ nehˬ-eu, “Yoˇlamˬ-ahˇ baꞈ-awˇ, Naˬboˆ-euˬ deh yaˇ-ahˇ baꞈ dzeh-iˇ-awˬ. Sahˬ paˬ Yoˇlamˬ-euˬ aˬ da sahˬ paˬ Aˬhaˆ-euˬ mehˬ nah aˇ nyaꞈ mahˬ dziˬ-awˇ cah ngeh, Sahˬpaˬ Miˬyehˇ neh Aˬhaˆ-ahˇ ehˇ nehˬ-euˬ dawˬ-ahˇ nawˇ maˬ noeˬ nya loˇ.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.