1 Sahˬpaˬ 20:1 - Akha

¹ Suˇliˆ sahˬ paˬ Beˬhaˬdaˇ-aˬ, aˬ yawꞈ-euˬ guiˇ maꞈ dawˬ tawˆ luꞈ kuˇ uiˬ-awˇ, sahˬ paˬ smˬ tseˇ nyiꞈ gʼaˬ, mahˬ hawˇ-eu mahˬ laˆ lawˬ deuˬ teh-awˇ aˬ yawꞈ nehˬ-ehˇ gm leˇ-euˬ laꞈ kʼoeˇ, Saˬmaˬliˆ meuˬ-ahˇ loꞈ jawˬ le-awˇ guiˇ deuˆ le-euˬ meh.

1 Sahˬpaˬ 20:1 Referans Kwoze

1 Sahˬpaˬ 15:18

Kʼoeˇ ngeh jawˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu pyuˇ hawˇ-eu shuiˇ deuˬ-ahˇ sahˬ paˬ Aˬsaˬ yuˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ biꞈ-awˇ, Heˬzoˬ-euˬ aˬ li Taˬbiˇmoˇ-euˬ aˬ li pyeuꞈ-eu Daˬmaˬsehˇ meuˬ-ahˇ jawˇ-eu Suˇliˆ sahˬ paˬ Beˬhaˬdaˇ jawˇ gaˇ bi yuˇ gʼeh-awˇ, heu loꞈ-ehˇ dawˬ tsaꞈ bi tsaꞈ leˇ-euˬ meh.

1 Sahˬpaˬ 22:31

Suˇliˆ sahˬ paˬ-aˬ, aˬ yawꞈ-euˬ mahˬ laˆ lawˬ deuˬ kʼoeˇ taˆ uˆ lahˇ-eu yaw huiˬ smˬ tseˇ gʼaˬ-ahˇ, “Iˇsaˬleˬlaˆ sahˬ paˬ-ahˇ maˬ ngeuˇ naˇ tiˬ gʼaˬ-ahˇ-iˬ taˬ deuˆ” lehˇ ehˇ nehˬ taˬ-euˬ meh.

1 Sahˬpaˬ 15:20

Aˬsaˬ neh ehˇ-euˬ dawˬ-ahˇ sahˬ paˬ Beˬhaˬdaˇ nui ma tsaˬ-awˇ, aˬ yawꞈ-euˬ guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ guiˇ maꞈ deuˬ pyehˬ gʼeh-awˇ, Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ-ahˇ guiˇ bi deuˆ-iˇ-euˬ meh. Aˬ yawꞈ maꞈ-aˬ, Iˇyoˬ meuˬ, Daˬ meuˬ, Aˬbeˬlaˆbehˬmawˇkah meuˬ, Gaˬliˬlehˇ lah gahˬ kaˬ hawˇ-eu, Naˬtaˬliˇ miˇ kʼahˬ kʼahˬ lah ni-ahˇ deuˆ gʼaˬ-euˬ meh.

Aˬmoˆ 1:4

Kʼoeˇ miˇ neh, sahˬ paˬ Haˬzaˬlehˇ neh tsoˆ-euˬ sahˬ paˬ jawˇ-eu hawˇ nymˇ-ahˇ ngaˇ miˬ dzaˬ pyehˬ doꞈ-awˇ, ziꞈ dah ni tsoˆ taˬ-euˬ sahˬ paˬ Beˬhaˬdaˇ-euˬ taˆ nymˇ deuˬ-ahˇ ngaˇ miˬ dzaˬ keuˬ puiˆ dzeh ma.

Daˬyeˬlaˇ 2:37

Sahˬ paˬ-oˇ, nawˇ-aˬ, sahˬ paˬ dawˬ tawˆ kʼoeˇ taˆ huiˬ dzehˬ-eu sahˬ paˬ pyeuꞈ-eu meh. Mˬ taˆ Miˬyehˇ neh nawˬ-ahˇ baoˬ hawˇ-eu gʼaˬ biꞈ-euˬ uˬ taꞈ, aˬ cawˬ taˬ huiˬ taˬ mahˇ-eu jeˬ kʼawꞈ biꞈ-euˬ meh.

Yeˬsaˬgeˬlaˇ 26:7

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Sahˬ paˬ dawˬ tawˆ kʼoeˇ taˆ huiˬ-eu sahˬ paˬ pyeuꞈ-eu Baˬbuˇloˬ sahˬ paˬ Neˬbuˬkaˬneˬzaˬ-ahˇ ngaˇ sheuˬ leꞈ-awˇ, Duˇlu meuˬ-ahˇ guiˇ bi deuˆ ma. Mahˬ deuˬ, mahˬ laˆ lawˬ deuˬ hawˇ-eu, mahˬ dziˬ-eu yehˇ deuˬ ahˇ-eu guiˇ maꞈ maꞈ ma sheuˬ-awˇ, laꞈ taˆ paw kʼahˬ-ahˇ neh aˬ yawꞈ oe tehꞈ-a.

Yeˬlaˬmiˇ 49:27

Daˬmaˬsehˇ meuˬ-euˬ meuˬ lahˇ-ahˇ ngaˇ miˬ dzaˬ keuˬ dzeh-awˇ, sahˬ paˬ Beˬhaˬdaˇ-euˬ hawˇ nymˇ deuˬ bi puiˆ dzaˬ jiˇ tehꞈ-a lehˇ, ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Iˇsaˬyaˇ 37:24

Nawˬ-euˬ zaˬ kʼaˆ-ahˇ nawˇ pyehˬ gʼeh leꞈ-awˇ, goˇ dui dui-eu Leˬbaˬnoˬ gawˬ jawˬ-ahˇ nawˬ neh deuˆ gʼaˬ-euˬ gaˇ kawˆ, ngaˇ jawˇ gaˇ kʼahˬ sehˇ bi jehˆ le-euˬ meh. Kʼoeˇ gaˇ, goˇ dui dui-eu shuˬ liˇ aˇ bawˇ hawˇ-eu guˇ baˬ luˇ aˇ bawˇ deuˬ nawˇ tuˇ dzeh-awˇ, sahˬ kʼaˆ jeˬ dui dui-eu tsahˇ-ahˇ iˇ keuˆ-euˬ gaˇ kawˆ, nawˇ kʼahˬ sehˇ jehˆ-eu meh.

Iˇsaˬyaˇ 10:8

Aˬ yawꞈ heu loꞈ-ehˇ ngehˬ-eu meh. “Ngaˬ-euˬ guiˇ maꞈ-ahˇ kʼaˇ uˆ lahˇ-eu yawˬ gʼaˬ na luꞈ, dzoeˬ dzaˬ oꞈ-eu sahˬ paˬ tehꞈ maˬ ngeuˇ-a loˇ.

Eˇzaˬlaˬ 7:12

“Mˬ taˆ Miˬyehˇ-euˬ Zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu piˇ ma Eˇzaˬlaˬ jawˇ gaˇ, sahˬ paˬ Aˬtaˬdzeuˬsehˆ heu loꞈ-ehˇ sahˬ boꞈ boꞈ ahˇ laꞈ-eu ma.

1 Sahˬpaˬ 20:24

Sahˬ paˬ kʼoeˇ smˬ tseˇ nyiꞈ gʼaˬ-ahˇ aˇ yaˬ yuˇ ka nehˬ-awˇ, aˬ yawꞈ maꞈ-euˬ jawˇ duˬ-ahˇ, guiˇ maꞈ deuˬ kʼoeˇ taˆ uˆ lahˇ-eu deuˬ-ahˇ aˇ yaˬ yuˇ daˆ nehˬ-awˬ.

1 Sahˬpaˬ 20:16

Nah loˆ ceh laˇ-awˇ, Beˬhaˬdaˇ hawˇ-eu aˬ yawꞈ-ahˇ nui ma taꞈ-eu sahˬ paˬ kʼoeˇ smˬ tseˇ nyiꞈ gʼaˬ aˬ yawꞈ maꞈ-euˬ sehˬ gʼawˆ laꞈ kʼoeˇ dzaˬ yehꞈ dawˇ yehꞈ luꞈ ngeh, guiˇ deuˆ dahˬ beh-euˬ meh.

1 Sahˬpaˬ 16:24

Kʼoeˇ naˇ, Sheˬmeuˬ lehˇ myahˇ-euˬ gʼaˬ-ahˇ pyuˇ maˇ byaˆ koꞈ heˇ byaˆ aˬ yawꞈ biꞈ-awˇ, Saˬmaˬliˆ gawˬ duˇ zeuˇ tsehˆ-euˬ meh. Gawˬ duˇ kʼoeˇ duˇ-ahˇ aˬ yawꞈ laˆ muiˬ-awˇ, meuˬ tiˬ meuˬ teˬ-euˬ meh. Gawˬ duˇ-euˬ yaw sahˇ gʼaˬ pyeuꞈ-eu Sheˬmeuˬ-euˬ tsawˇ myahˇ yuˇ-awˇ, meuˬ kʼoeˇ meuˬ-ahˇ Saˬmaˬliˆ meuˬ lehˇ aˬ yawꞈ myahˇ nehˬ-euˬ meh.

1 Saˬmeuˬlaˆ 13:5

Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Guiˇ deuˆ-eu mahˬ laˆ lawˬ smˬ muiˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu yehˇ deuˬ aˬ yawꞈ maꞈ kuˇ uiˬ taˬ-euˬ meh. Behˬdaˬbeˬ meuˬ-euˬ nahˇ ma doˆ kʼehˬ paw jaˆ-eu Miˇkaˬmaˆ meuˬ-ahˇ aˬ yawꞈ maꞈ iˇ-awˇ, sehˬ gʼawˆ gʼawˆ-awˇ jawˇ-euˬ meh.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.

Dawˬmehˬ 28:52

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ laꞈ kʼoeˇ kʼaˇ jaˆ-eu meuˬ yawˬ meuˬ na luꞈ-ahˇ, aˬ yawꞈ maꞈ guiˇ deuˆ le-awˇ, nawˬ-euˬ gʼoe duˬ pyeuꞈ-eu goˇ dui dui-eu meuˬ meuˬ lahˇ deuˬ byaˆ-iˇ tehꞈ-a.

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Doˆ-iˇ 14:7

Guiˇ paw taꞈ leˇ-eu yaw huiˬ yaw mahˇ deuˬ neh bi uˆ lahˇ-euˬ muiˬ dui dui-eu mahˬ laˆ lawˬ koꞈ yaˇ laˇ ahˇ leˇ-ehˇ, mahˬ laˆ lawˬ gʼawˬ mya ni aˬ yawꞈ lehˬ hmˬ-euˬ meh.

1 Sahˬpaˬ 20:2

Meuˬ kʼoeˇ meuˬ-ahˇ jawˇ-eu Iˇsaˬleˬlaˆ sahˬ paˬ Aˬhaˆ jawˇ gaˇ aˬ yawꞈ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Sahˬpaˬ Beˬhaˬdaˇ heu loꞈ-ehˇ ehˇ-eu meh.

2 Sahˬpaˬ 6:8

Iˇsaˬleˬlaˆ miˇ kʼahˬ-ahˇ Suˇliˆ sahˬ paˬ guiˇ deuˆ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ nehˬ-ehˇ aˬ yawꞈ bawˬ dzaˬ-awˇ, aˬ geu tsahˇ-ahˇ guiˇ daˬ daˬ-awˇ jawˇ-eu tsaˬ nga lehˇ jawˇ duˬ tseˇ-euˬ meh.

2 Sahˬpaˬ 8:5

Shiˇ-euˬ tsawˇ haˬ tiˬ gʼaˬ-ahˇ Eˇliˇshehˇ neh bi gʼoꞈ dehꞈ laˇ-euˬ gaˇ kawˆ, sahˬ paˬ-ahˇ Geˬhaˬziˇ dzawˇ nehˬ luꞈ ngeh, zaˬ miˬ zaˬ kʼoeˇ gʼaˬ aˬ yawꞈ-euˬ nymˇ hawˇ-eu miˇ tsaˬ za kʼoꞈ mawꞈ-eu gaˇ kawˆ, sahˬ paˬ-ahˇ shaˇ leˇ-euˬ meh. Kʼoeˇ ngeh, sahˬ paˬ-ahˇ Geˬhaˬziˇ ehˇ nehˬ-eu, “Sahˬpaˬ-oˇ, ngaˇ ehˇ luꞈ-eu zaˬ miˬ zaˬ kʼoeˇ gʼaˬ heu gʼaˬ meh. Eˇliˇshehˇ neh bi gʼoꞈ dehꞈ laˇ-euˬ aˬ li kʼoeˇ-aˬ, aˬ yawꞈ-euˬ aˬ li heu li meh.”