1 Sahˬpaˬ 2:7 - Akha

⁷ “Ehˇ kʼawꞈ, Giˇlaˆ miˇ kʼahˬ-ahˇ jawˇ-eu Baˬziˇlehˇ-euˬ aˬ li deuˬ-ahˇ gʼawˬ shaˬ gaˬ-awˇ haw piˇ nehˬ-awˬ. Aˬ jeˬ miˇ neh ehˇ naˇ, nawˬ-euˬ aˇ doˆ Aˬbaˇsaˬloˬ baˬ da neh ngaˇ cehˆ cehˆ-ehˇ shaˬ ngeh, aˬ yawꞈ maꞈ ngaˬ-ahˇ gʼawˬ shaˬ gaˬ nehˬ laꞈ-euˬ meh.

1 Sahˬpaˬ 2:7 Referans Kwoze

2 Saˬmeuˬlaˆ 9:7

Daˬbiˇ ehˇ-eu, “Taˬ guˆ. Nawˬ da Yawˇnaˆshaˬ baˬ da neh ngaˇ nawˬ-ahˇ gʼawˬ shaˬ gaˬ nehˬ ma. Nawˬ bawˇ Sawˇluˆ-euˬ miˇ tsaˬ dawˬ tawˆ luꞈ nawˬ-ahˇ ngaˇ biꞈ kʼoꞈ-awˇ, nawˇ ngaˬ nehˬ-ehˇ aˬ myah luꞈ ya dzaˬ ya dawˇ taꞈ tehꞈ-a.”

2 Saˬmeuˬlaˆ 9:10

Nawˇ hawˇ-eu nawˬ-euˬ aˬ li deuˬ maˬ ehˇ, nawˬ-euˬ zaˬ kʼaˆ deuˬ maˬ ehˇ, nawˬ-euˬ sahˬ paˬ Sawˇluˆ-euˬ deh yaˇ mˇ-awˇ, aˬ yawꞈ-euˬ oeˬ paˬ-euˬ nymˇ jiˇ ya dzaˬ ya dawˇ ni cehˇ tawˬ ahˇ nehˬ-awˬ. Ehˇ kʼawꞈ, Meˬpiˇbawˇshehˆ gʼaˬ-aˬ, aˬ myah luꞈ ngaˬ nehˬ-ehˇ ya dzaˬ ya dawˇ tehꞈ-a.” (Ziˇbaˬ-aˬ, aˬ li tseˇ nyiꞈ li jawˇ-awˇ, zaˬ kʼaˆ nyiˬ tseˇ gʼaˬ jawˇ-eu meh.)

Luˇkaꞈ 12:37

Baw leˬ gʼaˬ gʼoꞈ laˇ ngeh, maˬ yuꞈ kʼaˆ ni loꞈ luꞈ-eu zaˬ kʼaˆ deuˬ guiˬ lahˬ huiˬ tehꞈ-a. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Baw leˬ gʼaˬ joꞈ paꞈ paꞈ-awˇ, aˬ yawꞈ-euˬ gʼawˇ mawˇ hawˬ byawˇ laˆ dawˆ nehˬ-awˇ, aˬ yawꞈ maꞈ-ahˇ hawˬ jeh-ahˇ nuiˇ-awˇ bi dzaˬ tehꞈ-a.

Dawqdaq 27:10

Nawˬ-euˬ cawˬ deuˬ hawˇ-eu nawˬ da-euˬ cawˬ deuˬ-ahˇ taˬ ngehˇ. Shaˬ-eu zahˬ-eu jeˬ keuˆ le ngeh, nawˬ-euˬ mehˇ nmˇ-ahˇ laꞈ jeuˬ taˬ shaˇ. Gaˇ mahˇ kaˬ gaˇ jawˇ-eu nawˬ-euˬ mehˇ nmˇ naˆ maˬ tseˇ, nawˬ-euˬ dawˬ peh jawˇ-eu cawˬ deuˬ nawˬ-ahˇ caw ba nehˬ nya-eu meh.

2 Saˬmeuˬlaˆ 19:28

Ngaˬ da-euˬ nymˇ kʼahˬ zaˬ dawˬ tawˆ luꞈ nawˬ-euˬ mehˬ shi ya shiˇ jiˇ paˬ-ehˇ tsaˬ laˇ ngeh, nawˬ-euˬ hawˬ jeh-ahˇ nawˬ nehˬ-ehˇ ya dzaˬ ya dawˇ taꞈ-eu guiˬ lahˬ, nawˇ ngaˬ-ahˇ biꞈ laꞈ-euˬ meh. Kʼoeˇ uˬ taꞈ, nawˬ-ahˇ ngaˇ aˬ geu jeˬ paˇ shaˇ kʼmˬ nmˇ.”

Aˇ dahˬ 40:14

Ehˇ kʼawꞈ, nawˇ heu gaˇ neh ya doˆ-iˇ-awˇ, yaw muiˬ-ehˇ ya dehꞈ ya jawˇ ngeh, ngaˬ-ahˇ maˬ ngehˇ-ehˇ, ngaˇ kʼawꞈ heu gaˇ neh ya doˆ-iˇ ni, ngaˬ-euˬ gaˇ kawˆ sahˬ paˬ-ahˇ tiˬ poˆ dzawˇ mehˬ nehˬ law.

Eˇzaˬlaˬ 2:61

Baˬbuˇloˬ miˇ kʼahˬ-ahˇ neh gʼoꞈ laˇ-euˬ piˇ ma aˇ jeuˬ aˇ ca deuˬ-aˬ, Haˬbaˬyaˇ, Haˬkawˇzaˬ hawˇ-eu, Baˬziˇlehˇ-euˬ zaˬ deuˬ uˆ deuˬ meh. (Piˇ ma aˇ jeuˬ tiˬ jeuˬ pyeuꞈ-eu Baˬziˇlehˇ aˇ jeuˬ-euˬ aˬ da yaw dzahˇ gʼaˬ-aˬ, Giˇlaˆ miˇ kʼahˬ-ahˇ jawˇ-eu Baˬziˇlehˇ aˇ jeuˬ zaˬ miˬ zaˬ tiˬ gʼaˬ-ahˇ sheuˬ-euˬ miˇ neh, aˬ yawꞈ-euˬ tsawˇ mawˬ-euˬ aˇ jeuˬ tsawˇ myahˇ kʼoeˇ myahˇ pi ka leꞈ-euˬ meh.)

Yeˬlaˬmiˇ 52:33

Kʼoeˇ miˇ neh, Yeˬhawˇyaˬciˬ-ahˇ paꞈ kuˆ-ahˇ uˇ-eu deuˬ dm-eu mehˬ tsoeˬ lehˆ dzeh-awˇ, mehˬ tsoeˬ yaw muiˬ dm paˇ-eu a kawˬ-aˬ biꞈ-awˇ, ziˇ jiˇ ngeh keuˆ ni sahˬ paˬ nehˬ-ehˇ bi dzaˬ bi dawˇ taꞈ-euˬ meh.

2 Sahˬpaˬ 25:29

Yeˬhawˇyaˬciˬ-aˬ, paꞈ kuˆ laꞈ kʼoeˇ uˇ-eu deuˬ dm-eu mehˬ tsoeˬ dzeˇ paˇ paˇ dzeh-awˇ, maˬ shiˇ tiˬ ziˇ Baˬbuˇloˬ sahˬ paˬ nehˬ-ehˇ dzaˬ taꞈ dawˇ taꞈ-eu a kawˬ-aˬ za-euˬ meh.

2 Sahˬpaˬ 25:30

Aˬ yawꞈ yaw dehꞈ kʼaˇ dehꞈ kʼoeˇ keuˆ ni, aˬ yawꞈ nah yawꞈ kʼaˇ loˬ-eu jeˬ aˬ yawꞈ-ahˇ biꞈ loꞈ nehˬ-euˬ meh.