Biblia Todo Logo
Bib sou entènèt

- Piblisite -




1 Sahˬpaˬ 2:5 - Akha

5 “Tiˬ jeˬ paˇ jaˆ-a siˬ. Iˇsaˬleˬlaˆ guiˇ maꞈ kʼoeˇ taˆ uˆ lahˇ-eu deuˬ pyeuꞈ-eu Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ sehꞈ-eu laꞈ kʼoeˇ, Yoˇbaˬ neh ngaˬ-ahˇ mˇ coeˬ nehˬ laꞈ-euˬ jeˬ-ahˇ nawˇ siˬ nya meh. Guiˇ deuˆ ngeh aˬ yawꞈ nyaꞈ neh aˬ cawˬ-ahˇ deuˆ sehꞈ-euˬ aˇ poeˬ, guiˇ maˬ deuˆ-ehˇ ciˬ cuˇ ni jawˇ luꞈ ngeh aˬ yawꞈ nyaꞈ-ahˇ Yoˇbaˬ laꞈ poˆ poˆ kʼoꞈ nehˬ-euˬ gaˇ kawˆ nawˇ siˬ nya meh. Iˬ baˇ maˬ ahˇ-eu tsawˇ haˬ-ahˇ aˬ yawꞈ sehꞈ-euˬ miˇ neh, aˬ yawꞈ-euˬ yaw lehˬ ngaˬ-euˬ kʼoeˇ taˆ keuˆ le-awˇ, ngaˇ ya daˬ luꞈ-eu ma.

Gade chapit la Kopi




1 Sahˬpaˬ 2:5
18 Referans Kwoze  

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.


Yoˇbaˬ-euˬ aˇ caˇ laꞈ-ahˇ tuˆ tehˬ taˬ-euˬ mi cehˇ-ahˇ Aˬmaˬsaˬ maˬ mawˇ nya-ehˇ, Yoˇbaˬ neh uˬ maˆ bi tsawˆ byoe-awˇ, baw uˇ miˇ tsa ga doˆ le-euˬ meh. Yoˇbaˬ gʼaˬ laꞈ lahˬ maˬ ka dah mi naˆ-ehˇ, aˬ yawꞈ tiˬ poˆ tehꞈ-ehˇ shiˇ tsehˆ-euˬ meh. Kʼoeˇ naˇ, Yoˇbaˬ hawˇ-eu Aˬbiˇshaiˇ aˬ nyaꞈ nmˇ Sheˬba-euˬ mehˬ nah teh-iˇ-eu lehˇ doˆ-iˇ-euˬ meh.


Tsawˇ haˬ kʼoeˇ gʼaˬ ehˇ-eu, “Nawˇ ngaˬ-ahˇ pyuˇ maˇ byaˆ tiˬ heˇ byaˆ biꞈ laꞈ kʼawꞈ, sahˬ paˬ-euˬ aˬ li-ahˇ laꞈ noeˇ neh tehꞈ-ehˇ kʼawꞈ ngaˇ maˬ toeˬ ciˆ leˇ. Nawˇ hawˇ-eu, Aˬbiˇshaiˇ, Iˇtehˇ nawˬ ha smˇ gʼaˬ-ahˇ, ‘Ngaˬ-euˬ myaˆ pyawˬ-ahˇ haw-eu laꞈ kʼoeˇ, zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de’ lehˇ, sahˬ paˬ dawˬ biꞈ-eu nga maꞈ dawˬ tawˆ luꞈ gaˬ jiˇ-euˬ ma.


Yoˇbaˬ, Aˬbiˇshaiˇ hawˇ-eu Iˇtehˇ aˬ ha smˇ gʼaˬ-ahˇ, “Ngaˬ-euˬ myaˆ pyawˬ-ahˇ haw-eu laꞈ kʼoeˇ, aˬ li zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de” lehˇ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ kʼoeˇ loꞈ-ehˇ ehˇ nehˬ gaˇ, yehˇ dawˬ tawˆ luꞈ ya gaˬ-euˬ meh.


Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.


Ngaˇ-aˬ, Miˬyehˇ neh tseˇ doˆ-euˬ sahˬ paˬ tiˬ gʼaˬ pyeuꞈ kʼawꞈ, iˬ nah ngaˬ-ahˇ gʼaˬ byehˆ byehˆ dui dui nya. Zeˬluˇyaˆ-euˬ aˬ li heu deuˬ ngaˬ-euˬ mehˬ shi yaw haiˬ jeˬ mˇ-euˬ heu aˇ dzehˬ dzeuˇ nya. Yaw haiˬ jeˬ mˇ-eu deuˬ-ahˇ aˬ yawꞈ ha mehˇ nmˇ neh kʼaˇ mˇ neh-euˬ loꞈ-ehˇ, aˬ yawꞈ ha mehˇ nmˇ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ luꞈ-uˇ.”


Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”


Aˬ cawˬ kʼoeˇ taˆ kʼaˆ dzaˬ-eu deuˬ-euˬ shiˬ maˬ ngeuˇ, maˬ lehˬ maˬ ca-eu iˇ shaˬ zaˬ-euˬ shiˬ, naw maꞈ-euˬ mehˬ tsoeˬ-ahˇ lehꞈ kʼawꞈ,


Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.


Sahˬ paˬ Daˬbiˇ-euˬ dmˇ ma Zeˬluˇyaˆ-euˬ aˬ li Yoˇbaˬ hawˇ-eu piˇ ma Aˬbyaˬdaˬ aˬ nyaꞈ-ahˇ aˬ yawꞈ mehˬ bawˬ mˇ haw ngeh, aˬ yawꞈ nyaꞈ kʼawꞈ aˬ yawꞈ jawˇ paw pyawˬ ma lehˇ ehˇ nehˬ-euˬ meh.


Aˬbaˇsaˬloˬ-aˬ, Aˬmaˬsaˬ-ahˇ Yoˇbaˬ-euˬ dah zaˇ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ bi geuꞈ-euˬ meh. Aˬmaˬsaˬ-aˬ, Iˇshaˬmeˬlaˇ tsawˇ jeuˬ Yeˬdeuˬ-euˬ aˬ li pyeuꞈ-eu meh. Aˬ yawꞈ-euˬ aˬ ma Aˬbiˇgeˬlaˆ hawˇ-eu Yoˇbaˬ-euˬ aˬ ma Zeˬluˇyaˆ aˬ nyaꞈ nmˇ-aˬ, Naˬhaˇ-euˬ aˬ buˇ pyeuꞈ-eu meh.


Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.


Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.


Zeˬluˇyaˆ-euˬ aˬ li Yoˇbaˬ hawˇ-eu Daˬbiˇ-euˬ gaˇ mˇ-eu yaw huiˬ yaw mahˇ deuˬ aˬ yawꞈ maꞈ-ahˇ Giˇbyoˬ lah dawˬ peh tahˬ puˬ-awˇ, lah-euˬ kʼoeˇ baˬ heu baˬ-ehˇ, aˇ muˇ muˇ-awˇ nuiˇ luꞈ-eu meh.


“ ‘Tsawˇ haˬ-ahˇ ciˬ cuˇ ni sehꞈ kʼoeˬ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.


Swiv nou:

Piblisite


Piblisite