1 Sahˬpaˬ 2:12 - Akha

¹² Sawˇlaˬmoˬ gʼaˬ aˬ yawꞈ aˬ da-euˬ dah zaˇ sahˬ paˬ geuꞈ-awˇ, ziꞈ dah ni uˆ lahˇ-euˬ meh.

1 Sahˬpaˬ 2:12 Referans Kwoze

2 Laˬsaˬbaˬ 1:1

Sahˬ paˬ Daˬbiˇ-euˬ aˬ li Sawˇlaˬmoˬ-aˬ, Iˇsaˬleˬlaˆ miˇ kʼahˬ-ahˇ ziꞈ dah ni uˆ lahˇ-awˇ, Sahˬpaˬ Miˬyehˇ pyeuꞈ-eu Miˬyehˇ aˬ yawꞈ-ahˇ guiˬ lahˬ biꞈ-awˇ, baoˬ huiˬ-eu sahˬ paˬ tiˬ gʼaˬ bi pyeuꞈ laˇ-euˬ meh.

Jaceuq 132:12

Nawˬ li deuˬ ngaˬ-euˬ dawˬ ma saˇ jaˇ-ahˇ ziꞈ-awˇ, ngaˬ-euˬ zahˇ sahˇ kʼoꞈ-ahˇ caw teh naˇ, aˬ yawꞈ maꞈ-euˬ aˬ li deuˬ ziˇ keuˆ ni sahˬ paꞈ geuꞈ-awˇ, nawˬ-euˬ dzoeˬ dzaˬ aˬ myah luꞈ oꞈ tehꞈ-a.

1 Sahˬpaˬ 1:46

Nymˬ-mˇ poˆ jawˇ, Sawˇlaˬmoˬ sahˬ paˬ pyeuꞈ laˇ gʼaˬ-euˬ meh.

2 Saˬmeuˬlaˆ 7:29

Ngaˬ-euˬ zaˬ ngaˬ-euˬ uˆ deuˬ aˬ myah luꞈ nawˇ nui ma tsaˬ-eu tsawˇ haˬ deuˬ pyeuꞈ ni, aˬ yawꞈ maꞈ-ahˇ guiˬ lahˬ biꞈ nehˬ-awˬ lehˇ ngaˇ nawˬ-ahˇ shaˇ-eu ma. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ-euˬ guiˬ lahˬ yaw dzahˇ deuˬ, ngaˬ-euˬ zaˬ deuˬ uˆ deuˬ kʼoeˇ taˆ, mˬ maˬ maˬ byaˆ zaˇ ziˇ jaˆ luꞈ-uˇ.”

1 Sahˬpaˬ 2:46

Kʼoeˇ naˇ, Baˬnaˇyaˬ-ahˇ sahˬ paˬ dawˬ biꞈ ngeh, Baˬnaˇyaˬ doˆ-iˇ-awˇ, Shiˇmiˇ-ahˇ sehꞈ-euˬ meh. Nymˬ-mˇ poˆ jawˇ, miˇ kʼahˬ kʼahˬ lah ni, Sawˇlaˬmo-euˬ aˬ laꞈ laꞈ kʼoeˇ ziꞈ dah ni jaˆ laˇ-euˬ meh.

1 Laˬsaˬbaˬ 23:1

Daˬbiˇ tsawˇ mawˬ mawˬ dui dui laˇ ngeh, aˬ yawꞈ-euˬ aˬ li Sawˇlaˬmoˬ-ahˇ Iˇsaˬleˬlaˆ sahˬ paˬ ka nehˬ-euˬ meh.

1 Sahˬpaˬ 1:13

Sahˬ paˬ Daˬbiˇ jawˇ gaˇ yaw kawˇ-ehˇ le-awˇ, ‘Sahˬ paˬ-oˇ, nawˇ jiˇ naˇ ngaˬ li Sawˇlaˬmoˬ-ahˇ sahˬ paˬ bi geuꞈ ma lehˇ, nawˇ ngaˬ-ahˇ saˇ jaˇ dzaˬ taˬ-euˬ jaˆ-eu maˬ ngeuˇ te loˇ. Toˆ-ehˇ ngeuˇ-eu jeˬ maˇ-iˬ, aˬ jeˬ miˇ neh Aˬdawˇniˇyaˆ gʼaˬ sahˬ paˬ pyeuꞈ laˇ taˬ’ lehˇ ehˇ nehˬ leˇ-awˬ.”

1 Sahˬpaˬ 1:30

Ngaˇ jiˇ naˇ, nawˬ li Sawˇlaˬmoˬ-ahˇ ngaˬ-euˬ dah zaˇ sahˬ paˬ bi geuꞈ-eu gʼaˇ duˬ, ngaˬ neh nawˬ-ahˇ saˇ jaˇ dzaˬ taˬ-euˬ dawˬ-ahˇ ngaˇ ziꞈ ma lehˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi, iˬ nah ngaˇ kamˬ-eu ma.”

1 Sahˬpaˬ 1:35

Kʼoeˇ naˇ, aˬ yawꞈ gʼoꞈ laˇ-awˇ, ngaˬ-euˬ dzoeˬ dzaˬ nuiˇ mahˬ-ahˇ nuiˇ laˇ ngeh, naw maꞈ kʼawꞈ aˬ yawꞈ mehˬ nah caw teh kʼoꞈ laꞈ-awˬ. Aˬ yawꞈ-aˬ, ngaˬ-euˬ dah zaˇ sahˬ paˬ geuꞈ-awˇ uˆ lahˇ tehꞈ-a. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ ngaˇ tseˇ doˆ-euˬ ma.”