1 Sahˬpaˬ 2:10 - Akha

¹⁰ Kʼoeˇ naˇ, Daˬbiˇ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh.

1 Sahˬpaˬ 2:10 Referans Kwoze

Gʼaˬkʼehˇ 2:29

“A yuiꞈ aˬ nyiˇ deuˬ-oˇ, tsawˇ myahˇ doˆ dui dui-eu aˬ dui-euˬ aˬ poeˬ sahˬ paˬ Daˬbiˇ gaˇ kawˆ, ngaˇ naw maꞈ-ahˇ kʼaˬ duˬ ni ehˇ nehˬ nyaˇ. Aˬ yawꞈ shiˇ-awˇ, aˬ yawꞈ-ahˇ baꞈ pahˬ-euˬ lmˬ bymˇ iˬ nah keuˆ ni aˬ dui maꞈ jawˇ gaˇ jaˆ luꞈ meh.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

1 Laˬsaˬbaˬ 29:28

Aˬ yawꞈ-aˬ, smˇ muiˬ muiˬ dui dui-eu sahˬ paˬ tiˬ gʼaˬ pyeuꞈ-awˇ, aˬ cawˬ yaw zeu baw-eu laꞈ kʼoeˇ, tsawˇ mawˬ dehꞈ mawꞈ leꞈ-awˇ ziˇ dehꞈ jiˇ-euˬ meh. Aˬ yawꞈ-euˬ aˬ li Sawˇlaˬmoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

1 Sahˬpaˬ 11:43

Aˬ yawꞈ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ dah zaˇ aˬ yawꞈ-euˬ aˬ li Leˬhawˇbamˬ gʼaˬ sahˬ paˬ geuꞈ-euˬ meh.

1 Sahˬpaˬ 1:21

Nawˇ tiˬ jeˬ-iˬ maˬ ehˇ ni jawˇ naˇ, nawˇ ziˇ dehꞈ jiˇ-eu nehˬ-ehˇ, nawˬ li Sawˇlaˬmoˬ nga nyaꞈ ma zaˬ-ahˇ, aˬ yawꞈ maꞈ-ahˇ puiˬ-eu tsawˇ haˬ lehˇ sawˇ nehˬ laꞈ-eu yaw duˬ baw tehꞈ-a.”

1 Sahˬpaˬ 3:1

Sawˇlaˬmoˬ-aˬ, Iˇjiˇtuˆ sahˬ paˬ zaˬ miˬ sheuˬ-awˇ, Iˇjiˇtuˆ sahˬ paˬ nehˬ-ehˇ cawˬ cawˬ taꞈ-euˬ meh. Sahˬ paˬ hawˇ nymˇ hawˇ-eu Uˬ duˬ tahˬ nymˇ nymˇ ma maˬ tsoˆ dah-ehˇ, Yeˬluˇsaˬlehˬ meuˬ-euˬ meuˬ meuˬ lahˇ maˬ gawˬ gʼaˬ nmˇ kaˬ, sahˬ paˬ zaˬ miˬ kʼoeˇ gʼaˬ-ahˇ, Daˬbiˇ-euˬ meuˬ laꞈ kʼoeˇ sheuˬ taˬ-awˇ bi jawˇ-euˬ meh.

2 Saˬmeuˬlaˆ 5:7

Ehˇ kʼawꞈ, ziꞈ dah ni tsoˆ taˬ-euˬ Ziˇoˬ taˆ-ahˇ Daˬbiˇ neh deuˆ gʼaˬ-awˇ, jawˇ duˬ kʼoeˇ tsahˇ Daˬbiˇ-euˬ meuˬ lehˇ tsawˇ myahˇ doˆ-euˬ meh.

1 Laˬsaˬbaˬ 11:7

Taˆ nymˇ nymˇ ma kʼoeˇ nymˇ-ahˇ Daˬbiˇ jawˇ leˇ-euˬ miˇ neh, Daˬbiˇ-euˬ meuˬ lehˇ tsawˇ myahˇ doˆ-euˬ jeˬ pyeuꞈ-eu meh.

1 Sahˬpaˬ 11:21

Daˬbiˇ ziˇ dehꞈ jiˇ-awˇ, Daˬbiˇ-euˬ guiˇ maꞈ deuˬ kʼoeˇ taˆ uˆ lahˇ-eu Yoˇbaˬ gʼaˬ kʼawꞈ shiˇ dzeuˇ-euˬ gaˇ kawˆ-ahˇ, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu Haˬdaˇ ya gaˬ ngeh, aˬ yawꞈ-euˬ miˇ kʼahˬ-ahˇ ya gʼoꞈ leˇ ni sahˬ paˬ jawˇ gaˇ shaˇ leˇ-euˬ meh.

2 Laˬsaˬbaˬ 9:31

Aˬ yawꞈ ziˇ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Leˬhawˇbamˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

2 Saˬmeuˬlaˆ 5:9

Taˆ nymˇ nymˇ ma kʼoeˇ nymˇ-ahˇ deuˆ gʼaˬ ngeh, Daˬbiˇ kʼoeˇ gaˇ jawˇ le-awˇ, Daˬbiˇ-euˬ meuˬ lehˇ myahˇ nehˬ-euˬ meh. Kʼoeˇ naˇ, gawˬ duˇ-euˬ nahˇ ma doˆ kʼehˬ paw dzeˇ jaˆ-eu tsaˬ duˬ duˬ dzm taˬ-euˬ tsahˇ-ahˇ neh aˇ dahˬ beh-awˇ, taˆ nymˇ nymˇ ma kʼoeˇ nymˇ-euˬ jawˬ jawˬ-ehˇ, aˬ yawꞈ meuˬ tsoˆ-euˬ meh.

2 Saˬmeuˬlaˆ 7:12

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ gʼaˬ-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ-ahˇ baoˬ huiˬ-eu miˇ kʼahˬ tiˬ kʼahˬ bi pyeuꞈ laˇ ma.

1 Sahˬpaˬ 8:1

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, sahˬ paˬ Sawˇlaˬmoˬ neh aˬ yawꞈ jawˇ-eu Yeˬluˇsaˬlehˬ meuˬ-ahˇ kuˇ uiˬ-euˬ meh.

1 Sahˬpaˬ 14:31

Leˬhawˇbamˬ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ, aˬ yawꞈ-ahˇ baꞈ pahˬ-euˬ meh. Aˬ yawꞈ-euˬ aˬ ma-aˬ, Aˬmoˬ tsawˇ jeuˬ Naˬmaˬ meh. Aˬ yawꞈ shiˇ dzeuˇ ngeh, aˬ yawꞈ-euˬ aˬ li Aˬbiˇyaˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

1 Sahˬpaˬ 15:8

Aˬbiˇyaˬ ziˇ jiˇ-awˇ, Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬsaˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

1 Sahˬpaˬ 15:24

Aˬsaˬ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ-euˬ meh. Aˬ yawꞈ-euˬ dah zaˇ, aˬ yawꞈ-euˬ aˬ li Yeˬhawˇshaˬpaˇ sahˬ paˬ geuꞈ-euˬ meh.

1 Sahˬpaˬ 22:51

Yuˇdaˆ miˇ kʼahˬ-ahˇ sahˬ paˬ Yeˬhawˇshaˬpaˇ uˆ lahˇ-eu shiꞈ kʼoꞈ tiˬ kʼoꞈ-ahˇ, Aˬhaˆ-euˬ aˬ li Aˬhaˬziˇ gʼaˬ Iˇsaˬleˬlaˆ sahˬ paˬ pyeuꞈ laˇ-awˇ, Saˬmaˬliˆ meuˬ-ahˇ jawˇ-awˇ nyiˬ kʼoꞈ uˆ lahˇ-euˬ meh.

2 Sahˬpaˬ 8:24

Yeˬhawˇlamˬ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬhaˬziˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 9:28

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ neh aˬ yawꞈ-ahˇ mahˬ laˆ lawˬ laꞈ kʼoeˇ baꞈ ahˇ-awˇ, Yeˬluˇsaˬlehˬ meuˬ-ahˇ tawˬ kʼoꞈ gʼeh-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh.

2 Sahˬpaˬ 14:20

Aˬ yawꞈ-euˬ gʼawˇ mawˇ-ahˇ mahˬ neh tawˬ-awˇ, Yeˬluˇsaˬlehˬ meuˬ-ahˇ tawˬ kʼoꞈ gʼeh-awˇ, Daˬbiˇ-euˬ meuˬ-ahˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh.

2 Sahˬpaˬ 15:38

Yoˇdaˬ ziˇ jiˇ-awˇ, Daˬbiˇ-euˬ meuˬ laꞈ kʼoeˇ jaˆ-euˬ sahˬ paˬ-euˬ lmˬ bymˇ-ahˇ, aˬ yawꞈ-ahˇ baꞈ pahˬ-euˬ meh. Kʼoeˇ naˇ, aˬ yawꞈ-euˬ aˬ li Aˬkaˆ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 16:20

Aˬkaˆ ziˇ jiˇ-awˇ, Daˬbiˇ-euˬ meuˬ laꞈ kʼoeˇ jaˆ-eu sahˬ paˬ-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh. Aˬ yawꞈ-euˬ aˬ li Heˬsaˬgiˇ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 24:16

Iˇsaˬleˬlaˆ tsawˇ jeuˬ gʼaˇ duˬ maˬ ehˇ, Miˬyehˇ gʼaˇ duˬ maˬ ehˇ, Uˬ duˬ tahˬ nymˇ nymˇ ma gʼaˇ duˬ maˬ ehˇ, aˬ yawꞈ neh mˇ taˬ yaꞈ-euˬ gaˇ deuˬ-ahˇ aˬ cawˬ noeˬ keuˆ-awˇ, Daˬbiˇ-euˬ Meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh.