1 Sahˬpaˬ 18:3 - Akha

³ Kʼoeˇ miˇ neh, sahˬ paˬ-euˬ nymˇ-ahˇ haw-eu pyaˆ-eu gʼaˬ geuꞈ luꞈ-eu Awˇbaˬdiˇ-ahˇ Aˬhaˆ kuˇ-euˬ meh. (Awˇbaˬdiˇ-aˬ, Sahˬpaˬ Miˬyehˇ-ahˇ yaw zeu baw dui dui-awˇ uˬ duˬ tahˬ luꞈ-eu tsawˇ haˬ tiˬ gʼaˬ pyeuꞈ-eu meh.

1 Sahˬpaˬ 18:3 Referans Kwoze

Neˬhaˬmiˇ 7:2

Yeˬluˇsaˬlehˬ meuˬ-ahˇ bi uˆ lahˇ-eu gʼaˇ duˬ tsawˇ haˬ nyiˬ gʼaˬ-ahˇ ngaˇ tseˇ doˆ-euˬ ma. Aˬ yawꞈ nyaꞈ-euˬ, ngaˬ-euˬ aˬ nyiˇ Haˬnaˬniˇ hawˇ-eu Yehˇ-euˬ taˆ-ahˇ aˬ yuiꞈ geuꞈ-eu gʼaˬ pyeuꞈ-eu Haˬnaˬniˇyaˆ meh. Haˬnaˬniˇyaˆ-aˬ, Miˬyehˇ-ahˇ guˆ-eu nui ma ahˇ-awˇ, aˬ cawˬ naˆ maˬ tseˇ gʼoe coeˇ-eu tsawˇ haˬ tiˬ gʼaˬ pyeuꞈ-eu meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

1 Sahˬpaˬ 16:9

Sahˬ paˬ-euˬ mahˬ laˆ lawˬ tiˬ paˆ paˆ ni-ahˇ haw-eu pyaˆ-eu gʼaˬ bi geuꞈ-euˬ aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Zmˇliˬ-aˬ, ciˬ cuˇ ni aˬ yawꞈ-ahˇ puiˬ-euˬ meh. Tiˬ nah-aˬ, Teuˇzaˬ meuˬ laꞈ kʼoeˇ sahˬ paˬ-euˬ hawˇ nymˇ-ahˇ haw-eu pyaˆ-eu gʼaˬ pyeuꞈ-eu Aˬzaˇ-euˬ nymˇ-ahˇ, Eˇlahˬ dzaˬ yehꞈ dawˇ yehꞈ-awˇ jawˇ-eu meh.

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Gʼaˬkʼehˇ 10:2

Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ hawˇ-eu miˬ sawˇ zaˬ dawˬ tawˆ luꞈ, Miˬyehˇ-ahˇ uˬ duˬ tahˬ-eu meh. Shaˬ-eu zahˬ-eu Yuˇdaˆ tsawˇ haˬ deuˬ-ahˇ aˬ yawꞈ caw ba-awˇ, Miˬyehˇ-ahˇ maˬ tsehˆ leˇ ni guiˬ lahˬ shaˇ-eu meh.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Dawqdaq 14:26

Sahˬpaˬ Miˬyehˇ-ahˇ guˆ-eu jeˬ-aˬ, nymˇ tsoˆ ziꞈ gaˇ duˇ-awˇ, zaˬ ziˇ keuˆ ni gmˬ-eu meh.

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

2 Sahˬpaˬ 4:1

Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ taꞈ-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-euˬ miˬ coeˬ miˬ ma tiˬ gʼaˬ, Eˇliˇshehˇ jawˇ gaˇ le-awˇ ehˇ-eu, “Ngaˬ-euˬ kʼaˬ dzeˇ zaˬ shiˇ-euˬ meh. Nawˇ siˬ nya-eu loꞈ-ehˇ, aˬ yawꞈ Miˬyehˇ ehˇ dawˬ naˇ haˬ-euˬ tsawˇ haˬ tiˬ gʼaˬ meh. Ehˇ kʼawꞈ, ngaˬ-euˬ kʼaˬ dzeˇ zaˬ-ahˇ pyuˇ paˇ nehˬ taˬ-euˬ tsawˇ haˬ tiˬ gʼaˬ oe-awˇ, dziˇ dzoˆ kʼoeˇ aˇ poeˬ ngaˬ-euˬ aˬ li nyiˬ li-ahˇ sheuˬ kʼoꞈ gʼeh-awˇ, zaˬ kʼaˆ bi geuꞈ-eu lehˇ gʼeh-eu meh.”

1 Sahˬpaˬ 18:12

Ngaˇ iˇ-eu nehˬ-ehˇ, Sahˬpaˬ Miˬyehˇ-euˬ yaw sahˇ nawˬ-ahˇ tiˬ gaˇ paw sheuˬ byoˆ gʼeh naˇ aˬ joˆ-ehˇ jahˇ nmˇ. Nawˇ heu gaˇ jawˇ meh lehˇ Aˬhaˆ-ahˇ ngaˇ ehˇ nehˬ-awˇ, nawˬ-ahˇ aˬ yawꞈ maˬ poˆ mawˇ nya naˇ, aˬ yawꞈ ngaˬ-ahˇ sehꞈ tehꞈ-a. Ngaˇ-aˬ, yaw nyiˇ gʼeh ngeh neh Sahˬpaˬ Miˬyehˇ-ahˇ yaw zeu baw dui dui-eu laꞈ kʼoeˇ, uˬ duˬ tahˬ-euˬ tsawˇ haˬ tiˬ gʼaˬ pyeuꞈ gaˇ noeˬ keuˆ nehˬ laꞈ-awˬ.

Aˇ dahˬ 42:18

Smˬ nah byah laˇ ngeh, aˬ ha mehˇ nmˇ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Ngaˇ-aˬ, Miˬyehˇ-ahˇ guˆ-eu tsawˇ haˬ ma. Teu miˇ neh, ngaˬ neh kʼaˇ ehˇ-euˬ loꞈ-ehˇ naw maꞈ jahˇ naˇ, shiˇ gaˇ maˬ keuˆ ni bi dzeuˇ-iˇ ma.

Aˇ dahˬ 41:40

Ngaˇ nawˬ-ahˇ ngaˬ-euˬ miˇ kʼahˬ kʼoeˇ taˆ uˆ lahˇ-eu gʼaˬ bi geuꞈ-awˇ, ngaˬ-euˬ tsawˇ haˬ dawˬ tawˆ luꞈ, nawˬ-euˬ ehˇ dawˬ-ahˇ bi naˇ haˬ ma. Nawˇ naˆ maˬ tseˇ baoˬ huiˬ dzehˬ-eu tsawˇ haˬ ngaˇ tiˬ gʼaˬ jawˇ-eu tehꞈ ma.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Aˇ dahˬ 24:10

Aˬbyaˬhaˬ-euˬ pyuˇ shuiˇ myawˬ gahˬ dawˬ tawˆ luꞈ-ahˇ haw-eu pyaˆ-eu zaˬ kʼaˆ kʼoeˇ gʼaˬ, Aˬbyaˬhaˬ-euˬ law taw tseˇ mawˇ teh-awˇ, Maˬsoˬpoˬtaˬmiˇ miˇ kʼahˬ laꞈ taˆ paw jaˆ-eu Naˬkawˬ jawˇ-eu meuˬ-ahˇ le-euˬ meh.

Aˇ dahˬ 24:2

Aˬ yawꞈ-euˬ zaˬ kʼaˆ deuˬ laꞈ kʼoeˇ, aˬ cawˬ naˆ maˬ tseˇ aˇ kʼoꞈ kʼawˆ dzehˬ-awˇ, aˬ yawꞈ-euˬ myawˬ gahˬ dawˬ tawˆ luꞈ a nehˬ-awˇ bi haw bi pyaˆ-euˬ gʼaˬ-ahˇ, aˬ yawꞈ heu loꞈ-ehˇ ehˇ nehˬ-euˬ meh. “Ngaˬ-euˬ shaˬ pyaˬ yaw kaˬ-ahˇ nawˬ-euˬ aˬ laꞈ cawˬ ahˇ-awˇ saˇ jaˇ dzaˬ-awˬ.

Aˇ dahˬ 22:12

“Aˬ li-ahˇ tiˬ jeˬ-iˬ taˬ paˇ jahˇ. Nawˇ Miˬyehˇ-ahˇ guˆ-eu gaˇ kawˆ nymˬ-mˇ ngaˇ ya siˬ duˬ-euˬ ma. Aˬ jeˬ miˇ neh ehˇ naˇ, aˬ li tiˬ gʼaˬ tehꞈ miˇ neh Miˬyehˇ-ahˇ maˬ lawˇ nehˬ peuˬ nya lehˇ nawˇ maˬ ehˇ-a” lehˇ, mˬ taˆ gʼaˬ kʼehˇ kʼoeˇ gʼaˬ Aˬbyaˬhaˬ-ahˇ ehˇ nehˬ-euˬ meh.

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 112:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.