1 Sahˬpaˬ 18:1 - Akha

¹ Aˇ kʼoꞈ aˇ la ui cuiˆ myahˇ laˇ-awˇ, uˬ yehˇ maˬ yehˇ le-eu aˇ kʼoꞈ smˇ kʼoꞈ tiˬ kʼoꞈ-ahˇ, “Sahˬ paˬ Aˬhaˆ jawˇ gaˇ nawˇ iˇ-awˇ, nawˬ-euˬ gʼawˇ mawˇ aˬ yawꞈ-ahˇ bi mawˇ-awˬ. Ngaˇ uˬ yehˇ bi yehˇ le ma” lehˇ, Eˇliˇyaˆ-ahˇ Sahˬpaˬ Miˬyehˇ ehˇ nehˬ-euˬ meh.

1 Sahˬpaˬ 18:1 Referans Kwoze

Luˇkaꞈ 4:25

Ngaˇ maˇ jawˆ ni ehˇ nehˬ nyaˇ. Smˇ kʼoꞈ uˬ taꞈ tiˬ paˆ keuˆ ni uˬ yehˇ maˬ yehˇ le ni jaˆ-euˬ miˇ neh, miˇ kʼahˬ kʼahˬ lah ni mehꞈ dui shuꞈ dui dui-eu jeˬ keuˆ le-euˬ Eˇliˇyaˆ-euˬ ziˇ kʼoeˇ ziˇ-ahˇ, Iˇsaˬleˬlaˆ miˇ kʼahˬ laꞈ kʼoeˇ miˬ coeˬ miˬ ma gʼawˬ mya ni jawˇ-euˬ meh.

Yaˬkoˆ 5:17

Eˇliˇyaˆ-aˬ, aˬ dui loꞈ-ehˇ gʼeh-eu tsawˇ haˬ tiˬ gʼaˬ meh. Uˬ yehˇ maˬ bi yehˇ le-eu gʼaˇ duˬ aˬ yawꞈ nui ma keuˆ dui dui-eu laꞈ kʼoeˇ guiˬ lahˬ shaˇ ngeh, miˇ kʼahˬ kʼoeˇ kʼahˬ smˇ kʼoꞈ tiˬ paˆ keuˆ ni mˬ gʼoˇ gʼoˇ-euˬ meh.

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

Dawˬmehˬ 28:12

Tsawˇ jeuˬ gʼawˬ mya jeuˬ nawˬ-ahˇ ya shaˇ ngaˬ ya shaˇ paˇ laˇ kʼawꞈ, aˬ cawˬ tsawˇ jeuˬ-ahˇ nawˇ ya shaˇ paˇ-iˇ gaˇ maˬ bi keuˆ ni, mˬ kʼoeˇ taˆ guiˬ lahˬ yaw dzahˇ laˇ gʼoˆ aˬ yawꞈ pah-awˇ, aˇ yamˬ tsaˬ tsaˬ ni uˬ yehˇ bi yehˇ le-awˇ, nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ nawˬ-ahˇ guiˬ lahˬ biꞈ nehˬ laꞈ tehꞈ-a.

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Panmaeq 11:6

Aˬ yawꞈ nyaꞈ Miˬyehˇ dawˬ kawˬ mehˬ luꞈ-eu aˇ yamˬ laꞈ kʼoeˇ, mˬ-ahˇ piˬ tehˬ taˬ nya-eu baoˬ, aˬ yawꞈ nyaꞈ-euˬ aˬ laꞈ laꞈ kʼoeˇ jaˆ-eu meh. Lawˇ gawˆ iˇ cuꞈ-ahˇ shiˬ bi pyeuꞈ-iˇ nya-eu baoˬ kʼawꞈ jaˆ-eu meh. Miˇ tsaˬ heu kʼoeˇ taˆ kʼawꞈ, aˬ yawꞈ nyaꞈ kʼaˇ bi keuˆ le mawꞈ-eu shaˬ zahˬ naˇ gawˇ gawˇ ma bi keuˆ le nya-eu baoˬ jaˆ-eu meh.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 10:13

Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

1 Sahˬpaˬ 17:15

Miˬ coeˬ miˬ ma kʼoeˇ gʼaˬ gʼoꞈ leˇ-awˇ, Eˇliˇyaˆ neh ehˇ nehˬ-euˬ loꞈ-ehˇ jahˇ-eu laꞈ kʼoeˇ, aˬ yawꞈ maꞈ gʼawˬ mya nah dzaˬ dehˆ dawˇ dehˆ-awˇ jawˇ-euˬ meh.

1 Sahˬpaˬ 17:7

Aˇ yamˬ ui cuiˆ myahˇ laˇ ngeh jawˇ, uˬ yehˇ maˬ yehˇ le-eu baˬ da neh, lawˇ gawˆ kʼoeˇ gawˆ iˇ cuꞈ gui-iˇ-euˬ meh.

Panmaeq 11:2

Ehˇ kʼawꞈ, uˬ duˬ tahˬ nymˇ-euˬ laꞈ nyiˇ pu ka guiˇ ga ceuˬ-ahˇ maˬ dza haw ni bi jaˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Muiˬ-eu shawˇ-eu Meuˬ-ahˇ ba la oeˬ tseˇ nyiꞈ siˬ byah ni tsawˬ nawˬ nawˬ le-eu aˬ cawˬ tsawˇ jeuˬ deuˬ gʼaˇ duˬ taˬ taˬ-euˬ jawˇ duˬ pyeuꞈ-eu meh.

1 Sahˬpaˬ 8:36

mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Sahˬ paˬ-ahˇ maˬ ehˇ, Iˇsaˬleˬlaˆ tsawˇ haˬ deuˬ-ahˇ maˬ ehˇ, nawˇ iˬ baˇ pyehˬ nehˬ-awˇ, yaw tsaˬ yaw dawˇ jeˬ mˇ ni mehˬ nehˬ tsoˆ nehˬ-awˬ. Sahˬpaˬ Miˬyehˇ-oˇ, kʼoeˇ naˇ, nawˬ-euˬ tsawˇ jeuˬ-ahˇ nawˬ neh biꞈ tsehˆ tsehˆ nehˬ-euˬ miˇ kʼahˬ heu kʼahˬ kʼoeˇ taˆ, uˬ yehˇ bi yehˇ le-awˬ.