1 Sahˬpaˬ 17:1 - Akha

¹ Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

1 Sahˬpaˬ 17:1 Referans Kwoze

Yaˬkoˆ 5:17

Eˇliˇyaˆ-aˬ, aˬ dui loꞈ-ehˇ gʼeh-eu tsawˇ haˬ tiˬ gʼaˬ meh. Uˬ yehˇ maˬ bi yehˇ le-eu gʼaˇ duˬ aˬ yawꞈ nui ma keuˆ dui dui-eu laꞈ kʼoeˇ guiˬ lahˬ shaˇ ngeh, miˇ kʼahˬ kʼoeˇ kʼahˬ smˇ kʼoꞈ tiˬ paˆ keuˆ ni mˬ gʼoˇ gʼoˇ-euˬ meh.

Luˇkaꞈ 1:17

Aˬ da hawˇ-eu zaˬ deuˬ tsaˬ leˇ tsahˇ leˇ nya ni maˬ ehˇ, naˬ lehˬ lehˬ-eu tsawˇ haˬ deuˬ yaw tsaˬ yaw dawˇ tsawˇ haˬ-euˬ nui noeˬ mehˬ nah caw teh laˇ ni maˬ ehˇ, Sahˬpaˬ Miˬyehˇ-euˬ tsawˇ jeuˬ-ahˇ Sahˬpaˬ Miˬyehˇ gʼaˇ duˬ bi lehˬ hmˬ dah taˬ-eu gʼaˇ duˬ maˬ ehˇ, Eˇliˇyaˆ-euˬ nui ma hawˇ-eu baoˬ aˬ yawꞈ pi-awˇ, Sahˬpaˬ-euˬ mehˬ hu aˬ yawꞈ iˇ tehꞈ-a.”

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

2 Sahˬpaˬ 3:14

Eˇliˇshehˇ ehˇ-eu, “Nawˬ-ahˇ nui ma gm-eu Yuˇdaˆ sahˬ paˬ Yeˬhawˇshaˬpaˇ-ahˇ ngaˇ yaw zeu baw neh maˬ ngeuˇ law nmˇ-aˬ, nawˬ-ahˇ ngaˇ tiˬ jeˬ-iˬ maˬ taꞈ lehˇ, ngaˇ uˬ duˬ tahˬ luꞈ-eu dehꞈ luꞈ-eu Sahˬpaˬ Miˬyehˇ mehˬ shi, iˬ nah ngaˇ kamˬ tsehˆ-eu lehˇ ma. Nymˬ-mˇ deuˇ-mˬ diˬ nya-eu tsawˇ haˬ tiˬ gʼaˬ sheu laꞈ-awˬ.”

Panmaeq 11:6

Aˬ yawꞈ nyaꞈ Miˬyehˇ dawˬ kawˬ mehˬ luꞈ-eu aˇ yamˬ laꞈ kʼoeˇ, mˬ-ahˇ piˬ tehˬ taˬ nya-eu baoˬ, aˬ yawꞈ nyaꞈ-euˬ aˬ laꞈ laꞈ kʼoeˇ jaˆ-eu meh. Lawˇ gawˆ iˇ cuꞈ-ahˇ shiˬ bi pyeuꞈ-iˇ nya-eu baoˬ kʼawꞈ jaˆ-eu meh. Miˇ tsaˬ heu kʼoeˇ taˆ kʼawꞈ, aˬ yawꞈ nyaꞈ kʼaˇ bi keuˆ le mawꞈ-eu shaˬ zahˬ naˇ gawˇ gawˇ ma bi keuˆ le nya-eu baoˬ jaˆ-eu meh.

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Luˇkaꞈ 9:30

Kʼoeˇ ngeh, tsawˇ haˬ nyiˬ gʼaˬ aˬ yawꞈ-ahˇ dawˬ ngehˬ cawˬ luꞈ-eu meh. Moˇseˬ hawˇ-eu Eˇliˇyaˆ aˬ nyaꞈ meh.

Maꞈtehˬ 7:29

Aˬ jeˬ miˇ neh ehˇ naˇ, aˬ yawꞈ mehˬ-eu tsoˆ-eu kʼoeˇ-aˬ, Zahˇ dawˬ kʼoꞈ dawˬ mehˬ-eu saˬ laˬ deuˬ mehˬ nehˬ tsoˆ nehˬ gaˇ maˬ duˇ-ehˇ, baoˬ tiˬ byah ni ahˇ-eu laꞈ kʼoeˇ mehˬ-eu tsoˆ-eu jeˬ pyeuꞈ-eu meh.

1 Sahˬpaˬ 18:1

Aˇ kʼoꞈ aˇ la ui cuiˆ myahˇ laˇ-awˇ, uˬ yehˇ maˬ yehˇ le-eu aˇ kʼoꞈ smˇ kʼoꞈ tiˬ kʼoꞈ-ahˇ, “Sahˬ paˬ Aˬhaˆ jawˇ gaˇ nawˇ iˇ-awˇ, nawˬ-euˬ gʼawˇ mawˇ aˬ yawꞈ-ahˇ bi mawˇ-awˬ. Ngaˇ uˬ yehˇ bi yehˇ le ma” lehˇ, Eˇliˇyaˆ-ahˇ Sahˬpaˬ Miˬyehˇ ehˇ nehˬ-euˬ meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

1 Sahˬpaˬ 18:15

Eˇliˇyaˆ ehˇ-eu, “Iˬ nah ngaˬ-euˬ gʼawˇ mawˇ sahˬ paˬ-euˬ mehˬ shi le mawˇ ma lehˇ, dehꞈ luꞈ-eu Baoˬ huiˬ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

1 Sahˬpaˬ 18:10

Miˇ tsaˬ kʼoeˇ taˆ ngaˬ-euˬ sahˬ paˬ neh nawˬ-ahˇ maˬ poˆ doe-euˬ miˇ kʼahˬ maˬ paˇ jaˆ meh lehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ saˇ kiˇ kamˬ-eu ma. Miˇ kʼahˬ tiˬ kʼahˬ na-ahˇ uˆ lahˇ-eu sahˬ paˬ sahˬ ma tiˬ gʼaˬ na, aˬ yawꞈ maꞈ-euˬ miˇ kʼahˬ laꞈ kʼoeˇ nawˇ maˬ jawˇ-a lehˇ kʼaˇ ehˇ gaˬ laˇ ngeh, nawˬ-ahˇ aˬ diˇ aˬ maˇ poˆ mawˇ-euˬ gaˇ kawˆ tsawˇ haˬ kʼoeˇ gʼaˬ-ahˇ Aˬhaˆ bi kamˬ-euˬ meh.

Yaˇ kʼaˬ daˇ 12:4

Kʼoeˇ naˇ, Giˇlaˆ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ-ahˇ Yeˬpaˬtaˆ kuˇ uiˬ-awˇ, Eˇpaˬleˬ tsawˇ haˬ deuˬ-ahˇ guiˇ deuˆ-awˇ, deuˆ gʼaˬ-euˬ meh. Naw maꞈ Giˇlaˆ tsawˇ haˬ deuˬ-aˬ, “Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ laꞈ kʼoeˇ neh doˆ-iˇ-awˇ, aˬ cawˬ-ahˇ paˬ maˬ taꞈ-eu tsawˇ haˬ deuˬ meh” lehˇ Eˇpaˬleˬ tsawˇ haˬ deuˬ neh ehˇ taˬ-euˬ jaˆ-eu miˇ neh, aˬ yawꞈ maꞈ-ahˇ kʼoeˇ loꞈ-ehˇ deuˆ gʼaˬ nehˬ-euˬ meh.

Yoˇhaˬ 1:25

Aˬ yawꞈ maꞈ Yoˇhaˬ-ahˇ naˇ haˬ-eu, “Nawˇ-aˬ, Ka li kʼawꞈ maˬ ngeuˇ, Eˇliˇyaˆ kʼawꞈ maꞈ ngeuˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ maˬ ngeuˇ lehˇ ehˇ-eu jeˬ maˇ-iˬ, aˬ jeˬ miˇ neh aˬ cawˬ-ahˇ iˇ cuꞈ shawˇ nehˬ te.”

Yoˇhaˬ 1:21

Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ te. Eˇliˇyaˆ te loˇ.” Yoˇhaˬ ehˇ-eu, “Maˬ ngeuˇ.” Aˬ yawꞈ maꞈ ehˇ-eu, “Miˬyehˇ gʼaˇ duˬ ngehˬ dah-eu tsawˇ haˬ te loˇ.” Yoˇhaˬ ehˇ-eu, “Maˬ ngeuˇ.”

Luˇkaꞈ 9:54

Aˬ yawꞈ-euˬ zaˬ lahˇ Yaˬkoˆ hawˇ-eu Yoˇhaˬ aˬ nyaꞈ kʼoeˇ gaˇ ya mawˇ ngeh, heu loꞈ-ehˇ ehˇ-eu meh. “Sahˬ paˬ-oˇ, mˬ kʼoeˇ taˆ neh miˬ dzaˬ bi ga le-awˇ, aˬ yawꞈ maꞈ-ahˇ puiˆ dzaˬ jiˇ ni nga nyaꞈ jahˇ-awˬ loˇ.”

Luˇkaꞈ 9:33

Tsawˇ haˬ kʼoeˇ nyiˬ gʼaˬ Yeˬsuˇ-ahˇ gʼawˬ-iˇ ngeh, Beˬtuˆluˆ Yeˬsuˇ-ahˇ ehˇ nehˬ-eu, “Saˬ laˬ-oˇ, aˬ dui maꞈ heu gaˇ jawˇ-eu aˇ naˆ ni muiˬ-eu nga. Nga maꞈ sehˬ gʼawˆ smˬ gʼawˆ gʼawˆ ma. Nawˬ-euˬ gʼaˇ duˬ tiˬ gʼawˆ, Moˇseˬ gʼaˇ duˬ tiˬ gʼawˆ, Eˇliˇyaˆ gʼaˇ duˬ tiˬ gʼawˆ gʼawˆ ma.” Beˬtuˆluˆ-aˬ, yawˬ ha neh ehˇ-euˬ jeˬ-ahˇ yawˬ ha maˬ siˬ nya-a.

Maꞈtehˬ 27:49

Ehˇ kʼawꞈ, “Taˬ tehˬ lawˬ siˬ. Eˇliˇyaˆ aˬ yawꞈ-ahˇ ka kʼoꞈ le ngaˇ-a loˇ lehˇ tiˬ kʼehˬ haw kaˇ-euˇ” lehˇ, aˬ cawˬ aˬ yawꞈ-ahˇ ehˇ nehˬ-euˬ meh.

Maꞈtehˬ 27:47

Kʼoeˇ gaˇ yawꞈ luꞈ-eu tsawˇ haˬ tiˬ paˆ na deuˬ aˬ yawꞈ guˇ gaˇ ya gaˬ ngeh, “Eˇliˇyaˆ-ahˇ kuˇ-eu nya” lehˇ ehˇ-eu meh.

Maꞈtehˬ 16:14

Aˬ yawꞈ maꞈ ehˇ-eu, “Tiˬ paˆ na deuˬ Iˇ cuꞈ shawˇ-eu Yoˇhaˬ nga lehˇ ehˇ-awˇ, tiˬ paˆ na deuˬ Eˇliˇyaˆ nga lehˇ ehˇ-eu meh. Tiˬ paˆ na deuˬ-aˬ, Yeˬlaˬmiˇ maˬ ngeuˇ naˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Maꞈtehˬ 11:14

Ngehˬ ka tmˇ ka leꞈ-euˬ gaˇ kawˆ kʼoeˇ deuˬ-ahˇ naw maꞈ jah-eu nui ma ahˇ naˇ, Eˇliˇyaˆ oe meh lehˇ ehˇ taˬ-euˬ kʼoeˇ-aˬ, Yoˇhaˬ oe gaˇ ehˇ-eu meh.

Yeˬlaˬmiˇ 15:19

Sahˬpaˬ Miˬyehˇ ngaˬ-ahˇ heu loꞈ-ehˇ paˇ ehˇ-eu meh. “Nawˇ ngaˇ jawˇ gaˇ gʼoꞈ kʼoꞈ laˇ naˇ, nawˬ-ahˇ ngaˇ paˇ ha geuꞈ-awˇ, ngaˬ-euˬ gaˇ paˇ bi mˇ ma. Gaˇ dahˇ maˬ tsoeˬ-eu dawˬ ngehˬ ngehˬ-ehˇ maˬ jawˇ ni, aˇ poeˬ kʼaˆ-eu dawˬ ngehˬ paˇ naˇ, ngaˬ-euˬ gʼaˇ duˬ ngehˬ dah-eu gʼaˬ paˇ bi geuꞈ ma. Kʼoeˇ loꞈ-ehˇ jahˇ naˇ, miˇ kʼahˬ zaˬ deuˬ nawˇ jawˇ gaˇ gʼoꞈ laˇ tehꞈ-a. Aˬ yawꞈ maꞈ jawˇ gaˇ nawˇ iˇ-eu maˬ loˬ-aˇ.

Iˇsaˬyaˇ 49:18

Doe doe-ehˇ nawˇ haw gʼeh-iˬ sheˇ. Nawˬ-euˬ tsawˇ haˬ uiˬ leˇ luꞈ meh. Aˬ yawꞈ maꞈ gʼoꞈ laˇ-eu lehˇ gʼeh luꞈ meh. Ngaˇ dehꞈ luꞈ-eu Miˬyehˇ pyeuꞈ-eu duˬ-euˬ loꞈ-ehˇ, jiˇ cehˇ gʼeh-eu zaˬ miˬ myawˬ guˇ geuꞈ-awˇ jahˇ gʼeh haw gaˇ duˇ ni, nawˬ-euˬ tsawˇ haˬ gʼaˇ duˬ nawˇ kʼahˬ sehˇ jehˆ tehꞈ-a.

2 Sahˬpaˬ 5:16

Eˇliˇshehˇ ehˇ-eu, “Aˬ cawˬ neh biꞈ laˬ-euˬ laꞈ sawˬ-ahˇ ngaˇ maˬ ha geuꞈ lehˇ, ngaˇ uˬ duˬ tahˬ luꞈ-eu dehꞈ luꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ ngaˇ kamˬ-eu ma.” Neˬmaˬ gʼaˬ, “Ha geuꞈ nehˬ laꞈ-awˬ” lehˇ shaˇ kʼawꞈ, aˬ yawꞈ maˬ ha geuꞈ nehˬ-a.

1 Sahˬpaˬ 17:2

Kʼoeˇ naˇ, Eˇliˇyaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

1 Sahˬpaˬ 17:12

Miˬ coeˬ miˬ ma kʼoeˇ gʼaˬ ehˇ-eu, “Nawˬ-euˬ Miˬyehˇ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi, ngaˇ nawˬ-ahˇ dawˇ coe ni ehˇ nehˬ nyaˇ. Ngaˇ kaˬ muˇ maˬ jaˆ. Kʼmˬ maˬ-ahˇ ahˇ-eu cehˇ meu laꞈ kʼawˆ tiˬ kʼawˆ hawˇ-eu, ciˬ cuˇ-ahˇ dahˬ-eu saˬ loˬ tsiˇ ui cuiˆ jaˆ-eu tehꞈ ma. Kʼaˇ jaˆ-eu kʼoeˇ ngaˬ li nga nyaꞈ ma zaˬ kaˬ muˇ jahˇ dzaˬ-eu lehˇ, ngaˇ heu gaˇ miˬ dzaˬ ya le-euˬ ma. Kʼoeˇ gaˇ jaˆ-eu kʼoeˇ-aˬ, ngaˬ li nga nyaꞈ ma zaˬ gʼaˇ duˬ, aˇ saˬ saˬ-eu dzaˬ byawˇ ma. Kʼoeˇ dzaˬ jiˇ shaw naˇ ya shiˇ meh.”

2 Sahˬpaˬ 1:3

Ehˇ kʼawꞈ, Tiˇshaˬbeˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇyaˆ-ahˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ heu loꞈ-ehˇ ehˇ nehˬ le-euˬ meh. “Sahˬ paˬ Aˬhaˆ neh kʼehˇ gʼeh-euˬ tsawˇ haˬ kʼoeˇ deuˬ jawˇ gaˇ le-awˇ, heu loꞈ-ehˇ, ehˇ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ Miˬyehˇ maˬ jawˇ-eu miˇ neh, Eˇkaˬloˬ miˬ yehˇ Baˬlaˇzeˬbuˇ-ahˇ naw maꞈ gʼoe-iˇ-eu lehˇ gʼeh te loˇ.

2 Sahˬpaˬ 5:20

Eˇliˇshehˇ-euˬ zaˬ kʼaˆ Geˬhaˬziˇ yawˬ haˇ yawˬ ha ehˇ-eu, “Ngaˬ-euˬ yaw sahˇ gʼaˬ Neˬmaˬ-ahˇ tiˬ jeˬ-iˬ maˬ shaˇ ni bi gʼoꞈ leˇ-euˬ nga. Suˇliˆ tsawˇ haˬ kʼoeˇ gʼaˬ neh biꞈ yaꞈ-euˬ jeˬ aˬ yawꞈ ha geuꞈ-eu tsaˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-euˬ mehˬ nah ngaˇ caw teh leˇ-awˇ, tiˬ jeˬ paˬ shaˇ geuꞈ ma.”

2 Laˬsaˬbaˬ 6:26

“Nawˬ-euˬ tsawˇ haˬ deuˬ nawˬ-ahˇ mˇ lehˬ-euˬ miˇ neh, nawˇ uˬ yehˇ maˬ bi yehˇ le ni byehˇ ngeh, aˬ yawꞈ maꞈ nui ma paˇ laˇ-awˇ Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ nui ma nahˬ yu ni taˬ-eu laꞈ kʼoeˇ guiˬ lahˬ shaˇ ngeh,

Yawˇbaˆ 12:15

Uˬ yehˇ-ahˇ Miˬyehˇ nyehꞈ tehˬ taˬ ngeh mˬ gʼmˇ gʼmˇ-awˇ, aˬ yawꞈ iˇ cuꞈ pyehˬ ka leꞈ ngeh iˇ jeuˬ oe-eu meh.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 28:8

Nawˬ-euˬ aˇ yamˬ hawˇ-eu ngaˬ-euˬ aˇ yamˬ maˬ keuˆ le mi naˆ-ehˇ, aˇ hu ba neh Miˬyehˇ gʼaˇ duˬ ngehˬ dah-euˬ tsawˇ haˬ deuˬ heu loꞈ-ehˇ ehˇ taˬ-euˬ jaˆ-eu meh. Tsawˇ jeuˬ gʼawˬ mya jeuˬ hawˇ-eu baoˬ huiˬ-eu miˇ kʼahˬ deuˬ kʼoeˇ taˆ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu naˇ-eu gawˇ-eu jeˬ keuˆ le tehꞈ-a lehˇ, aˬ yawꞈ maꞈ ngehˬ dah yaꞈ-euˬ meh.

Haˬgaiˇ 1:10

Kʼoeˇ miˇ neh, uˬ yehˇ maˬ yehˇ le, ceuˬ maˬ ga le-ehˇ, sahˬ lahˬ maˬ dehꞈ doˆ laˇ nya-a.

1 Sahˬpaˬ 8:35

“Nawˬ-euˬ tsawˇ haˬ deuˬ nawˬ-ahˇ mˇ lehˬ-euˬ miˇ neh, nawˇ uˬ yehˇ maˬ bi yehˇ le-ehˇ byehˇ ngeh, aˬ yawꞈ maꞈ nui ma paˇ laˇ-awˇ, Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ, nui ma nahˬ yu ni taˬ-eu laꞈ kʼoeˇ iˬ baˇ pyehˬ nehˬ laꞈ lehˇ shaˇ ngeh,

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

2 Laˬsaˬbaˬ 21:12

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇyaˆ neh, Yeˬhawˇlamˬ-ahˇ sahˬ boꞈ tiˬ taꞈ boꞈ-awˇ heu loꞈ-ehˇ ehˇ nehˬ-euˬ meh. “Nawˬ bawˇ sahˬ paˬ Aˬsaˬ hawˇ-eu nawˬ da sahˬ paˬ Yeˬhawˇshaˬpaˇ-ahˇ nawˇ dzaw geuꞈ-awˇ maˬ dehꞈ-eu miˇ neh, nawˬ poeˬ Daˬbiˇ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ nui ma maˬ saˇ-a.