1 Sahˬpaˬ 13:6 - Akha

⁶ Kʼoeˇ ngeh, “Ngaˬ-euˬ aˬ laꞈ taˬ leˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ guiˬ lahˬ shaˇ nehˬ laꞈ-awˬ” lehˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ-ahˇ sahˬ paˬ Yeˬyawˇbamˬ ehˇ nehˬ-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ-euˬ aˬ laꞈ taˬ leˇ-euˬ meh.

1 Sahˬpaˬ 13:6 Referans Kwoze

Gʼaˬkʼehˇ 8:24

Beˬtuˆluˆ hawˇ-eu Yoˇhaˬ aˬ nyaꞈ-ahˇ Siˇmoˬ ehˇ nehˬ-eu, “Naw nyaꞈ neh kʼaˇ ehˇ-euˬ jeˬ, ngaˬ-euˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ, Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.”

Doˆ-iˇ 10:17

Teu miˇ neh, nymˬ-mˇ poˆ ngaˬ-ahˇ iˬ baˇ pyehˬ nehˬ laꞈ-awˬ, shiˇ gaˇ keuˆ-eu kʼehˬ-eu kʼaˆ-eu jeˬ yuˇ dzeh nehˬ laꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehꞈ laꞈ-awˬ lehˇ, naw nyaꞈ-ahˇ ngaˇ shaˇ-eu ma.”

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Doˆ-iˇ 8:8

Kʼoeˇ naˇ, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ kuˇ-awˇ ehˇ-eu, “Kʼaˬ paˬ heu deuˬ byoˆ-iˇ jiˇ ni, Sahˬpaˬ Miˬyehˇ-ahˇ guiˬ lahˬ shaˇ-awˬ. Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ nya ni, naw maꞈ-euˬ tsawˇ haˬ deuˬ-ahˇ ngaˇ pyehˬ nehˬ ma.”

Bawˇtsahˬ 21:7

Iˇsaˬleˬlaˆ tsawˇ haˬ deuˬ Moˇseˬ jawˇ gaˇ laˇ-awˇ ehˇ-eu, “Sahˬpaˬ Miˬyehˇ hawˇ-eu nawˬ-ahˇ iˬ baˇ taˬ-eu laꞈ kʼoeˇ nga maꞈ iˬ baˇ mˇ-euˬ ma. Aˇ lawˇ heu deuˬ byoˆ-iˇ ni Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.” Kʼoeˇ ngeh, Iˇsaˬleˬlaˆ tsawˇ haˬ deuˬ gʼaˇ duˬ Moˇseˬ guiˬ lahˬ shaˇ-euˬ meh.

Doˆ-iˇ 8:28

Sahˬ paˬ ehˇ-eu, “Gaˇ mahˇ kaˬ dui dui-eu jawˇ duˬ-ahˇ naw maꞈ maˬ iˇ byoˆ gʼeh naˇ, bawˇ tsahˬ bawˇ dahˇ-ahˇ iˇ-awˇ, naw maꞈ-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ-eu gʼaˇ duˬ, ngaˇ naw maꞈ-ahˇ pyehˬ nehˬ ma. Ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.”

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

Lormav 12:21

Yaw haiˬ jeˬ neh naw maꞈ-ahˇ taˬ bi gʼaˬ leˇ. Ehˇ kʼawꞈ, yaw muiˬ jeˬ mˇ-awˇ yaw haiˬ jeˬ-ahˇ bi gʼaˬ leˇ-awˬ.

Lormav 12:14

Nawˬ-ahˇ kʼehˬ laˇ kʼaˆ laˇ-eu tsawˇ haˬ deuˬ-ahˇ Miˬyehˇ guiˬ lahˬ biꞈ nehˬ ni shaˇ-awˬ. Yaˬ kʼehˇ maˬ yaˬ nehˬ ni guiˬ lahˬ biꞈ nehˬ-eu gʼaˇ duˬ shaˇ-awˬ.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Maꞈtehˬ 5:44

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

Yeˬlaˬmiˇ 37:3

Sahˬ paˬ Zeˬdaˬkiˇ-aˬ, Sheˬleˬmiˇ-euˬ aˬ li Yeˬhuˇkaˬlaˆ hawˇ-eu Mawˇseˬyaˇ-euˬ aˬ li piˇ ma Zaˬpaˬniˇ-ahˇ ngaˇ jawˇ gaˇ pyehˬ gʼeh leꞈ-awˇ, ‘Aˬ dui-euˬ miˇ kʼahˬ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ’ lehˇ bi ehˇ le-euˬ meh.

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

Bawˇtsahˬ 12:13

Kʼoeˇ ngeh, “Miˬyehˇ-oˇ, aˬ yawꞈ-euˬ naˇ gawˇ bi taˬ leˇ nehˬ laꞈ-awˬ” lehˇ, Sahˬpaˬ Miˬyehˇ-ahˇ Moˇseˬ guˇ-euˬ meh.

Doˆ-iˇ 12:32

Naw maꞈ-euˬ yawˇ, ciꞈ myehꞈ hawˇ-eu mawˇ neˇ deuˬ tehˆ-awˇ doˆ-iˇ-awˬ. Ngaˇ guiˬ lahˬ za ni, ngaˬ-euˬ gʼaˇ duˬ kʼawꞈ guiˬ lahˬ shaˇ-awˬ.”

1 Sahˬpaˬ 13:5

Miˬyehˇ gʼaˇ duˬ ngehˬ dah-eu kʼoeˇ gʼaˬ neh Sahˬpaˬ Miˬyehˇ-euˬ tsawˇ myahˇ uˬ moˆ ehˇ taˬ-euˬ loꞈ-ehˇ, lawˇ duˬ kʼoeˇ hmˬ coˬ pyaˆ-awˇ, kʼaˬ lehˇ kʼoeˇ deuˬ miˇ tsa ga kʼaˇ jiˇ-euˬ meh.

Jaceuq 119:58

Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ gʼawˬ shaˬ gaˬ nehˬ laꞈ-eu gʼaˇ duˬ, nui ma laꞈ kʼoeˇ keuˆ ni ngaˇ shaˇ-eu ma.

Zaˬkaˬliˇ 7:2

Beˬdaˬlaˇ meuˬ-ahˇ jawˇ-eu tsawˇ haˬ deuˬ, Sahˬleˬzaˬ hawˇ-eu Leˬgmˬmeˬlehˆ aˬ nyaꞈ hawˇ-eu aˬ yawꞈ maꞈ-euˬ tsawˇ haˬ deuˬ pyehˬ gʼeh laꞈ-awˇ, Sahˬpaˬ Miˬyehˇ guiˬ lahˬ biꞈ laꞈ ni, Uˬ duˬ tahˬ nymˇ nymˇ ma laꞈ kʼoeˇ guiˬ lahˬ bi shaˇ laˇ-awˇ,

Doˆ-iˇ 8:4

Nawˬ-euˬ gʼawˇ mawˇ kʼoeˇ taˆ maˬ ehˇ, nawˬ-euˬ gaˇ mˇ-eu yaw huiˬ yaw mahˇ deuˬ-euˬ kʼoeˇ taˆ maˬ ehˇ, nawˬ-euˬ miˇ kʼahˬ zaˬ deuˬ kʼoeˇ taˆ maˬ ehˇ, kʼaˬ paˬ kʼoeˇ deuˬ tsawˬ daˆ leˇ tehꞈ-a lehˇ Sahˬpaˬ Miˬyehˇ ehˇ-eu meh’ lehˇ ehˇ nehˬ-iˇ-awˬ.”