1 Sahˬpaˬ 13:5 - Akha

⁵ Miˬyehˇ gʼaˇ duˬ ngehˬ dah-eu kʼoeˇ gʼaˬ neh Sahˬpaˬ Miˬyehˇ-euˬ tsawˇ myahˇ uˬ moˆ ehˇ taˬ-euˬ loꞈ-ehˇ, lawˇ duˬ kʼoeˇ hmˬ coˬ pyaˆ-awˇ, kʼaˬ lehˇ kʼoeˇ deuˬ miˇ tsa ga kʼaˇ jiˇ-euˬ meh.

1 Sahˬpaˬ 13:5 Referans Kwoze

Maˬkuˆ 16:20

Zaˬ lahˇ deuˬ yawˬ paw na luꞈ iˇ-awˇ, dawˬ mehˬ mehˬ-iˇ-euˬ meh. Sahˬpaˬ Yeˬsuˇ aˬ yawꞈ maꞈ nehˬ-ehˇ gaˇ mˇ-awˇ, aˬ yawꞈ maꞈ dawˬ mehˬ mehˬ-euˬ aˬ diˇ aˬ maˇ tsaˬ-eu gaˇ kawˆ, zahˬ leˇ paˬ-ehˇ gʼeh-eu jeˬ mˇ mehˬ-awˇ bi siˬ bi mawˇ duˬ-euˬ meh.)

1 Sahˬpaˬ 22:35

Guiˇ yaw kʼaˆ-ehˇ deuˆ luꞈ ngeh, sahˬ paˬ Aˬhaˆ gʼaˬ aˬ yawꞈ-euˬ mahˬ laˆ lawˬ laꞈ kʼoeˇ aˬ cawˬ-ahˇ kʼawˬ daˇ-awˇ, Suˇliˆ tsawˇ haˬ deuˬ jawˇ paw ciꞈ pyawˇ-awˇ jawˇ-euˬ meh. Aˬ yawꞈ-euˬ gʼawˇ mawˇ-ahˇ kaˆ myaˬ zaw leˇ-euˬ tsahˇ-ahˇ shiˬ yoeˇ doˆ le-awˇ, laˆ lawˬ uˬ kʼawˬ yoeˇ pymˬ-euˬ meh. Kʼoeˇ naˇ, uˬ ciꞈ uˬ taw taw le ngeh aˬ yawꞈ shiˇ tsehˆ-euˬ meh.

1 Sahˬpaˬ 22:28

Miˇkaˬyaˇ ehˇ-eu, “Nawˇ tiˬ jeˬ-iˬ maˬ ca laˇ-ehˇ gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ ngehˬ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ yaw muiˬ paˬ-ehˇ naˇ haˬ taˬ-awˬ.”

1 Sahˬpaˬ 13:3

Miˬyehˇ gʼaˇ duˬ ngehˬ dah-eu kʼoeˇ gʼaˬ paˇ ehˇ-eu, “Lawˇ duˬ heu coˬ pyaˆ-awˇ, lawˇ duˬ kʼoeˇ taˆ jaˆ-eu kʼaˬ lehˇ deuˬ ga kʼaˇ jiˇ tehꞈ-a. Kʼoeˇ ngeh, ngaˬ-ahˇ gʼoe-awˇ Sahˬpaˬ Miˬyehˇ dawˬ ngehˬ-eu gaˇ kawˆ naw maꞈ yaw muiˬ paˬ-ehˇ ya siˬ duˬ tehꞈ-a.”

Dawˬmehˬ 18:22

Miˬyehˇ gʼaˇ duˬ ngehˬ dah-eu gʼaˬ, Sahˬpaˬ Miˬyehˇ-euˬ tsawˇ myahˇ uˬ moˆ tiˬ jeˬ paˇ ehˇ ngeh, aˬ yawꞈ neh ehˇ-euˬ loꞈ-ehˇ maˬ pyeuꞈ laˇ naˇ, Sahˬpaˬ Miˬyehˇ neh bi ehˇ-euˬ dawˬ maˬ ngeuˇ-a. Miˬyehˇ gʼaˇ duˬ ngehˬ dah-euˬ kʼoeˇ gʼaˬ yawˬ ha-euˬ baoˬ-ahˇ gʼoe-awˇ ngehˬ-eu tmˇ-eu jeˬ pyeuꞈ-awˇ, aˬ yawꞈ-ahˇ nawˇ maˬ ya guˆ-a.

1 Sahˬpaˬ 13:4

Dawˬ kʼoeˇ deuˬ-ahˇ sahˬ paˬ Yeˬyawˇbamˬ ya gaˬ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ laꞈ noeˇ toeˬ-awˇ, “Tsawˇ haˬ heu gʼaˬ-ahˇ nyehꞈ-awˬ” lehˇ dawˬ biꞈ-euˬ meh. Kʼoeˇ ngeh, ja pyuˬ ni sahˬ paˬ-euˬ aˬ laꞈ laꞈ shiˇ shiˇ-iˇ-awˇ, maˬ cawˬ kʼoꞈ nya ni pyeuꞈ-iˇ-euˬ meh.

1 Sahˬpaˬ 13:6

Kʼoeˇ ngeh, “Ngaˬ-euˬ aˬ laꞈ taˬ leˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ guiˬ lahˬ shaˇ nehˬ laꞈ-awˬ” lehˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ-ahˇ sahˬ paˬ Yeˬyawˇbamˬ ehˇ nehˬ-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ-euˬ aˬ laꞈ taˬ leˇ-euˬ meh.

1 Sahˬpaˬ 17:16

Eˇliˇyaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ biꞈ taˬ-euˬ loꞈ-ehˇ, kʼmˬ maˬ-ahˇ ahˇ-eu cehˇ meu jiˇ-euˬ maˬ baw-ehˇ, ciˬ cuˇ-ahˇ dahˬ-eu tsiˇ dzaˬ jiˇ-euˬ maˬ baw-a.

Aˬmoˆ 3:14

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ kʼehˬ nehˬ ngeh nah, Beˬdeˬlaˇ meuˬ-ahˇ jaˆ-eu lawˇ duˬ kʼoeˇ deuˬ-ahˇ ngaˇ laˆ cawˆ ma. Lawˇ duˬ aˬ yawꞈ hmˬ yawꞈ-euˬ laꞈ coeˇ-ahˇ tsoꞈ-eu uˬ coeˇ dawˬ tawˆ luꞈ kʼehꞈ-iˇ jiˇ-awˇ, miˇ tsaˬ-ahˇ ga-iˇ tehꞈ-a.