1 Sahˬpaˬ 13:2 - Akha

² Miˬyehˇ gʼaˇ duˬ ngehˬ dah-eu kʼoeˇ gʼaˬ, Sahˬpaˬ Miˬyehˇ neh kʼaˇ kʼehˇ-euˬ loꞈ-ehˇ lawˇ duˬ-ahˇ yaˬ kʼehˇ yaˬ-awˇ ehˇ-eu, “Lawˇ duˬ-oˇ, Lawˇ duˬ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. Yawˇshiˆ lehˇ myahˇ-euˬ aˬ li tiˬ li Daˬbiˇ-euˬ nymˇ jiˇ laꞈ kʼoeˇ dehꞈ le tehꞈ-a. Aˬ cawˬ tsawˇ jeuˬ-euˬ lawˇ duˬ-ahˇ gaˇ mˇ-eu piˇ ma geuꞈ-awˇ nawˬ-euˬ kʼoeˇ taˆ lawˇ-eu shehˇ-eu jeˬ mˇ luꞈ-eu tsawˇ haˬ kʼoeˇ deuˬ-ahˇ, nawˬ-euˬ kʼoeˇ taˆ aˬ yawꞈ sehꞈ daˆ-awˇ, tsawˇ haˬ-euˬ shaˬ yoeˬ kʼawꞈ nawˬ-euˬ kʼoeˇ taˆ aˬ yawꞈ dzah puiˆ tehꞈ-a.”

1 Sahˬpaˬ 13:2 Referans Kwoze

Yeˬsaˬgeˬlaˇ 36:1

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ.

Luˇkaꞈ 19:40

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”

Yeˬsaˬgeˬlaˇ 38:4

Aˬ yawꞈ-ahˇ ngaˇ ngawˬ zeuˆ-awˇ, baˬ ngeuˇ-ahˇ kuˆ seuˬ kʼoˆ tsoˆ-awˇ, aˬ yawꞈ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ tsahˇ-awˇ cah ma. Mahˬ hawˇ-eu guiˇ deuˆ-eu mehˬ tsoeˬ tiˬ kawˆ loꞈ-ehˇ dm luꞈ-eu yehˇ deuˬ ahˇ-eu aˬ yawꞈ-euˬ guiˇ maꞈ myaˬ dui dui-awˇ, yehˇ yawˬ gʼaˬ na luꞈ dehˬ daˬ duˬ yuˇ-awˇ, mi cehˇ dawꞈ luꞈ-eu meh.

Yeˬsaˬgeˬlaˇ 36:4

Gawˬ jawˬ gawˬ duˇ deuˬ, lawˇ gawˆ gʼaˬ lawˬ deuˬ bi laˆ cawˆ-euˬ jawˇ duˬ deuˬ hawˇ-eu, dawˬ peh jawˇ-eu tsawˇ jeuˬ deuˬ neh pyuˇ shuiˇ myawˬ gah bi ceh geuꞈ jiˇ-awˇ, kʼaˇ ehˇ doeˇ mawꞈ-eu bi ehˇ doeˇ bi ehˇ doeˇ-ehˇ, ciˬ cuˇ ni jaˆ-euˬ meuˬ deuˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ naˇ haˬ-awˬ.

Yeˬlaˬmiˇ 22:29

Oˇ miˇ kʼahˬ, oˇ miˇ kʼahˬ, oˇ miˇ kʼahˬ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Iˇsaˬyaˇ 58:1

Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ kʼaˇ guˇ doˆ coeˇ-eu guˇ-awˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, aˬ yawꞈ maꞈ-euˬ iˬ baˇ gaˇ kawˆ-ehˇ gaˬ nehˬ-awˬ.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 42:9

Ngaˬ neh ngehˬ taˬ ehˇ taˬ-euˬ jeˬ iˬ nah byah laˇ luꞈ-awˇ, aˬ kaˇ pyeuꞈ laˇ-eu jeˬ nymˬ-mˇ, maˬ pyeuꞈ laˇ mi naˆ-ehˇ nawˬ-ahˇ ngaˇ ehˇ nehˬ ma.”

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

2 Laˬsaˬbaˬ 34:1

Yawˇshiˆ-aˬ, yehꞈ kʼoꞈ kʼawˆ ngeh Yuˇdaˆ miˇ kʼahˬ-ahˇ uˆ lahˇ-eu sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ smˬ tseˇ tiꞈ kʼoꞈ uˆ lahˇ-euˬ meh.

1 Sahˬpaˬ 13:32

Sahˬpaˬ Miˬyehˇ neh aˬ yawꞈ-ahˇ kʼehˇ-awˇ bi ehˇ-euˬ loꞈ-ehˇ, Beˬdeˬlaˇ meuˬ-ahˇ jaˆ-eu lawˇ duˬ hawˇ-eu, Saˬmaˬliˆ miˇ kʼahˬ doe ni jaˆ-eu uˬ duˬ tahˬ-eu jawˇ duˬ deuˬ-ahˇ taꞈ leˇ-awˇ, aˬ yawꞈ neh kʼaˇ ehˇ taˬ yaꞈ-euˬ loꞈ-ehˇ aˬ diˇ aˬ maˇ pyeuꞈ laˇ tehꞈ-a.”

Dawˬmehˬ 32:1

“Mˬ-oˇ, ngaˬ-euˬ dawˬ naˇ haˬ-awˬ. Yaw duˬ duˬ-ehˇ naˇ haˬ duˬ-awˬ. Miˇ-oˇ, ngaˬ-euˬ teˇ saˇ gaˬ-awˬ.

2 Laˬsaˬbaˬ 34:3

Yawˇshiˆ sahˬ paˬ geuꞈ-euˬ yehꞈ kʼoꞈ tiˬ kʼoꞈ keuˆ laˇ-awˇ, aˬ yawꞈ zaˬ guˬ guˬ zaˬ pyeuꞈ luꞈ ngeh, aˬ yawꞈ-euˬ aˬ poeˬ sahˬ paˬ Daˬbiˇ-euˬ Miˬyehˇ-ahˇ uˬ duˬ tahˬ-euˬ meh. Kʼoeˇ naˇ kʼah, oeˬ kʼoꞈ keuˆ laˇ ngeh, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ maˬ ehˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ maˬ ehˇ, tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ maˬ ehˇ, aˬ yawꞈ laˆ cawˆ nehˬ jiˇ-euˬ meh.

Yeˬlaˬmiˇ 1:2

Aˬmo-euˬ aˬ li Yawˇshiˆ gʼaˬ, Yuˇdaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ tseˇ smˇ kʼoꞈ tiˬ kʼoꞈ-ahˇ, Yeˬlaˬmiˇ kʼoeˇ taˆ Sahˬpaˬ Miˬyehˇ-euˬ dawˬ keuˆ le-euˬ meh.