1 Sahˬpaˬ 12:1 - Akha

¹ Leˬhawˇbamˬ-ahˇ sahˬ paˬ ka nehˬ-eu gʼaˇ duˬ, Iˇsaˬleˬlaˆ miˇ kʼahˬ laꞈ taˆ paw pyawˬ-ahˇ jawˇ-eu tsawˇ haˬ deuˬ uiˬ leˇ taˬ-euˬ Sheˬkmˬ meuˬ-ahˇ Leˬhawˇbamˬ le-euˬ meh.

1 Sahˬpaˬ 12:1 Referans Kwoze

Yaˇ kʼaˬ daˇ 9:6

Kʼoeˇ naˇ, Sheˬkmˬ meuˬ hawˇ-eu Behˬmiˇloˬ meuˬ-ahˇ jawˇ-eu tsawˇ haˬ dawˬ tawˆ luꞈ, Sheˬkmˬ meuˬ-ahˇ jaˆ-eu muiˬ-eu shawˇ-eu tsuiꞈ kaˆ aˇ bawˇ-ahˇ tiˬ kawˆ loꞈ-ehˇ iˇ-awˇ, Aˬbiˇmaˬlehˆ-ahˇ kʼoeˇ gaˇ sahˬ paˬka nehˬ-euˬ meh.

Jaceuq 60:6

Aˬ yawꞈ-euˬ muiˬ-eu shawˇ-eu jawˇ duˬ-ahˇ jawˇ-awˇ, Miˬyehˇ heu loꞈ-ehˇ ehˇ-eu meh. “Sheˬkmˬ meuˬ-ahˇ ngaˇ nui kʼahˇ tiˬ shiˇ deuˆ biˇ-awˇ, ngaˬ-euˬ tsawˇ haˬ deuˬ-ahˇ Suˇkoˆ deh ga biˇ nehˬ ma.

1 Sahˬpaˬ 11:43

Aˬ yawꞈ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ dah zaˇ aˬ yawꞈ-euˬ aˬ li Leˬhawˇbamˬ gʼaˬ sahˬ paˬ geuꞈ-euˬ meh.

Yaˇ kʼaˬ daˇ 9:1

Giˇdoˬ-euˬ aˬ li Aˬbiˇmaˬlehˆ-aˬ, aˬ yawꞈ aˬ ma-euˬ aˇ jeuˬ aˇ ca dawˬ tawˆ luꞈ jawˇ luꞈ-eu Sheˬkmˬ meuˬ-ahˇ iˇ-awˇ, heu loꞈ-ehˇ ehˇ nehˬ-iˇ-euˬ meh.

Yawˇshuˆ 24:32

Iˇjiˇtuˆ miˇ kʼahˬ-ahˇ neh, Iˇsaˬleˬlaˆ tsawˇ haˬ deuˬ neh baꞈ laꞈ-euˬ Yoˇsehˆ-euˬ gʼawˇ mawˇ-ahˇ, Sheˬkmˬ-euˬ aˬ da Haˬmawˬ-euˬ aˬ li deuˬ-euˬ laꞈ-ahˇ neh, pyuˇ maˇ byaˆ tiˬ yaˇ byaˆ biꞈ-awˇ Yaˬkoˆ neh zeuˇ-euˬ Sheˬkmˬ meuˬ-ahˇ jaˆ-eu miˇ tsaˬ kʼoeˇ tsahˇ-ahˇ baꞈ pahˬ-euˬ meh. Miˇ tsaˬ kʼoeˇ tsahˇ-aˬ, Yoˇsehˆ-euˬ zaˬ deuˬ uˆ deuˬ za-euˬ jeˬ biˇ pyeuꞈ-eu meh.

Yawˇshuˆ 24:1

Iˇsaˬleˬlaˆ tsawˇ jeuˬ dawˬ tawˆ luꞈ-ahˇ, Sheˬkmˬ meuˬ-ahˇ Yawˇshuˆ kuˇ uiˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, yaˇ kʼaˬ daˇ-euˬ deuˬ hawˇ-eu, yaw huiˬ yaw mahˇ deuˬ-ahˇ aˬ yawꞈ kuˇ-awˇ, Sahˬpaˬ Miˬyehˇ jawˇ gaˇ bi uiˬ laˇ-euˬ meh.

Yawˇshuˆ 20:7

Kʼoeˇ naˇ, Yawˇdaˬ lawˇ baˬ nahˇ ma ga kʼehˬ paw, Naˬtaˬliˇ miˇ kʼahˬ gawˬ jawˬ gawˬ duˇ paw Gaˬliˬlehˇ gahˬ kaˬ-ahˇ jaˆ-eu Geˬdeˬshaˆ meuˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Sheˬkmˬ meuˬ, Yuˇdaˆ miˇ kʼahˬ gawˬ jawˬ gawˬ duˇ paw jaˆ-eu Heˬbyoˬ meuˬ heu deuˬ aˬ yawꞈ maꞈ tseˇ doˆ-euˬ meh.

Aˇ dahˬ 12:6

Sheˬkmˬ meuˬ-euˬ muiˬ-eu shawˇ-eu jawˇ duˬ-ahˇ jaˆ-eu muiˬ-eu shawˇ-eu Mawˇleh aˇ bawˇ-ahˇ maˬ iˇ keuˆ kʼoeˇ keuˆ ni, tiˬ gaˇ saˇ-iˬ tiˬ gaˇ iˇ gʼeh-euˬ meh. Aˇ yamˬ kʼoeˇ yamˬ-ahˇ, Kaˬnaˬ miˇ kʼahˬ laꞈ kʼoeˇ Kaˬnaˬ tsawˇ jeuˬ jawˇ luꞈ-eu meh.

Gʼaˬkʼehˇ 7:16

Aˬ yawꞈ maꞈ-euˬ gʼawˇ mawˇ-ahˇ Sheˬkmˬ meuˬ-ahˇ baꞈ kʼoꞈ gʼeh-awˇ, Haˬmawˬ aˇ jeuˬ-ahˇ Aˬbyaˬhaˬ neh pyuˇ biꞈ-awˇ zeuˇ tsehˆ yaꞈ-euˬ lmˬ bymˇ-ahˇ baꞈ pahˬ-euˬ meh.

Yeˬlaˬmiˇ 41:5

Sheˬkmˬ meuˬ, Shiˇloˬ meuˬ hawˇ-eu, Saˬmaˬliˆ meuˬ-ahˇ neh tsawˇ haˬ yehꞈ tseˇ gʼaˬ oe-euˬ meh. Aˬ yawꞈ maꞈ mehˬ mahˬ jehˆ dzeh-awˇ, mehˬ tsoeˬ cehˬ pyaˬ-awˇ, gʼawˇ mawˇ-ahˇ kahˬ naˇ taˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ lawˇ-eu gʼaˇ duˬ, dzaˬ la gʼo cehˇ lawˇ-eu jeˬ hawˇ-eu yaw saw jeˬ aˬ yawꞈ maꞈ yuˇ leꞈ-euˬ meh.

1 Sahˬpaˬ 12:25

Iˇsaˬleˬlaˆ miˇ kʼahˬ-euˬ sahˬ paˬ Yeˬyawˇbamˬ-aˬ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu Sheˬkmˬ meuˬ-ahˇ yaw muiˬ paˬ-ehˇ paˇ laˆ ziꞈ-awˇ, kʼoeˇ gaˇ tiˬ kʼehˬ jawˇ-euˬ meh. Kʼoeˇ naˇ, aˬ yawꞈ doˆ-iˇ-awˇ, Peˬnoeˬlaˇ meuˬ paˇ laˆ ziꞈ-iˇ-euˬ meh.

2 Laˬsaˬbaˬ 11:1

Sahˬ paˬ Leˬhawˇbamˬ Yeˬluˇsaˬlehˬ meuˬ-ahˇ gʼoꞈ keuˆ-iˇ ngeh, Beˬyaˬmiˬ tsawˇ jeuˬ hawˇ-eu Yuˇdaˆ tsawˇ jeuˬ laꞈ kʼoeˇ nya dui dui-eu yehˇ tiˬ seh yehꞈ muiˇ gʼaˬ kuˇ uiˬ-euˬ meh. Laˬ taˆ paw pyawˬ-ahˇ jawˇ-eu Iˇsaˬleˬlaˆ tsawˇ jeuˬ deuˬ-ahˇ deuˆ gʼaˬ-awˇ uˆ lahˇ ma lehˇ aˬ yawꞈ noeˬ-euˬ meh.