1 Sahˬpaˬ 11:4 - Akha

⁴ Aˬ yawꞈ tsawˇ kʼaˆ kʼaˆ laˇ ngeh, aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-eu gʼaˇ duˬ, aˬ yawꞈ maꞈ aˬ yawꞈ-ahˇ sheuˬ gʼeh-euˬ meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ-euˬ aˬ da Daˬbiˇ saˇ jaˇ ziꞈ-euˬ loꞈ-ehˇ, aˬ yawꞈ saˇ jaˇ maˬ ziꞈ-a.

1 Sahˬpaˬ 11:4 Referans Kwoze

1 Sahˬpaˬ 9:4

Nawˬ da Daˬbiˇ loꞈ-ehˇ nawˇ ngaˬ-euˬ mehˬ shi nui ma ziꞈ dah ni gʼeh-awˇ yaw tsaˬ yaw dawˇ dawˇ-ehˇ dehꞈ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ naˇ,

1 Sahˬpaˬ 8:61

Aˬ yawꞈ-euˬ tsawˇ jeuˬ pyeuꞈ-eu naw maꞈ deuˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu laꞈ kʼoeˇ, iˬ nah aˬ yawꞈ-ahˇ saˇ jaˇ ziꞈ-eu loꞈ-ehˇ, tiˬ jawˇ-iˬ maˬ poˆ maˬ paˇ ni saˇ jaˇ ziꞈ luꞈ-uˇ.”

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Sahˬpaˬ 11:6

Aˬ yawꞈ-euˬ aˬ da Daˬbiˇ loꞈ-ehˇ, Sahˬpaˬ Miˬyehˇ-euˬ mehˬ nah aˬ yawꞈ maˬ caw teh ni mˇ lehˬ shaˇ lehˬ-euˬ meh.

2 Laˬsaˬbaˬ 34:2

Sahˬpaˬ Miˬyehˇ nui ma tsaˬ-eu jeˬ-ahˇ aˬ yawꞈ mˇ-euˬ meh. Aˬ yawꞈ-euˬ aˬ poeˬ sahˬ paˬ Daˬbiˇ-ahˇ aˬ yawꞈ dzaw geuꞈ-awˇ, Miˬyehˇ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ yaw muiˬ paˬ-ehˇ caw teh-euˬ meh.

2 Laˬsaˬbaˬ 17:3

Yeˬhawˇshaˬpaˇ-ahˇ Sahˬpaˬ Miˬyehˇ guiˬ lahˬ biꞈ-eu meh. Aˬ jeˬ miˇ neh ehˇ naˇ, yaw beh aˬ yawꞈ aˬ da yaw muiˬ paˬ-ehˇ dehꞈ ngeh loꞈ-ehˇ aˬ yawꞈ dehꞈ-awˇ, Baˬlaˇ miˬ yehˇ-ahˇ uˬ duˬ maˬ tahˬ-a.

1 Sahˬpaˬ 11:2

Tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ gaˇ guˆ-eu miˇ neh, tsawˇ jeuˬ kʼoeˇ deuˬ-ahˇ maˬ ya sheuˬ dahˬ dzaˬ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ jaˆ-eu kʼawꞈ, tsawˇ jeuˬ kʼoeˇ deuˬ-ahˇ aˬ yawꞈ sheuˬ-euˬ meh.

Dawˬmehˬ 17:17

Sahˬ paˬ geuꞈ-eu gʼaˬ miˬ zaˬ gʼawˬ mya gʼaˬ maˬ ya sheuˬ-a. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ naˇ, Sahˬpaˬ Miˬyehˇ-ahˇ aˬ yawꞈ gʼawˬ-iˇ tehꞈ-a. Pyuˇ hawˇ-eu shuiˇ poˆ uiˬ-eu laꞈ kʼoeˇ, yawˬ ha smˇ muiˬ muiˬ laˇ ni maˬ ya mˇ-a.

2 Laˬsaˬbaˬ 25:2

Sahˬpaˬ Miˬyehˇ nui ma tsaˬ-euˬ jeˬ-ahˇ aˬ yawꞈ mˇ-euˬ meh. Ehˇ kʼawꞈ, nui ma keuˆ-awˇ mˇ-euˬ maˬ ngeuˇ-a.

1 Laˬsaˬbaˬ 29:19

Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

1 Sahˬpaˬ 15:14

Lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ tiˬ ziˇ Sahˬpaˬ Miˬyehˇ-ahˇ saˇ jaˇ ziꞈ-awˇ dehꞈ-euˬ meh.

1 Sahˬpaˬ 15:3

Aˬ yawꞈ-euˬ aˬ da neh mˇ-euˬ iˬ baˇ deuˬ aˬ yawꞈ mˇ poˆ poˆ-awˇ, aˬ yawꞈ-euˬ aˬ bawˇ Daˬbiˇ aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ tiˬ byah tiˬ loꞈ saˇ jaˇ maˬ ziꞈ-a.

1 Sahˬpaˬ 14:21

Kʼoeˇ ngeh, Sawˇlaˬmoˬ-euˬ aˬ li Leˬhawˇbamˬ gʼaˬ Yuˇdaˆ miˇ kʼahˬ-ahˇ uˆ lahˇ luꞈ-eu meh. Leˬhawˇbamˬ sahˬ paˬ pyeuꞈ laˇ ngeh, oeˬ tseˇ tiꞈ kʼoꞈ kʼawˆ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ shiꞈ kʼoꞈ byah ni uˆ lahˇ-euˬ meh. Yeˬluˇsaˬlehˬ meuˬ-aˬ, Iˇsaˬleˬlaˆ miˇ kʼahˬ kʼahˬ lah ni kʼoeˇ taˆ Sahˬpaˬ Miˬyehˇ-euˬ tsawˇ myahˇ bi jaˆ-eu gʼaˇ duˬ, Sahˬpaˬ Miˬyehˇ neh tseˇ doˆ taˬ-euˬ meuˬ pyeuꞈ-eu meh. Aˬ yawꞈ-euˬ aˬ ma-aˬ, Aˬmoˬ tsawˇ jeuˬ Naˬmaˬ meh.

1 Sahˬpaˬ 11:42

Aˬ yawꞈ Yeˬluˇsaˬlehˬ meuˬ-ahˇ jawˇ-awˇ, Iˇsaˬleˬlaˆ miˇ kʼahˬ kʼahˬ lah ni kʼoeˇ taˆ, oeˬ tseˇ kʼoꞈ uˆ lahˇ-euˬ meh.

1 Sahˬpaˬ 11:38

Ngaˬ-euˬ zaˬ kʼaˆ Daˬbiˇ loꞈ-ehˇ, ngaˬ-euˬ ehˇ dawˬ tiˬ dawˬ-iˬ maˬ bi dzeˇ ni nawˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh ehˇ-euˬ jeˬ mˇ-awˇ, ngaˇ nui ma tsaˬ-eu loꞈ-ehˇ dehꞈ naˇ, nawˬ nehˬ-ehˇ ngaˇ aˬ myah luꞈ jawˇ ma. Nawˬ-ahˇ Iˇsaˬleˬlaˆ miˇ kʼahˬ-euˬ sahˬ paˬ bi pyeuꞈ laˇ-awˇ, Daˬbiˇ-ahˇ ngaˬ neh jahˇ nehˬ-euˬ loꞈ-ehˇ, nawˬ-euˬ miˇ kʼahˬ laꞈ kʼoeˇ nawˬ-euˬ zaˬ nawˬ-euˬ uˆ deuˬ dzoeˬ dzaˬ oꞈ ni ngaˇ jahˇ nehˬ ma.

1 Sahˬpaˬ 9:10

Sawˇlaˬmoˬ-aˬ, Uˬ duˬ tahˬ nymˇ nymˇ ma hawˇ-eu aˬ yawꞈ jawˇ-eu nymˇ-ahˇ, nyiˬ tseˇ kʼoꞈ tsoˆ-awˇ tsoˆ gʼaˬ-euˬ meh.

1 Sahˬpaˬ 6:1

Iˇsaˬleˬlaˆ tsawˇ jeuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-euˬ oeˬ yaˇ yehꞈ tseˇ kʼoꞈ byah laˇ-awˇ, Sawˇlaˬmoˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ oeˬ kʼoꞈ byah ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Sawˇlaˬmoˬ Uˬ duˬ tahˬ nymˇ nymˇ ma tsoˆ dahˬ beh-euˬ meh.

Dawˬmehˬ 7:4

Aˬ jeˬ miˇ neh ehˇ naˇ, aˬ yawꞈ maꞈ naw maꞈ-euˬ zaˬ deuˬ-ahˇ Sahˬpaˬ Miˬyehˇ-ahˇ sheuˬ gʼawˬ-awˇ, miˬyehˇ nui deuˬ-ahˇ uˬ duˬ bi tahˬ tehꞈ-a. Kʼoeˇ loꞈ-ehˇ pyeuꞈ laˇ naˇ, naw maꞈ-ahˇ Sahˬpaˬ Miˬyehˇ nui ma pehˇ-awˇ, naw maꞈ-ahˇ tiˬ poˆ tehꞈ-ehˇ laˆ luˬ laˆ seˇ nehˬ laꞈ tehꞈ-a.

1 Sahˬpaˬ 3:3

Sawˇlaˬmoˬ-aˬ, Sahˬpaˬ Miˬyehˇ-ahˇ gaˬ-eu laꞈ kʼoeˇ, aˬ yawꞈ aˬ da Daˬbiˇ neh mehˬ nehˬ tsoˆ nehˬ yaꞈ-euˬ loꞈ-ehˇ dehꞈ-euˬ meh. Ehˇ kʼawꞈ, aˬ yawꞈ-euˬ gʼawˇ mawˇ kʼawꞈ, jeˬ zaˬ gʼawˬ mya mawˇ sehꞈ-awˇ, jawˇ duˬ gʼawˬ mya tsahˇ laꞈ kʼoeˇ lawˇ-eu shehˇ-eu jeˬ mˇ-euˬ meh.

1 Sahˬpaˬ 11:9

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ Sawˇlaˬmoˬ jawˇ gaˇ nyiˬ poˆ oe-awˇ, aˬ cawˬ tsawˇ jeuˬ-euˬ miˬ yehˇ deuˬ-ahˇ uˬ duˬ maˬ ya tahˬ-eu gʼaˇ duˬ dawˬ biꞈ-euˬ kʼawꞈ, Sahˬpaˬ Miˬyehˇ-euˬ ehˇ dawˬ-ahˇ Sawˇlaˬmoˬ maˬ naˇ haˬ geuꞈ-eu miˇ neh, aˬ yawꞈ-ahˇ Sahˬpaˬ Miˬyehˇ nui ma pehˇ-eu meh.

Doˆ-iˇ 20:3

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

1 Sahˬpaˬ 11:33

Sawˇlaˬmoˬ ngaˬ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬ yehˇ pyeuꞈ-eu Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma-ahˇ maˬ ehˇ, Mawˇbaˆ tsawˇ jeuˬ-euˬ Sheˬmoˇshaˆ miˬ yehˇ-ahˇ maˬ ehˇ, Aˬmoˬ tsawˇ jeuˬ-euˬ Moˇlehˆ miˬ yehˇ-ahˇ maˬ ehˇ, aˬ yawꞈ uˬ duˬ tahˬ-euˬ miˇ neh, ngaˇ heu loꞈ-ehˇ jahˇ-eu gʼaˇ duˬ lehˬ hmˬ taˬ-euˬ ma. Sawˇlaˬmoˬ-aˬ, ngaˬ-euˬ ehˇ dawˬ-ahˇ maˬ naˇ haˬ geuꞈ ni yaw lehˬ jeˬ mˇ-awˇ aˬ yawꞈ-euˬ aˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ neh mehˬ nehˬ tsoˆ nehˬ-euˬ dawˬ-ahˇ kʼawꞈ maˬ naˇ haˬ geuꞈ-aˬ.