1 Sahˬpaˬ 11:3 - Akha

³ Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

1 Sahˬpaˬ 11:3 Referans Kwoze

Dawˬ tsoˆ 7:28

Ngaˇ maˬ siˬ nya-eu gaˇ kawˆ nui deuˬ poˆ duˬ-eu lehˇ leh jeh kʼawꞈ, maˬ poˆ mawˇ nya nya. Kʼaˬ dzeˇ zaˬ tiˬ heˇ gʼaˬ laꞈ kʼoeˇ yaw zeu baw nehˬ paˬ-ehˇ gʼeh-eu tiˬ gʼaˬ ahˇ-awˇ, zaˬ miˬ zaˬ laꞈ kʼoeˇ tiˬ gʼaˬ-iˬ maˬ ahˇ-a.

2 Laˬsaˬbaˬ 11:21

Leˬhawˇbamˬ-euˬ miˬ zaˬ dawˬ tawˆ luꞈ tseˇ yehꞈ gʼaˬ jawˇ-awˇ, ma nyiˇ koꞈ tseˇ gʼaˬ jawˇ-eu meh. Aˬ yawꞈ-euˬ aˬ li nyiˬ tseˇ yehꞈ li jawˇ-awˇ, aˬ buˇ koꞈ tseˇ buˇ jawˇ-eu meh. Aˬ yawꞈ-euˬ miˬ zaˬ dawˬ tawˆ luꞈ hawˇ-eu ma nyiˇ dawˬ tawˆ luꞈ kʼoeˇ taˆ, Mawˇkah-ahˇ aˬ yawꞈ gaˬ dzehˬ-eu meh.

Yaˇ kʼaˬ daˇ 9:5

Awˇpaˬlaˇ meuˬ-ahˇ, aˬ yawꞈ-euˬ aˬ da-euˬ nymˇ-ahˇ aˬ yawꞈ iˇ-awˇ, Giˇdoˬ-euˬ aˬ li deuˬ pyeuꞈ-eu aˬ yawꞈ-euˬ mehˇ nmˇ shiꞈ tseˇ gʼaˬ-ahˇ kʼaˬ lo tiˬ siˬ kʼoeˇ taˆ tehꞈ-ehˇ sehꞈ daˆ jiˇ nehˬ-euˬ meh. Ehˇ kʼawꞈ, Giˇdoˬ-euˬ aˬ li zaˬ saˬ gʼaˬ pyeuꞈ-eu Yoˇdamˬ gʼaˬ cehˆ zaꞈ-awˇ, maˬ bi sehꞈ ni law-iˇ-euˬ meh.

Dawˬmehˬ 17:17

Sahˬ paˬ geuꞈ-eu gʼaˬ miˬ zaˬ gʼawˬ mya gʼaˬ maˬ ya sheuˬ-a. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ naˇ, Sahˬpaˬ Miˬyehˇ-ahˇ aˬ yawꞈ gʼawˬ-iˇ tehꞈ-a. Pyuˇ hawˇ-eu shuiˇ poˆ uiˬ-eu laꞈ kʼoeˇ, yawˬ ha smˇ muiˬ muiˬ laˇ ni maˬ ya mˇ-a.

Dawˬ caˇ 6:8

Sahˬ paˬ miˬ zaˬ koꞈ tseˇ gʼaˬ baw-awˇ, ma nyiˇ yehꞈ tseˇ gʼaˬ jawˇ-eu uˬ taꞈ, zaˬ miˬ aˬ buˇ maˬ gui jiˇ coeˇ ni cu taˬ luꞈ-uˇ.

Dawˬ caˇ 6:9

Ehˇ kʼawꞈ, ngaˇ gaˬ-eu tiˬ gʼaˬ jawˇ-eu tehꞈ ma. Aˬ yawꞈ-aˬ, kʼaˬ kʼoeˬ loꞈ-ehˇ aˇ gʼehˇ muiˬ dui dui-eu meh. Aˬ yawꞈ aˬ ma o neh aˬ yawꞈ tiˬ gʼaˬ tehꞈ-ehˇ jawˇ-awˇ, aˬ ma gaˬ dui dui-eu aˬ buˇ meh. Zaˬ miˬ zaˬ kʼaˇ ngeuˇ-eu aˬ yawꞈ-ahˇ maˬ ja ceuˬ-ehˇ maˬ jawˇ coeˇ-a. Sahˬ paˬ-euˬ miˬ zaˬ deuˬ hawˇ-eu ma nyiˇ deuˬ, aˬ yawꞈ-ahˇ caˇ-awˇ ja ceuˬ-eu meh.

Yaˇ kʼaˬ daˇ 3:6

Tsawˇ jeuˬ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, tsawˇ jeuˬ kʼoeˇ deuˬ-euˬ miˬyehˇ deuˬ-ahˇ uˬ duˬ tahˬ-euˬ meh.

Iˇsaˬtaˆ 1:18

Sahˬ paˬ miˬ zaˬ kʼoeˇ loꞈ-ehˇ mˇ-euˬ gaˇ kawˆ-ahˇ, Paˇshaˇ miˇ kʼahˬ hawˇ-eu Meˬdiˇ miˇ kʼahˬ-ahˇ sahˬ paˬ-euˬ gaˇ mˇ luꞈ-eu yaw huiˬ yaw mahˇ deuˬ-euˬ miˬ zaˬ deuˬ ya gaˬ ngeh, uˬ ciꞈ maˬ ciꞈ-iˇ dah mi naˆ-ehˇ yawˬ ha-euˬ kʼaˬ dzeˇ zaˬ deuˬ-ahˇ gaˇ kawˆ kʼoeˇ ja mehˬ nehˬ tehꞈ-a. Yawˬ gaˇ na luꞈ miˬ zaˬ deuˬ yawˬ ha-euˬ kʼaˬ dzeˇ zaˬ deuˬ-ahˇ kʼoeˇ loꞈ-ehˇ ja nehˬ-eu miˇ neh, kʼaˬ dzeˇ zaˬ deuˬ yawˬ ha-euˬ miˬ zaˬ-ahˇ nui ma ya pehˇ tehꞈ-a.

Dawˬ tsoˆ 2:8

Ngaˬ neh kʼaˇ uˆ lahˇ keuˆ-euˬ miˇ kʼahˬ deuˬ kʼoeˇ taˆ, sahˬ paˬ sahˬ ma geuꞈ luꞈ-eu deuˬ neh taꞈ nehˬ laꞈ-euˬ pyuˇ hawˇ-eu shuiˇ deuˬ, duˬ gahˬ gahˬ taˬ-euˬ loꞈ-ehˇ ngaˇ jaˆ ma. Dawˬ caˇ caˇ-eu kʼaˬ dzeˇ zaˬ deuˬ hawˇ-eu zaˬ miˬ zaˬ deuˬ jawˇ-awˇ, kʼaˬ dzeˇ zaˬ tiˬ gʼaˬ nui kʼahˇ kʼaˇ jaˆ-eu loꞈ-ehˇ, zaˬ miˬ zaˬ gʼawˬ mya ni ngaˇ jawˇ-eu ma.