1 Sahˬpaˬ 11:2 - Akha

² Tsawˇ jeuˬ kʼoeˇ deuˬ-euˬ miˬ yehˇ deuˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ gaˇ guˆ-eu miˇ neh, tsawˇ jeuˬ kʼoeˇ deuˬ-ahˇ maˬ ya sheuˬ dahˬ dzaˬ-eu gʼaˇ duˬ Sahˬpaˬ Miˬyehˇ neh dawˬ biꞈ taˬ-euˬ jaˆ-eu kʼawꞈ, tsawˇ jeuˬ kʼoeˇ deuˬ-ahˇ aˬ yawꞈ sheuˬ-euˬ meh.

1 Sahˬpaˬ 11:2 Referans Kwoze

Doˆ-iˇ 34:16

Naw maꞈ-euˬ zaˬ yo aˬ li deuˬ, lawˇ ciꞈ zaˬ kʼoeˇ deuˬ-euˬ zaˬ miˬ aˬ buˇ deuˬ-ahˇ sheuˬ-awˇ, ngaˬ-ahˇ saˇ jaˇ puiˬ-eu laꞈ kʼoeˇ, lawˇ ciꞈ zaˬ deuˬ-euˬ miˬyehˇ-ahˇ uˬ duˬ tahˬ ni, zaˬ mi aˬ buˇ kʼoeˇ deuˬ aˬ yawꞈ maꞈ-ahˇ sheuˬ gʼeh tehꞈ-a.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Panmaeq 2:4

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yaw beh nawˇ ngaˬ-ahˇ gaˬ-euˬ loꞈ-ehˇ, nymˬ-mˇ maˬ gaˬ-a.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Maˬlaˬkiˇ 2:11

Yuˇdaˆ miˇ kʼahˬ zaˬ deuˬ Miˬyehˇ nehˬ-ehˇ dzaˬ taˬ-eu saˇ jaˇ puiˬ-awˇ, Yeˬluˇsaˬlehˬ meuˬ hawˇ-eu miˇ kʼahˬ heu kʼahˬ doe ni, jawꞈ dui dui-eu jeˬ mˇ byah taˬ-euˬ meh. Sahˬpaˬ Miˬyehˇ gaˬ dui dui-eu Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-euˬ meh. Kʼaˬ dzeˇ zaˬ deuˬ aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-eu zaˬ miˬ zaˬ deuˬ-ahˇ sheuˬ dahˬ dzaˬ-euˬ meh.

Jaceuq 139:21

Sahˬpaˬ Miˬyehˇ-oˇ, nawˬ-ahˇ bye-eu tsawˇ haˬ deuˬ-ahˇ ngaˇ bye dui dui-awˇ, nawˬ-ahˇ puiˬ-eu tsawˇ haˬ deuˬ-ahˇ ngaˇ nui daˆ daˆ dui dui nya.

Eˇzaˬlaˬ 9:12

Kʼoeˇ miˇ neh, naw maꞈ-euˬ zaˬ miˬ zaˬ yo deuˬ hawˇ-eu aˬ yawꞈ maꞈ-euˬ zaˬ miˬ zaˬ yo deuˬ taˬ bi sheuˬ dahˬ dzaˬ taꞈ. Miˇ kʼahˬ kʼoeˇ kʼahˬ naw maꞈ dzaˬ mawꞈ-awˇ, naw maꞈ-euˬ zaˬ deuˬ uˆ deuˬ-euˬ laꞈ-ahˇ bi jaˆ yaꞈ mawꞈ naˇ, kʼoeˇ gaˇ jawˇ-eu tsawˇ haˬ deuˬ dehꞈ dzaˬ laˇ-awˇ baw le za le ni naw maꞈ taˬ caw ba nehˬ lehˇ nawˬ neh ehˇ taˬ-euˬ dawˬ jaˆ-eu meh.

2 Laˬsaˬbaˬ 21:6

Sahˬ paˬ Aˬhaˆ hawˇ-eu Iˇsaˬleˬlaˆ sahˬ paˬ nui deuˬ loꞈ-ehˇ, maˬ muiˬ maˬ jaˬ-eu gaˇ ma-ahˇ aˬ yawꞈ cah-euˬ meh. Aˬ jeˬ miˇ neh ehˇ naˇ, Aˬhaˆ-euˬ aˬ buˇ-ahˇ aˬ yawꞈ sheuˬ-euˬ meh. Sahˬpaˬ Miˬyehˇ-euˬ mehˬ shi yaw haiˬ jeˬ aˬ yawꞈ mˇ-euˬ meh.

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

Aˇ dahˬ 34:3

Diˇnaˆ aˇ gʼehˇ muiˬ dui dui-eu miˇ neh, Diˇnaˆ-ahˇ Sheˬkmˬ mawꞈ dui dui leˇ-awˇ, mehˇ shuiˇ shuiˇ shuiˇ-ehˇ muˇ-euˬ meh.

Aˇ dahˬ 2:24

Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ ma aˬ da-ahˇ ya gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ taꞈ leˇ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ-eu meh.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Doˆ-iˇ 34:12

Naw maꞈ le uˇ-eu miˇ kʼahˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ saˇ jaˇ taˬ dzaˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh.

1 Sahˬpaˬ 11:9

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ Sawˇlaˬmoˬ jawˇ gaˇ nyiˬ poˆ oe-awˇ, aˬ cawˬ tsawˇ jeuˬ-euˬ miˬ yehˇ deuˬ-ahˇ uˬ duˬ maˬ ya tahˬ-eu gʼaˇ duˬ dawˬ biꞈ-euˬ kʼawꞈ, Sahˬpaˬ Miˬyehˇ-euˬ ehˇ dawˬ-ahˇ Sawˇlaˬmoˬ maˬ naˇ haˬ geuꞈ-eu miˇ neh, aˬ yawꞈ-ahˇ Sahˬpaˬ Miˬyehˇ nui ma pehˇ-eu meh.