1 Sahˬpaˬ 11:12 - Akha

¹² Ehˇ kʼawꞈ, nawˬ da Daˬbiˇ-euˬ myaˆ pyawˬ naˇ mehˇ baˬ da neh, nawˇ yaw dehꞈ kʼaˇ dehꞈ kʼoeˇ keuˆ ni kʼoeˇ loꞈ-ehˇ maˬ bi pyeuꞈ laˇ-ehˇ, nawˬ li dzoeˬ dzaˬ oꞈ ngeh yamˬ-ahˇ bi pyeuꞈ laˇ ma.

1 Sahˬpaˬ 11:12 Referans Kwoze

2 Sahˬpaˬ 20:19

Sahˬ paˬ Heˬsaˬgiˇ-aˬ, aˬ yawꞈ-euˬ ziˇ laꞈ kʼoeˇ kʼoeˇ loꞈ-ehˇ maˬ pyeuꞈ laˇ-ehˇ, saˇ lehˆ ni ya dehꞈ ya jawˇ tehꞈ-a lehˇ gʼoˆ shaw-awˇ, “Sahˬpaˬ Miˬyehˇ neh nawˬ-ahˇ ngaˇ jawˇ gaˇ bi ehˇ le-euˬ dawˬ teu dawˬ muiˬ miˇ-a” lehˇ, Iˇsaˬyaˇ-ahˇ ehˇ kʼoꞈ nehˬ-euˬ meh.

2 Sahˬpaˬ 20:17

‘Nawˬ-euˬ nymˇ laꞈ kʼoeˇ kʼaˇ jaˆ-eu jeˬ hawˇ-eu, nawˬ poeˬ nawˬ bawˇ deuˬ neh kʼaˇ jeˬ hmˬ daˆ laꞈ-euˬ jeˬ dawˬ tawˆ luꞈ, tiˬ jeˬ-iˬ maˬ paˇ dzeˇ yaꞈ ni Baˬbuˇloˬ miˇ kʼahˬ-ahˇ bi yuˇ geuꞈ gʼeh jiˇ-eu aˇ nah keuˆ le tehꞈ-a.

1 Sahˬpaˬ 21:29

“Ngaˬ-euˬ mehˬ shi Aˬhaˆ nui ma nahˬ yu ni taˬ-awˇ jawˇ luꞈ-eu nawˇ ya mawˇ gʼaˬ maˬ loˇ. Aˬ yawꞈ kʼoeˇ loꞈ-ehˇ jawˇ-eu miˇ neh, aˬ yawꞈ yaw dehꞈ dehꞈ luꞈ-eu aˇ yamˬ laꞈ kʼoeˇ, guˆ-eu gaˆ-eu jeˬ ngaˇ maˬ paˇ bi keuˆ le ma. Aˬ yawꞈ-euˬ aˬ li-euˬ ziˇ-ahˇ, Aˬhaˆ-euˬ nymˇ jiˇ kʼoeˇ taˆ guˆ-eu gaˆ-eu jeˬ ngaˇ bi keuˆ le ma.”

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Aˇ dahˬ 19:29

Lawˇtaˬ jawˇ luꞈ-eu deh ga laꞈ kʼoeˇ jaˆ-eu meuˬ kʼoeˇ nyiˬ meuˬ-ahˇ Miˬyehˇ laˆ cawˆ-euˬ kʼawꞈ, Miˬyehˇ-euˬ nui ma laꞈ kʼoeˇ Aˬbyaˬhaˬ-ahˇ noeˬ mawˇ-eu baˬ da neh, Lawˇtaˬ-ahˇ luˬ-iˇ seˇ-iˇ-eu jeˬ laꞈ kʼoeˇ bi buˬ-iˇ-euˬ meh.

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

1 Sahˬpaˬ 11:11

Kʼoeˇ miˇ neh, Sawˇlaˬmoˬ-ahˇ Sahˬpaˬ Miˬyehˇ ehˇ nehˬ-eu, “Nawˬ neh ngaˬ-ahˇ dzaˬ taˬ-euˬ dawˬ ma saˇ jaˇ-ahˇ, nui ma laꞈ kʼoeˇ keuˆ ni nawˇ puiˬ-awˇ, ngaˬ-euˬ ehˇ dawˬ-ahˇ nawˇ maˬ naˇ haˬ geuꞈ-euˬ miˇ neh, miˇ kʼahˬ heu kʼahˬ-ahˇ nawˬ-euˬ aˬ laꞈ laꞈ kʼoeˇ neh ngaˇ yuˇ doˆ-awˇ, nawˬ-euˬ gaˇ mˇ-eu yaw huiˬ yaw mahˇ tiˬ gʼaˬ-ahˇ ngaˇ biꞈ ma lehˇ ehˇ tsehˆ-eu ma.

1 Sahˬpaˬ 11:13

Miˇ kʼahˬ kʼahˬ lah ni aˬ yawꞈ-euˬ aˬ laꞈ laꞈ kʼoeˇ neh ngaˇ maˬ yuˇ doˆ. Nawˬ da Daˬbiˇ-euˬ myaˆ pyawˬ naˇ mehˇ baˬ da neh maˬ ehˇ, ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ baˬ da neh maˬ ehˇ, aˬ yawꞈ-euˬ aˬ laꞈ laꞈ kʼoeˇ tsawˇ jeuˬ tiˬ jeuˬ bi jawˇ yaꞈ ma.”

1 Sahˬpaˬ 11:31

Kʼoeˇ naˇ, Yeˬyawˇbamˬ-ahˇ aˬ yawꞈ ehˇ nehˬ-eu, “Ngaˬ neh gʼeu paˆ-euˬ pehˇ kʼahˬ paˇ cehˬ heu tseˇ cehˬ nawˇ yuˇ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Sawˇlaˬmoˬ-euˬ aˬ laꞈ laꞈ kʼoeˇ neh miˇ kʼahˬ heu kʼahˬ ngaˇ yuˇ doˆ-awˇ, nawˬ-ahˇ tsawˇ jeuˬ tseˇ jeuˬ biꞈ-eu lehˇ gʼeh-eu ma.

1 Sahˬpaˬ 11:35

Ehˇ kʼawꞈ, Sawˇlaˬmoˬ-euˬ aˬ li-euˬ aˬ laꞈ laꞈ kʼoeˇ neh, miˇ kʼahˬ heu kʼahˬ ngaˇ yuˇ kʼoꞈ-awˇ, tsawˇ jeuˬ tseˇ jeuˬ nawˬ-ahˇ biꞈ ma.

2 Sahˬpaˬ 19:34

Ngaˬ-euˬ tsawˇ myahˇ baˬ da neh maˬ ehˇ, ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ dawˬ ma saˇ jaˇ baˬ da neh maˬ ehˇ, meuˬ heu meuˬ-ahˇ ngaˇ haw piˇ ma’ lehˇ ehˇ-eu meh.”

1 Sahˬpaˬ 11:32

Daˬbiˇ-euˬ myaˆ pyawˬ naˇ mehˇ baˬ da neh maˬ ehˇ, Iˇsaˬleˬlaˆ miˇ kʼahˬ kʼahˬ lah ni laꞈ kʼoeˇ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ baˬ da neh maˬ ehˇ, Sawˇlaˬmoˬ-ahˇ tsawˇ jeuˬ tiˬ jeuˬ biꞈ ma.

1 Sahˬpaˬ 11:34

Ehˇ kʼawꞈ, miˇ kʼahˬ kʼahˬ lah ni Sawˇlaˬmoˬ-euˬ laꞈ-ahˇ neh ngaˇ maˬ yuˇ doˆ-ehˇ, aˬ yawꞈ yaw dehꞈ kʼaˇ dehꞈ kʼoeˇ keuˆ ni, aˬ yawꞈ-ahˇ ngaˇ baoˬ biꞈ nehˬ ma. Ngaˬ neh tseˇ doˆ-euˬ gʼaˬ pyeuꞈ-eu, ngaˬ-euˬ zahˇ dawˬ kʼoꞈ dawˬ mehˬ nah caw teh-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ-euˬ ngaˬ-euˬ zaˬ kʼaˆ Daˬbiˇ baˬ da neh, aˬ yawꞈ-ahˇ ngaˇ kʼoeˇ loꞈ-ehˇ gʼawˬ shaˬ gaˬ nehˬ-eu ma.

2 Sahˬpaˬ 8:19

Ehˇ kʼawꞈ, Yuˇdaˆ miˇ kʼahˬ-ahˇ Sahˬpaˬ Miˬyehˇ maˬ laˆ cawˆ mawꞈ-a. Aˬ jeˬ miˇ neh ehˇ naˇ, “Nawˬ-euˬ zaˬ nawˬ-euˬ uˆ deuˬ aˬ myah luꞈ dzoeˬ dzaˬ oꞈ tehꞈ-a” lehˇ, aˬ yawꞈ-euˬ zaˬ kʼaˆ Daˬbiˇ-ahˇ aˬ yawꞈ saˇ jaˇ dzaˬ taˬ-euˬ jaˆ-eu meh.