1 Sahˬpaˬ 10:7 - Akha

⁷ Ehˇ kʼawꞈ, ngaˬ-euˬ gʼawˇ mawˇ nawˬ-ahˇ maˬ ya mawˇ duˬ kʼoeˇ keuˆ ni, ngaˇ maˬ jah-aˬ siˬ. Ehˇ law hawˇ kʼawꞈ, nawˬ-euˬ zaˬ siˬ tsawˇ gahˇ gaˇ kawˆ ngaˬ neh ya gaˬ taˬ-euˬ-aˬ, tiˬ paˆ kʼawꞈ maˬ paˆ leˇ law hawˇ ngaˬ siˬ. Nawˬ-euˬ zaˬ siˬ tsawˇ gahˇ hawˇ-eu nawˬ-euˬ pyuˇ shuiˇ myawˬ gahˬ-aˬ, ngaˬ neh ya gaˬ gʼaˬ taˬ-euˬ naˆ maˬ tseˇ huiˬ dui myaˬ dui dui law hawˇ nga.

1 Sahˬpaˬ 10:7 Referans Kwoze

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Maˬkuˆ 16:11

Yeˬsuˇ yaw dehꞈ-ehˇ jawˇ gaˇ aˬ yawꞈ ya mawˇ-euˬ gaˇ kawˆ, aˬ yawꞈ maˬ-ahˇ dzawˇ nehˬ ngeh, aˬ yawꞈ maˬ maˬ jah-a.

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Iˇsaˬyaˇ 64:4

Nawˬ-ahˇ gʼoe-eu deuˬ-ahˇ ngehˬ gʼeh nehˬ-euˬ, nawˇ loꞈ-ehˇ gʼeh-eu Miˬyehˇ-ahˇ, tsawˇ haˬ zaˬ deuˬ maˬ gaˬ maˬ mawˇ haw-aˬ.

1 Sahˬpaˬ 10:6

Sahˬ paˬ Sawˇlaˬmoˬ-ahˇ aˬ yawꞈ ehˇ nehˬ-eu, “Ngaˬ-euˬ miˇ kʼahˬ-ahˇ jawˇ ngeh neh, nawˬ-euˬ gaˇ kawˆ hawˇ-eu nawˇ zaˬ siˬ tsawˇ gahˇ ahˇ-eu gaˇ kawˆ ya gaˬ-euˬ loꞈ-ehˇ, aˬ diˇ aˬ maˇ ngeuˇ law hawˇ nga.

1 Sahˬpaˬ 10:8

Nawˬ-euˬ miˬ zaˬ deuˬ aˇ naˆ ni guiˬ lahˬ huiˬ-eu nga. Aˬ myah luꞈ nawˬ-euˬ dawˬ peh ya jawˇ-awˇ, zaˬ siˬ tsawˇ gahˇ ahˇ-eu nawˬ-euˬ dawˬ deuˬ-ahˇ ya gaˬ-eu nawˬ-euˬ zaˬ kʼaˆ deuˬ aˇ naˆ ni guiˬ lahˬ huiˬ-eu nga.

Jaceuq 48:9

Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma laꞈ kʼoeˇ, maˬ tsehˆ leˇ-eu nawˬ-euˬ gʼoeˇ-eu gaˬ-eu jeˬ-ahˇ, nga maˬ shaˇ noeˬ-eu ma.