1 Sahˬpaˬ 10:5 - Akha

⁵ Sawˇlaˬmoˬ-euˬ hawˬ jeh kʼoeˇ taˆ laˆ saˆ taˬ-euˬ dzaˬ dzaˬ dawˇ dawˇ deuˬ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ-eu nymˇ deuˬ-ahˇ maˬ ehˇ, sahˬ paˬ-euˬ hawˇ nymˇ-ahˇ gaˇ mˇ-eu deuˬ hawˇ-eu aˬ yawꞈ maꞈ dm luꞈ-eu dm gʼaˬ dm lmˇ deuˬ-ahˇ maˬ ehˇ, aˬ yawꞈ dzaˬ ngeh dawˇ ngeh hawˬ lahˬ dzaˇ lahˬ lahˬ-eu zaˬ kʼaˆ deuˬ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ neh lawˇ-euˬ shehˇ-euˬ jeˬ-ahˇ maˬ ehˇ, Sheˬba sahˬ paˬ ma ya mawˇ ngeh, saꞈ maˬ gʼawˇ doˆ coeˇ-ehˇ tsoˆ leˇ gaˇ keuˆ ni zahˬ leˇ dui dui-euˬ meh.

1 Sahˬpaˬ 10:5 Referans Kwoze

1 Laˬsaˬbaˬ 26:16

Shuˇpiˬ hawˇ-eu Hawˇsaˬ-ahˇ, nahˇ ma ga kʼehˬ paw kʼehˬ hawˇ-eu, Uˬ duˬ tahˬ nymˇ nymˇ ma-ahˇ daˆ leˇ-eu gaˇ ma-ahˇ jaˆ-eu Shaˬlehˇshehˆ gʼoˆ kʼehˬ doˇ leˇ-euˬ meh.

Yeˬsaˬgeˬlaˇ 46:2

Dzoeˬ dzaˬ-eu sahˬ paˬ zaˬ yo-aˬ, aˬ yawꞈ neh lawˇ laˇ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ-ahˇ piˇ ma deuˬ lawˇ luꞈ ngeh, laꞈ nyiˇ pu kaˬ-ahˇ neh aˇ lawˆ lawˆ ma kʼoeˇ lawˆ-ahˇ uˇ leˇ-awˇ, laꞈ kʼoeˇ pu kaˬ-ahˇ uˇ leˇ-eu lahˇ kʼehˬ laˇ gʼoˆ bahˬ dawˬ peh ya yawꞈ meh. Lahˇ kʼehˬ kʼoeˇ tsahˇ-ahˇ jawˇ-awˇ uˬ duˬ tahˬ gʼaˬ ngeh, aˬ yawꞈ paˇ ya doˆ le meh. Lahˇ kʼehˬ kʼoeˇ uˬ ciꞈ uˬ taw paw keuˆ ni maˬ piˬ tehˬ-ehˇ ya bi jaˆ meh.

Yeˬsaˬgeˬlaˇ 44:3

Ehˇ kʼawꞈ, dzoeˬ dzaˬ oꞈ-eu sahˬ paˬ zaˬ yo gʼaˬ-aˬ, ngaˬ-euˬ mehˬ shiˬ muiˬ-eu shawˇ-eu dzaˬ byawˇ dzaˬ leˇ-eu gʼaˇ duˬ, kʼoeˇ gaˇ le nya meh. Gaˇ ma iˇ dzaˬ saˬ-iˇ-euˬ tsahˇ-ahˇ jaˆ-eu kuˆ lawˆ lawˆ ma kʼoeˇ lawˆ-ahˇ neh aˬ yawꞈ ya uˇ leˇ-awˇ, kʼaˇ uˇ leˇ-euˬ gaˇ neh paˇ ya gʼoꞈ doˆ le meh.”

2 Laˬsaˬbaˬ 23:13

Kʼoeˇ ngeh, Uˬ duˬ tahˬ nymˇ nymˇ ma-euˬ gʼoˆ kʼehˬ dawˬ peh jaˆ-eu sahˬ paˬ deuˬ-euˬ jawˇ duˬ-ahˇ sahˬ paˬ yaw shuiꞈ kʼoeˇ gʼaˬ yawꞈ luꞈ-awˇ, guiˇ maꞈ deuˬ-ahˇ uˆ lahˇ-eu yaw huiˬ yaw mahˇ deuˬ hawˇ-eu daˇ heh baw-eu tsawˇ haˬ deuˬ, sahˬ paˬ-euˬ tiˬ jawˬ jawˇ luꞈ gaˇ Aˬdaˬliˇ ya mawˇ-euˬ meh. Tsawˇ haˬ dawˬ tawˆ luꞈ laˬ kʼaˬ cehˇ taˆ ni guˇ guˇ-ehˇ, daˇ heh baw luꞈ-eu meh. Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu paw gaˇ mˇ luꞈ-eu deuˬ-aˬ, deuˇ mˬ diˬ cehˇ lehˇ ciˆ-awˇ, bawˬ law baw-eu laꞈ kʼoeˇ, sahˬ paˬ ka nehˬ-eu bawˬ-iˬ jahˇ gaˇ sheuˬ gʼeh luꞈ-eu meh. Kʼoeˇ ngeh, Aˬdaˬliˇ nui ma cawˆ dui dui-eu laꞈ kʼoeˇ yawˬ ha-euˬ mehˬ tsoeˬ cehˬ pyaˬ-awˇ, “Ngaˬ-ahˇ puiˬ-euˬ ngaˇ. Ngaˬ-ahˇ puiˬ-euˬ ngaˇ” lehˇ guˇ-eu meh.

2 Laˬsaˬbaˬ 9:4

Sawˇlaˬmoˬ-euˬ hawˬ jeh kʼoeˇ taˆ laˆ saˆ taˬ-euˬ dzaˬ dzaˬ dawˇ dawˇ deuˬ-ahˇ maˬ ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ-eu nymˇ deuˬ-ahˇ maˬ ehˇ, sahˬ paˬ-euˬ nymˇ-ahˇ gaˇ mˇ-eu deuˬ hawˇ-eu aˬ yawꞈ maꞈ dm luꞈ-eu dm gʼaˬ dm lmˇ deuˬ-ahˇ maˬ ehˇ, aˬ yawꞈ dzaˬ ngeh dawˇ ngeh hawˬ lahˬ dzaˇ lahˬ lahˬ-eu zaˬ kʼaˆ deuˬ dm luꞈ-eu dm gʼaˬ dm lmˇ deuˬ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ neh lawˇ-eu shehˇ-eu jeˬ-ahˇ maˬ ehˇ, Sheˬba sahˬ paˬ ma ya mawˇ ngeh, saꞈ maˬ gʼawˇ doˆ coeˇ-ehˇ tsoˆ leˇ gaˇ keuˆ ni zahˬ dui dui leˇ-euˬ meh.

1 Laˬsaˬbaˬ 9:18

Aˇ nah aˇ yamˬ kʼoeˇ yamˬ laꞈ kʼoeˇ, nahˇ ma doˆ kʼehˬ paw jaˆ-eu sahˬ paˬ-euˬ lahˇ kʼehˬ-ahˇ aˬ yawꞈ maꞈ-euˬ aˇ jeuˬ aˇ ca deuˬ loꞈ luꞈ-eu meh. Yaw beh-aˬ, Leˬbiˇ tsawˇ haˬ-euˬ sehˬ gʼawˆ-ahˇ le-eu lahˇ kʼehˬ-ahˇ aˬ yawꞈ maꞈ loꞈ-euˬ meh.

2 Sahˬpaˬ 16:18

Aˬshuˇliˆ sahˬ paˬ nui kʼahˇ shiˇ ni, Uˬ duˬ tahˬ nymˇ nymˇ ma laꞈ kʼoeˇ dzoeˬ dzaˬ nuiˇ mahˬ ciˬ taˬ-eu gʼaˇ duˬ laˆ goˇ taˬ-euˬ kʼoeˇ kʼawꞈ, Aˬkaˆ neh pyaˆ dzeh-awˇ, Uˬ duˬ tahˬ nymˇ nymˇ ma laꞈ kʼoeˇ sahˬ paˬ uˇ leˇ-eu gʼaˇ duˬ jahˇ taˬ-euˬ laˇ gʼoˆ kʼoeˇ gʼoˆ kʼawꞈ, aˬ yawꞈ laˆ gʼoeˬ-euˬ meh.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

Luˇkaꞈ 18:10

“Tiˬ poˆ-aˬ, tsawˇ haˬ nyiˬ gʼaˬ Uˬ duˬ tahˬ nymˇ nymˇ ma-ahˇ daˆ leˇ-awˇ, guiˬ lahˬ shaˇ leˇ-euˬ meh. Tiˬ gʼaˬ-aˬ, Paˬliˬsehˇ meh. Tiˬ gʼaˬ-aˬ, kawˬ taꞈ-eu tsawˇ haˬ meh.

1 Sahˬpaˬ 10:4

Sawˇlaˬmoˬ-euˬ zaˬ siˬ tsawˇ gahˇ-ahˇ Sheˬba sahˬ paˬ ma ya gaˬ-awˇ, Sawˇlaˬmoˬ neh tsoˆ taˬ-euˬ sahˬ paˬ-euˬ hawˇ nymˇ-ahˇ kʼawꞈ ya mawˇ-euˬ meh.

1 Sahˬpaˬ 10:6

Sahˬ paˬ Sawˇlaˬmoˬ-ahˇ aˬ yawꞈ ehˇ nehˬ-eu, “Ngaˬ-euˬ miˇ kʼahˬ-ahˇ jawˇ ngeh neh, nawˬ-euˬ gaˇ kawˆ hawˇ-eu nawˇ zaˬ siˬ tsawˇ gahˇ ahˇ-eu gaˇ kawˆ ya gaˬ-euˬ loꞈ-ehˇ, aˬ diˇ aˬ maˇ ngeuˇ law hawˇ nga.