1 Sahˬpaˬ 10:2 - Akha

² Aˬ yawꞈ le ngeh, zaˬ kʼaˆ gʼawˬ mya ni sheuˬ gʼeh-awˇ, dzaˇ muiˇ dzaˇ sawˇ, tsiˇ yaw saw jeˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, shuiˇ gʼawˬ mya ni law taw neh tawˬ-awˇ le-euˬ meh. Sawˇlaˬmoˬ-ahˇ aˬ yawꞈ tahˬ puˬ ngeh, aˬ yawꞈ kʼaˇ noeˬ doˆ nya-eu jeˬ dawˬ tawˆ luꞈ naˇ haˬ-euˬ meh.

1 Sahˬpaˬ 10:2 Referans Kwoze

Gʼaˬkʼehˇ 25:23

Yawˬ nah yawˬ, Aˬgiˇpaˆ hawˇ-eu Beˬlaˬniˆ aˬ nyaꞈ dzeˇ zaˬ baoˬ kʼahˬ sehˇ tiˬ byah ni oe gaˇ bawˬ-iˬ gʼeh-awˇ ha-awˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu meuˬ laꞈ kʼoeˇ jawˇ-eu myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ nehˬ-ehˇ mehˬ bawˬ gʼeh-eu hawˇ nymˇ laꞈ kʼoeˇ uˇ leˇ-euˬ meh. Kʼoeˇ ngeh, sahˬ paˬ Beˬtuˇ neh dawˬ biꞈ-awˇ Pawˇluˆ-ahˇ bi sheuˬ uˇ laꞈ-euˬ meh.

Luˇkaꞈ 24:15

Kʼoeˇ loꞈ-ehˇ ja ja-ehˇ iˇ luꞈ ngeh, Yeˬsuˇ aˬ yawꞈ nyaꞈ jawˇ gaˇ oe-awˇ, tiˬ kawˆ loꞈ-ehˇ iˇ-euˬ meh.

Jaceuq 4:4

Guˆ-awˇyaw dzuˬdzuˬ-eu laꞈkʼoeˇ, iˬbaˇmˇ-eu jeˬ byehˇdzeh-awˬ. Yuꞈ zaˇ-ahˇ ciˬcuˇni yuꞈngeh, gaˇkawˆheu-ahˇ shaˇnoeˬduˬ-awˬ.

Yawˇbaˆ 4:2

“Yawˇbaˆ-oˇ, ngaˇ dawˬ ngehˬ gaˇ, nawˇ maˬ naˇ haˬ nahˇ-eu maˬ siˬ. Ehˇ kʼawꞈ, ngaˇ dawˬ maˬ ngehˬ-ehˇ, maˬ paˇ dzahˬ tehˬ coeˇ miˇ-a.

2 Sahˬpaˬ 20:13

Baˬbuˇloˬ sahˬ paˬ neh pyehˬ gʼeh leꞈ-euˬ tsawˇ haˬ kʼoeˇ deuˬ-ahˇ Heˬsaˬgiˇ ha geuꞈ-awˇ aˬ yawꞈ-euˬ pyuˇ shuiˇ myawˬ gahˬ deuˬ mehˬ nehˬ-euˬ meh. Aˬ yawꞈ-euˬ pyuˇ hawˇ-eu shuiˇ maˬ ehˇ, aˇ poeˬ kʼaˆ-eu tsiˇ yaw saw deuˬ maˬ ehˇ, aˬ yawꞈ-euˬ guiˇ deuˆ-eu keu ka dawˬ tawˆ luꞈ maˬ ehˇ, aˬ yawꞈ maꞈ-ahˇ mehˬ nehˬ-euˬ meh. Aˬ yawꞈ-euˬ myawˬ gahˬ jeˬ hmˬ duˬ hawˇ-eu aˬ yawꞈ-euˬ miˇ kʼahˬ laꞈ kʼoeˇ kʼaˇ jaˆ-eu jeˬ dawˬ tawˆ luꞈ, aˬ yawꞈ maꞈ-ahˇ maˬ mehˬ nehˬ jiˇ-euˬ tiˬ jeˬ-iˬ maˬ jaˆ-a.

2 Sahˬpaˬ 5:9

Kʼoeˇ naˇ, Neˬmaˬ-aˬ, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ teh-awˇ, Eˇliˇshehˇ-euˬ nymˇ gʼoˆ kʼehˬ-ahˇ naˬ-iˇ-euˬ meh.

2 Sahˬpaˬ 5:5

Kʼoeˇ ngeh, “Iˇsaˬleˬlaˆ sahˬ paˬ jawˇ gaˇ iˇ-awˇ, sahˬ boꞈ heu taꞈ yuˇ gʼeh nehˬ-awˬ” lehˇ, sahˬ paˬ ehˇ-eu meh. Kʼoeˇ naˇ, Neˬmaˬ-aˬ, pyuˇ maˇ byaˆ smˬ muiˇ byaˆ, shuiˇ maˇ byaˆ koꞈ heˇ byaˆ hawˇ-eu, muiˬ dui dui-eu mehˬ tsoeˬ tseˇ shehˆ yuˇ-awˇ iˇ-euˬ meh.

1 Sahˬpaˬ 10:10

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, myaˬ dui dui-eu dzaˇ muiˇ dzaˇ sawˇ deuˬ hawˇ-eu tsiˇ yaw saw jeˬ maˬ ehˇ, aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Aˬ yawꞈ neh biꞈ-euˬ dzaˇ muiˇ dzaˇ sawˇ hawˇ-eu tsiˇ yaw saw kʼoeˇ deuˬ myaˆ ni myaˬ-eu laꞈ sawˬ deuˬ, sahˬ paˬ Sawˇlaˬmoˬ tiˬ jawˇ-iˬ maˬ za haw-aˬ.

Doˆ-iˇ 25:6

tsiˇ kʼmˬ doꞈ-eu tsiˇ, lehꞈ-eu gʼaˇ duˬ hawˇ-eu yaw saw bi saw-eu gʼaˇ duˬ tsiˇ yaw saw jeˬ,

Aˇ dahˬ 18:33

Aˬbyaˬhaˬ aˬ yawꞈ nyaꞈ kʼoeˇ loꞈ-ehˇ dawˬ ngehˬ cawˬ gʼaˬ ngeh, Sahˬpaˬ Miˬyehˇ doˆ-iˇ-euˬ meh. Aˬbyaˬhaˬ gʼaˬ kʼawꞈ, iˇ kahˇ gʼoꞈ-iˇ-euˬ meh.

1 Sahˬpaˬ 10:3

Kʼaˇ naˇ haˬ-euˬ yawˬ jeˬ na luꞈ-ahˇ Sawˇlaˬmoˬ ehˇ kʼoꞈ nehˬ-euˬ meh. Sawˇlaˬmoˬ maˬ ehˇ kʼoꞈ nehˬ nya-eu tiˬ jeˬ-iˬ maˬ jaˆ-a.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Yeˬsaˬgeˬlaˇ 27:22

Sheˬba baw gaꞈ deuˬ hawˇ-eu Laˬmaˬ baw gaꞈ deuˬ-aˬ, aˇ poeˬ kʼaˆ-eu kʼaˬ lo sehˇ deuˬ, shuiˇ deuˬ hawˇ-eu muiˬ dui dui-eu yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ paˇ geuꞈ le-eu meh.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.