1 Sahˬpaˬ 10:1 - Akha

¹ Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh.

1 Sahˬpaˬ 10:1 Referans Kwoze

Maꞈtehˬ 12:42

Yaˇ kʼaˬ daˇ-eu Aˇ nah keuˆ le ngeh, Sheˬba sahˬ paˬ ma tuˇ laˇ-awˇ, naw maꞈ-ahˇ iˬ baˇ taˬ tehꞈ-a. Aˬ jeˬ miˇ neh ehˇ naˇ, sahˬ paˬ Sawˇlaˬmoˬ-euˬ zaˬ siˬ tsawˇ gahˇ byah-eu dawˬ mehˬ dawˬ tsoˆ-ahˇ naˇ haˬ geuꞈ laˇ-eu lehˇ, gaˇ mahˇ kaˬ-eu aˬ yawꞈ-euˬ miˇ kʼahˇ-ahˇ neh a yawꞈ laˇ keuˆ-euˬ meh. Sawˇlaˬmoˬ naˆ maˬ tseˇ huiˬ dzehˬ-eu gʼaˬ, nymˬ-mˇ heu gaˇ jawˇ luꞈ ma lehˇ, naw maꞈ-ahˇ ngaˇ ehˇ duˬ-eu ma.

Luˇkaꞈ 11:31

Yaˇ kʼaˬ daˇ-eu Aˇ nah keuˆ laˇ ngeh, Sheˬba sahˬ paˬ ma tsawˬ tuˇ laˇ-awˇ, heu ziˇ-euˬ tsawˇ haˬ deuˬ-euˬ iˬ baˇ poˆ -awˇ yaˇ kʼaˬ ja tehꞈ-a. Aˬ jeˬ miˇ neh ehˇ naˇ, sahˬ paˬ Sawˇlaˬmoˬ-euˬ zaˬ siˬ tsawˇ gahˇ byah-eu dawˬ-ahˇ naˇ haˬ laˇ-eu gʼaˇ duˬ, mˬ dzeˇ miˇ dzeˇ-ahˇ neh aˬ yawꞈ laˇ-euˬ meh. Ngaˇ naw maꞈ-ahˇ ehˇ nehˬ nyaˇ. Sawˇlaˬmoˬ naˆ maˬ tseˇ huiˬ-eu gʼaˬ heu gaˇ jawˇ luꞈ ma.

Jaceuq 72:15

Sahˬ paˬ ziˇ baw ziˇ za luꞈ-uˇ. Sheˬba miˇ kʼahˬ-ahˇ jaˆ-eu shuiˇ deuˬ aˬ yawꞈ-ahˇ damˬ nehˬ luꞈ-uˇ. Aˬ yawꞈ gʼaˇ duˬ aˬ cawˬ aˬ myah luꞈ guiˬ lahˬ shaˇ nehˬ luꞈ-uˇ. Miˬyehˇ-euˬ guiˬ lahˬ yaw dzahˇ aˬ yawꞈ kʼoeˇ taˆ maˬ tsehˆ leˇ ni jaˆ luꞈ-uˇ.

Aˇ dahˬ 10:28

Awˇbaˬlaˇ tsawˇ jeuˬ, Aˬbiˇmeˬlaˇ tsawˇ jeuˬ, Sheˬba tsawˇ jeuˬ,

Aˇ dahˬ 10:7

Kuˇshaˆ-euˬ zaˬ deuˬ uˆ deuˬ-aˬ, Seˬbaˇ tsawˇ jeuˬ, Haˬbiˇlaˬ tsawˇ jeuˬ, Saˬbaˬtah tsawˇ jeuˬ, Laˬmaˬ tsawˇ jeuˬ, Saˬteˬkaˬ tsawˇ jeuˬ, heu deuˬ pyeuꞈ-eu meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ pyeuꞈ-eu meh.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Iˇsaˬyaˇ 60:6

Miˇdiˬyaˬ miˇ kʼahˬ hawˇ-eu Eˇpaˬ miˇ kʼahˬ-ahˇ neh, myawˬ tawˬ luꞈ-eu law taw baꞈ maꞈ nawˇ jawˇ gaˇ oe tehꞈ-a. Sheˬba miˇ kʼahˬ-ahˇ neh aˬ yawꞈ maꞈ doˆ laˇ-awˇ, shuiˇ hawˇ-eu tsiˇ yaw saw tawˬ laꞈ tehꞈ-a. Sahˬpaˬ Miˬyehˇ-euˬ guiˬ lahˬ-ahˇ, miˇ kʼahˬ zaˬ deuˬ ja byah tehꞈ-a.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Jaceuq 49:4

Tsawˇ mawˬ dawˬ daˬ-ahˇ ngaˇ shaˇ noeˬ-awˇ, deuˇ-mˬ diˬ-awˇ dawˬ tsuiꞈ yuˇ doˆ ma.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Yawˇbaˆ 6:19

Sheˬba meuˬ hawˇ-eu Teˬmaˇ meuˬ-ahˇ jawˇ-eu baw gaꞈ aˇ muˇ deuˬ iˇ cuꞈ poˆ le-euˬ meh.

1 Sahˬpaˬ 4:34

Sawˇlaˬmoˬ zaˬ siˬ tsawˇ gahˇ ahˇ dui dui-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ ya gaˬ jiˇ-euˬ miˇ neh, tsawˇ haˬ pyehˬ gʼeh-awˇ, Sawˇlaˬmoˬ-euˬ dawˬ-ahˇ bi naˇ haˬ geuꞈ-iˇ-euˬ meh.

1 Sahˬpaˬ 4:31

Eˇzaˬlahˬ tsawˇ jeuˬ pyeuꞈ-eu Eˇdaˬ hawˇ-eu, Maˬhawˇlaˆ-euˬ aˬ li deuˬ pyeuꞈ-eu Heˬmaˬ, Kaˬlaˬkawˇlaˆ, Daˬdaˬ aˬ ha mehˇ nmˇ naˆ maˬ tseˇ aˬ yawꞈ tsawˇ gahˇ ahˇ-awˇ, tsawˇ haˬ zaˬ dawˬ tawˆ luꞈ kʼoeˇ taˆ aˬ cawˬ naˆ maˬ tseˇ tsawˇ gahˇ ahˇ dzehˬ-eu miˇ neh, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ deuˬ laꞈ kʼoeˇ, aˬ yawꞈ tsawˇ myahˇ huiˬ dui dui-eu meh.

Aˇ dahˬ 25:3

Yoˇshaˬ-aˬ, Sheˬba hawˇ-eu Deˬdaˬ-euˬ aˬ da pyeuꞈ-awˇ, Deˬdaˬ-euˬ zaˬ deuˬ uˆ deuˬ-aˬ, Aˬshuˇlmˬ tsawˇ jeuˬ, Leˬtuˇshmˬ tsawˇ jeuˬ, Lmˬmiˬ tsawˇ jeuˬ heu deuˬ pyeuꞈ-eu meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Maˬkuˆ 4:34

Yaw jeˬ ma jeˬ maˬ ja ni maˬ mehˬ nehˬ-a. Ehˇ kʼawꞈ, aˬ yawꞈ-euˬ zaˬ lahˇ deuˬ nehˬ-ehˇ tehꞈ-ehˇ jawˇ ngeh, gaˇ kawˆ koeˇ deuˬ-euˬ dawˬ tsuiꞈ dawˬ tawˆ luꞈ, yaw muiˬ paˬ-ehˇ ja mehˬ nehˬ-euˬ meh.

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Yeˬsaˬgeˬlaˇ 38:13

Sheˬba miˇ kʼahˬ hawˇ-eu Deˬdaˬ miˇ kʼahˬ-ahˇ jawˇ-eu tsawˇ haˬ deuˬ maˬ ehˇ, Saˬbeˬ miˇ kʼahˬ-ahˇ jaˆ-eu meuˬ deuˬ-ahˇ jawˇ-eu baw gaꞈ deuˬ maˬ ehˇ, nawˬ-ahˇ heu loꞈ-ehˇ naˇ haˬ laˇ tehꞈ-a. ‘Aˬ cawˬ-euˬ pyuˇ shuiˇ myawˬ gahˬ ceh geuꞈ-eu gʼaˇ duˬ, nawˇ guiˇ guiˇ maꞈ laˆ uiˬ-awˇ guiˇ deuˆ te loˇ. Pyuˇ hawˇ-eu shuiˇ deuˬ, jeˬ zaˬ deuˬ hawˇ-eu, myawˬ gahˬ deuˬ ya baꞈ geuꞈ gaˇ noeˬ tmˬ-awˇ kʼoeˇ loꞈ-ehˇ jahˇ te loˇ lehˇ naˇ haˬ laˇ tehꞈ-a’ lehˇ ehˇ-eu meh.”

Yeˬsaˬgeˬlaˇ 16:14

Nawˬ-ahˇ ngaˬ neh laˆ muiˬ nehˬ-euˬ miˇ neh, miˇ kʼahˬ yawˬ kʼahˬ na luꞈ laꞈ kʼoeˇ nawˇ aˇ gʼehˇ muiˬ-eu tsawˇ myahˇ doˆ dui dui meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

1 Sahˬpaˬ 5:14

Kʼoeˇ naˇ, Aˬdawˇniˇlamˬ neh tsawˇ haˬ kʼoeˇ deuˬ-ahˇ bi haw bi pyaˆ-euˬ meh. Tsawˇ haˬ kʼoeˇ deuˬ-ahˇ, tiˬ muiˇ gʼaˬ byah-eu aˇ muˇ smˬ muˇ biˇ nehˬ-awˇ, aˬ yawꞈ muˇ yawꞈ Leˬbaˬnoˬ gawˬ jawˬ-ahˇ ba la tiˬ siˬ gaˇ bi mˇ leˇ-awˇ, iˇ kahˇ-ahˇ ba la nyiˬ siˬ bi gʼoꞈ naˬ le-euˬ meh.

1 Sahˬpaˬ 10:24

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ jawˇ gaˇ laˇ-awˇ, Miˬyehˇ neh aˬ yawꞈ-ahˇ biꞈ taˬ-euˬ yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ-ahˇ naˇ haˬ geuꞈ laˇ mawꞈ-eu meh.