1 Sahˬpaˬ 1:9 - Akha

⁹ Tiˬ nah keuˆ laˇ ngeh, Eˬloˇgeˬ iˇ cuꞈ lawˇ gawˆ gaˇ dzeˇ jaˆ-eu Aˇlawˇ kʼaˬ lo lehˇ kuˇ-eu kʼaˬ lo kʼoeˇ siˬ dawˬ peh, mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ sehꞈ-awˇ, Aˬdawˇniˇyaˆ lawˇ-eu shehˇ-eu jeˬ mˇ-euˬ meh. Aˬ yawꞈ-euˬ mehˇ nmˇ deuˬ pyeuꞈ-eu sahˬ paˬ Daˬbiˇ-euˬ aˬ li deuˬ hawˇ-eu, Yuˇdaˆ miˇ kʼahˬ-ahˇ jawˇ-eu sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ aˬ yawꞈ kuˇ-euˬ meh.

1 Sahˬpaˬ 1:9 Referans Kwoze

2 Saˬmeuˬlaˆ 17:17

Aˬbyaˬdaˬ-euˬ aˬ li Yawˇnaˆshaˬ hawˇ-eu Zaˬdoˆ-euˬ aˬ li Aˬhiˇmaˆ aˬ nyaꞈ-aˬ, Yeˬluˇsaˬlehˬ-euˬ meuˬ meuˬ taw Eˬloˇgeˬ iˇ cuꞈ iˇ byoe dawˬ peh loꞈ luꞈ-eu meh. Aˬ cawˬ mawˇ gaˇ guˆ-eu miˇ neh, meuˬ laꞈ kʼoeˇ aˬ yawꞈ nyaꞈ maˬ uˇ leˇ peuˬ-a. Zaˬ miˬ zaˬ zaˬ kʼaˆ tiˬ gʼaˬ, kʼaˇ pyeuꞈ laˇ-euˬ gaˇ kawˆ deuˬ aˬ yawꞈ nyaꞈ-ahˇ dzawˇ nehˬ le-awˇ, gaˇ kawˆ kʼoeˇ aˬ yawꞈ nyaꞈ sahˬ paˬ Daˬbiˇ-ahˇ paˇ tsaꞈ gaˬ-iˇ-euˬ meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Yawˇshuˆ 15:7

Kʼoeˇ naˇ, Shaˬ zahˬ deh kʼawꞈ paw le pyawˇ-awˇ, deh kʼawꞈ-euˬ laꞈ oˆ paw paˆ jaˆ-eu Aˬduˬmiˬ gʼaˬ lahˇ paw mehˬ shiˬ pyawˇ-ehˇ,Giˇlaˇgaˬlaˇ paw paˆ le daˆ gʼeh leꞈ-awˇ, Eˬsheˬ mehˇ lawˇ kʼawꞈ-ahˇ neh Eˬloˇgeˬ-ahˇ le leꞈ-euˬ meh.

Maꞈtehˬ 22:4

Zaˬ kʼaˆ yawˬ deuˬ yawˬ-ahˇ aˬ yawꞈ paˇ pyehˬ gʼeh-awˇ, ‘Dzaˬ byawˇ lehˬ hmˬ dah taˬ-euˬ ma. Mawˇ neˇ mawˇ gaw deuˬ hawˇ-eu, cu tsuˇ taˬ-euˬ jeˬ zaˬ deuˬ sehꞈ-awˇ, yawˬ jeˬ na luꞈ laˆ dah jiˇ taˬ-euˬ ma. Oeˇ mˇ baˇ-eu bawˬ-iˬ-ahˇ laˇ-awˬ’ lehˇ paˇ bi kuˇ-iˇ-euˬ meh.

Yawˇshuˆ 18:16

Kʼoeˇ gaˇ neh naˇ, Leˬpeˬ deh kʼawꞈ-euˬ uˬ gʼmˬ-ahˇ Hiˬnoˬ deh kʼawꞈ kʼoeˇ taˆ jaˆ-eu gawˬ jawˬ-euˬ dawˬ dahˬ paw iˇ gʼeh-euˬ meh. Kʼoeˇ naˇ, Yeˬbuˇ gawˬ jawˬ dahˇ teˇ laꞈ oˆ jaˆ-eu Hiˬnoˬ deh kʼawꞈ caw caw-ehˇ, laꞈ oˆ paw jaˆ-eu Eˬloˇgeˬ meuˬ-ahˇ iˇ-euˬ meh.

1 Sahˬpaˬ 1:19

Mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ aˬ yawꞈ lawˇ-awˇ, nawˬ li deuˬ-ahˇ maˬ ehˇ, piˇ ma Aˬbyaˬdaˬ-ahˇ maˬ ehˇ, nawˬ-euˬ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-eu Yoˇbaˬ-ahˇ maˬ ehˇ, aˬ yawꞈ kuˇ-euˬ meh. Ehˇ kʼawꞈ, nawˬ li Sawˇlaˬmoˬ gʼaˬ-ahˇ aˬ yawꞈ maˬ kuˇ-a.

1 Sahˬpaˬ 1:25

Iˬ nah aˬ yawꞈ iˇ-awˇ, mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ lawˇ-iˇ-euˬ meh. Nawˬ li dawˬ tawˆ luꞈ maˬ ehˇ, nawˬ-euˬ guiˇ maꞈ deuˬ kʼoeˇ taˆ uˆ lahˇ-eu Yoˇbaˬ-ahˇ maˬ ehˇ, piˇ ma Aˬbyaˬdaˬ-ahˇ maˬ ehˇ, aˬ yawꞈ kuˇ-awˇ, nymˬ-mˇ aˬ yawꞈ maꞈ aˬ yawꞈ nehˬ-ehˇ dzaˬ taꞈ dawˇ taꞈ-eu laꞈ kʼoeˇ, ‘Sahˬ paˬ Aˬdawˇniˇyaˆ ziˇ baw ziˇ za luꞈ-uˇ’ lehˇ guˇ luꞈ meh.