1 Sahˬpaˬ 1:6 - Akha

⁶ “Nawˇ aˬ jeˬ miˇ neh teu loꞈ-ehˇ jahˇ te” lehˇ ehˇ-awˇ, aˬ yawꞈ-euˬ aˬ da aˬ yawꞈ-ahˇ tiˬ jawˇ-iˬ tiˬ jeˬ-iˬ maˬ laˆ tsoeˬ nehˬ haw-aˬ. Aˬ yawꞈ-aˬ, pyawˬ naˬ aˇ gʼehˇ muiˬ dui dui-awˇ, shiˇ dzeuˇ-euˬ Aˬbaˇsaˬloˬ jiˇ naˇ, sahˬ paˬ zaˬ yo deuˬ laꞈ kʼoeˇ aˬ cawˬ naˆ maˬ tseˇ yuiꞈ dzehˬ-eu gʼaˬ pyeuꞈ-eu meh.

1 Sahˬpaˬ 1:6 Referans Kwoze

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

Dawqdaq 29:15

Zaˬ-ahˇ diˬ diˬ-ehˇ mehˬ nehˬ tsoˆ nehˬ-eu jeˬ-aˬ, zaˬ gʼaˇ duˬ muiˬ-eu meh. Kʼaˇ dehꞈ mawꞈ-eu bi dehꞈ naˇ, aˬ ma-euˬ myaˆ pyawˬ-ahˇ kʼaˬ naˆ sawˆ nya-eu meh.

Dawqdaq 22:15

Zaˬ laꞈ kʼoeˇ aˬ dzawˬ aˇ gah nui ma ahˇ-awˇ, daˇ cuiˇ neh mehˬ-awˇ ya teh doˆ-eu meh.

1 Laˬsaˬbaˬ 3:2

Smˇ gʼaˬ tiˬ gʼaˬ-aˬ, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ meh. Oeˬ gʼaˬ tiˬ gʼaˬ-aˬ, Haˬgiˇdaˇ o neh dehꞈ le-euˬ Aˬdawˇniˇyaˆ meh.

2 Saˬmeuˬlaˆ 14:25

Iˇsaˬleˬlaˆ miˇ kʼahˬ laꞈ kʼoeˇ, Aˬbaˇsaˬloˬ loꞈ-ehˇ seuˆ dzeuꞈ aˇ gʼehˇ muiˬ-awˇ, tsawˇ myahˇ doˆ-eu tsawˇ haˬ tiˬ gʼaˬ-iˬ maˬ jawˇ-a. Uˬ duˬ-ahˇ neh aˬ kuiˇ pehˬ zaˬ-ahˇ keuˆ ni, ehˇ kʼaˇ za-eu tiˬ tsahˇ-iˬ maˬ jaˆ-a.

1 Saˬmeuˬlaˆ 10:23

Kʼoeˇ ngeh, aˬ yawꞈ maꞈ cehˆ gʼeh-awˇ, Sawˇluˆ-ahˇ gʼeu doˆ laˬ-iˇ-euˬ meh. Yawˬ gʼaˬ na luꞈ naˆ maˬ tseˇ Sawˇluˆ uˬ duˬ tiˬ siˬ goˇ dzehˬ gaˇ aˬ yawꞈ maꞈ ya mawˇ-euˬ meh.

1 Saˬmeuˬlaˆ 9:2

Giˇshaˆ-aˬ, Sawˇluˆ lehˇ myahˇ-euˬ huiˬ loˆ laˇ-euˬ aˬ li tiˬ li jawˇ-eu meh. Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ naˆ maˬ tseˇ uˬ duˬ tiˬ siˬ goˇ dzehˬ-awˇ, dawˬ tawˆ luꞈ naˆ maˬ tseˇ aˇ gʼehˇ muiˬ dui dui-eu zaˬ guˬ tiˬ gʼaˬ pyeuꞈ-eu meh.

1 Sahˬpaˬ 2:22

Sahˬ paˬ Sawˇlaˬmoˬ ehˇ-eu, “Shuˇneˬ meuˬ-ahˇ jawˇ-eu Aˬbiˇshehˇ-ahˇ Aˬdawˇniˇyaˆ bi sheuˬ-awˬ lehˇ, aˬ jeˬ baˬ da neh nawˇ ngaˬ-ahˇ shaˇ te. Ngaˬ-euˬ miˇ kʼahˬ kʼawꞈ aˬ yawꞈ-ahˇ biꞈ-awˬ lehˇ shaˇ-awˬ tawˇ. Dawˬ tawˆ luꞈ ya ehˇ jiˇ naˇ, aˬ yawꞈ ngaˬ-euˬ aˇ doˆ pyeuꞈ-awˇ, piˇ ma Aˬbyaˬdaˬ hawˇ-eu Zeˬluˇyaˆ-euˬ aˬ li Yoˇbaˬ aˬ ha nyaꞈ kʼawꞈ, aˬ yawꞈ jawˇ paw pyawˬ-eu meh.”