1 Sahˬpaˬ 1:5 - Akha

⁵ Haˬgiˇdaˇ o neh dehꞈ le-euˬ Daˬbiˇ-euˬ aˬ li Aˬdawˇniˇyaˆ-aˬ, aˬ yawˇ yawꞈ taˬ huiˬ taˬ mahˇ-eu laꞈ kʼoeˇ, “Ngaˇ sahˬ paˬ geuꞈ ma” lehˇ ehˇ-awˇ, aˬ yawꞈ zmˬ-eu gʼaˇ duˬ mahˬ laˆ lawˬ hawˇ-eu mahˬ maˬ ehˇ, aˬ yawꞈ-euˬ mehˬ shi cah-awˇ aˬ yawꞈ-ahˇ bi loꞈ piˇ-eu gʼaˇ duˬ yehˇ ngaˬ tseˇ gʼaˬ maˬ ehˇ, lehˬ hmˬ taˬ-euˬ meh.

1 Sahˬpaˬ 1:5 Referans Kwoze

2 Saˬmeuˬlaˆ 15:1

Kʼoeˇ naˇ, Aˬbaˇsaˬloˬ-aˬ, aˬ yawꞈ zmˬ-eu gʼaˇ duˬ mahˬ laˆ lawˬ tiˬ laˇ hawˇ-eu mahˬ deuˬ lehˬ hmˬ-awˇ, aˬ yawꞈ-euˬ mehˬ shi cah-awˇ aˬ yawꞈ-ahˇ bi loꞈ piˇ-eu tsawˇ haˬ ngaˬ tseˇ gʼaˬ lehˬ hmˬ taˬ-euˬ meh.

2 Saˬmeuˬlaˆ 3:4

Haˬgiˇdaˇ o neh dehꞈ le-euˬ Aˬdawˇniˇyaˆ, Aˬbiˇtaˬlaˆ o neh dehꞈ le-euˬ Sheˬpaˬtiˇ,

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Iˇsaˬyaˇ 2:7

Aˬ yawꞈ maꞈ miˇ kʼahˬ-ahˇ pyuˇ hawˇ-eu shuiˇ byehˬ dui dui-awˇ, maˬ ehˇ jiˇ coeˇ gaˇ keuˆ ni jaˆ-eu meh. Aˬ yawꞈ maꞈ-euˬ miˇ kʼahˬ mahˬ jawˇ myaˬ dui dui-awˇ, mahˬ laˆ lawˬ maˬ gui jiˇ coeˇ-a.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

1 Laˬsaˬbaˬ 29:1

Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

1 Sahˬpaˬ 2:24

Sahˬpaˬ Miˬyehˇ ngaˬ-ahˇ ngaˬ da Daˬbiˇ-euˬ nuiˇ mahˬ kʼoeˇ taˆ ziꞈ dah ni bi nuiˇ laꞈ-euˬ meh. Aˬ yawꞈ neh dzaˬ taˬ-euˬ saˇ jaˇ-ahˇ aˬ yawꞈ ziꞈ luꞈ-eu laꞈ kʼoeˇ, ngaˇ hawˇ-eu ngaˬ-euˬ zaˬ ngaˬ-euˬ uˆ deuˬ-ahˇ, miˇ kʼahˬ heu kʼahˬ a nehˬ laꞈ gʼaˬ-euˬ meh. Iˬ nah Aˬdawˇniˇyaˆ ya shiˇ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ ehˇ tsehˆ-eu ma.”

1 Sahˬpaˬ 1:11

Kʼoeˇ naˇ, Sawˇlaˬmoˬ-euˬ aˬ ma Baˬsheˬba jawˇ gaˇ Naˬdaˬ iˇ-awˇ ehˇ nehˬ-eu, “Haˬgiˇdaˇ-euˬ aˬ li Aˬdawˇniˇyaˆ gʼaˬ, yawˬ haˇ yawˬ ha sahˬ paˬ tsaˬ geuꞈ gʼaˬ-awˇ, gaˇ kawˆ kʼoeˇ sahˬ paˬ Daˬbiˇ maˬ siˬ nya-aˬ siˬ lehˇ ja-eu nawˇ gaˬ maˬ loˇ.

Doˆ-iˇ 9:17

Ehˇ kʼawꞈ, iˬ nah keuˆ ni nawˇ nui ma huiˬ-awˇ, ngaˬ-euˬ tsawˇ haˬ-ahˇ maˬ pyehˬ nehˬ ni jawˇ luꞈ-eu meh.

1 Laˬsaˬbaˬ 3:2

Smˇ gʼaˬ tiˬ gʼaˬ-aˬ, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ meh. Oeˬ gʼaˬ tiˬ gʼaˬ-aˬ, Haˬgiˇdaˇ o neh dehꞈ le-euˬ Aˬdawˇniˇyaˆ meh.

Yaˇ kʼaˬ daˇ 9:2

“Sheˬkmˬ meuˬ-ahˇ jawˇ-eu tsawˇ haˬ-ahˇ heu loꞈ-ehˇ naˇ haˬ-iˇ-sheˇ. Giˇdoˬ-euˬ aˬ li shiꞈ tseˇ gʼaˬ luꞈ bi uˆ lahˇ-eu loˇ. Maˬ ngeuˇ naˇ, tiˬ gʼaˬ tehꞈ-ehˇ bi uˆ lahˇ-eu loˇ lehˇ naˇ haˬ haw sheˇ. Aˬbiˇmaˬlehˆ-aˬ, naw maꞈ-euˬ shiˬ shaˬ pyeuꞈ-eu gaˇ taˬ ngehˇ lawˬ lehˇ ehˇ nehˬ-awˬ.”

1 Sahˬpaˬ 1:4

Aˇ gʼehˇ muiˬ dui dui-eu zaˬ miˬ aˬ buˇ kʼoeˇ gʼaˬ, sahˬ paˬ-ahˇ loꞈ-awˇ bo saˆ nehˬ-euˬ meh. Ehˇ kʼawꞈ, zaˬ miˬ aˬ buˇ kʼoeˇ gʼaˬ nehˬ-ehˇ sahˬ paˬ maˬ yuꞈ taꞈ-a.

1 Sahˬpaˬ 2:15

Aˬ yawꞈ ehˇ-eu, “Ngaˇ sahˬ paˬ geuꞈ-eu tsaˬ meh lehˇ nawˇ siˬ nya meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ, kʼoeˇ loꞈ-ehˇ noeˬ-eu meh. Ehˇ kʼawꞈ, kʼaˇ noeˬ-euˬ loꞈ-ehˇ maˬ pyeuꞈ laˇ-ehˇ, ngaˬ-euˬ aˬ nyiˇ gʼaˬ sahˬ paˬ pyeuꞈ laˇ-euˬ meh. Aˬ jeˬ miˇ neh ehˇ naˇ, aˬ yawꞈ sahˬ paˬ pyeuꞈ laˇ ni Sahˬpaˬ Miˬyehˇ nui ma tsaˬ-eu meh.

1 Sahˬpaˬ 2:13

Kʼoeˇ naˇ, Haˬgiˇdaˇ-euˬ aˬ li Aˬdawˇniˇyaˆ-aˬ, Sawˇlaˬmoˬ-euˬ aˬ ma Baˬsheˬba jawˇ gaˇ le-euˬ meh. “Yaw muiˬ jeˬ gaˇ kawˆ-ahˇ neh laˇ-euˬ ma loˇ” lehˇ Baˬsheˬba naˇ haˬ ngeh, “Ngeuˇ ma” lehˇ aˬ yawꞈ ehˇ kʼoꞈ nehˬ-euˬ meh.