1 Sahˬpaˬ 1:44 - Akha

⁴⁴ Piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ-ahˇ aˬ yawꞈ pyehˬ gʼeh-awˇ, Sawˇlaˬmoˬ-ahˇ bi sheuˬ gʼeh-euˬ meh. Aˬ yawꞈ maꞈ neh Sawˇlaˬmoˬ-ahˇ sahˬ paˬ-euˬ mahˬ shaˆ lawˬ bi dziˬ-euˬ meh.

1 Sahˬpaˬ 1:44 Referans Kwoze

1 Saˬmeuˬlaˆ 30:14

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu Sheˬleˬdiˇ tsawˇ jeuˬ-euˬ miˇ kʼahˬ hawˇ-eu, Gaˬlehˆ tsawˇ jeuˬ-euˬ miˇ kʼahˬ-ahˇ nga maꞈ guiˇ deuˆ-awˇ, Ziˇkaˬlehˆ meuˬ-ahˇ nga maꞈ miˬ dzaˬ keuˬ dzeh yaꞈ-euˬ ma.”

2 Saˬmeuˬlaˆ 8:18

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, Daˬbiˇ-euˬ aˬ li deuˬ-aˬ, piˇ ma geuꞈ-euˬ meh.

1 Sahˬpaˬ 1:43

Yawˇnaˆshaˬ ehˇ-eu, “Laˬ kʼaˬ cehˇ paˬ-ehˇ gʼeh-eu dawˬ tsaꞈ gaˬ le-euˬ maˬ ngeuˇ. Aˬ dui-euˬ sahˬ paˬ Daˬbiˇ neh Sawˇlaˬmoˬ-ahˇ sahˬ paˬ ka nehˬ gʼaˬ-euˬ meh.

1 Sahˬpaˬ 1:45

Piˇ ma Zaˬdoˆ hawˇ-eu, Miˬyehˇ gʼaˇ duˬ ngehˬ dah-eu Naˬdaˬ aˬ nyaꞈ neh, Giˇhoˬ iˇ cuꞈ lawˇ gawˆ dawˬ peh aˬ yawꞈ-ahˇ tsiˇ shehˆ daˆ nehˬ-awˇ, sahˬ paˬ ka nehˬ-euˬ meh. Kʼoeˇ naˇ, aˬ yawꞈ maꞈ laˬ kʼaˬ cehˇ-eu laꞈ kʼoeˇ guˇ guˇ-ehˇ meuˬ-ahˇ gʼoꞈ uˇ laˇ-awˇ, meuˬ-ahˇ jawˇ-eu tsawˇ haˬ deuˬ luiˬ gʼa luꞈ meh. Naw maꞈ ya gaˬ-eu teˇ saˇ kʼoeˇ-aˬ, tsawˇ haˬ kʼoeˇ deuˬ luiˬ gʼa luꞈ-eu teˇ saˇ meh.

Aˇ dahˬ 36:24

Aˬiˇyaˬ hawˇ-eu Aˇnahˬ lehˇ myahˇ-euˬ Ziˇbyoˬ-euˬ aˬ li nyiˬ li jawˇ-eu meh. Bawˇ tsahˬ bawˇ dahˇ-ahˇ aˬ yawꞈ aˬ da-euˬ mahˬ tahˬ laˆ bo luꞈ ngeh, cuˬ tiˬ cuˬ mawˇ-euˬ gʼaˬ-aˬ, Aˇnahˬ meh.

2 Saˬmeuˬlaˆ 20:7

Yoˇbaˬ-euˬ yehˇ deuˬ maˬ ehˇ, sahˬ paˬ-ahˇ loꞈ piˇ-eu yehˇ deuˬ maˬ ehˇ, yehˇ nui deuˬ maˬ ehˇ, Aˬbiˇshaiˇ nehˬ-ehˇ iˇ-awˇ, Sheˬba-euˬ mehˬ nah teh-iˇ-euˬ meh.

1 Sahˬpaˬ 1:33

Aˬ yawꞈ maꞈ-ahˇ sahˬ paˬ ehˇ nehˬ-eu, “Ngaˬ-euˬ saˇ naˇ gaˇ mˇ-eu yaw huiˬ yaw mahˇ deuˬ-ahˇ naw maꞈ sheuˬ-awˇ, ngaˬ li Sawˇlaˬmoˬ-ahˇ ngaˬ-euˬ mahˬ shaˆ lawˬ bi dziˬ-awˇ, Giˇhoˬ iˇ cuꞈ lawˇ gawˆ-ahˇ sheuˬ gʼeh-awˬ.

1 Laˬsaˬbaˬ 6:8

Zaˬdoˆ, Aˬhiˇmaˆ,

1 Laˬsaˬbaˬ 17:1

Nymˬ-mˇ poˆ jawˇ, sahˬ paˬ Daˬbiˇ-aˬ, aˬ yawꞈ-euˬ sahˬ paˬ hawˇ nymˇ laꞈ kʼoeˇ jawˇ luꞈ-eu meh. Tiˬ nah keuˆ laˇ ngeh, Miˬyehˇ gʼaˇ duˬ ngehˬ dah-eu Naˬdaˬ-ahˇ bi kuˇ laˬ-iˇ-awˇ, “Ngaˇ-aˬ, shuˬ liˇ daˇ kawˬ neh tsoˆ taˬ-euˬ muiˬ dui dui-eu nymˇ laꞈ kʼoeˇ jawˇ luꞈ ma. Ehˇ kʼawꞈ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ jaˆ luꞈ-a siˬ” lehˇ ehˇ nehˬ-euˬ meh.

1 Laˬsaˬbaˬ 18:17

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, sahˬ paˬ Daˬbiˇ-euˬ aˬ li deuˬ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ geuꞈ-euˬ meh.