1 Sahˬpaˬ 1:21 - Akha

²¹ Nawˇ tiˬ jeˬ-iˬ maˬ ehˇ ni jawˇ naˇ, nawˇ ziˇ dehꞈ jiˇ-eu nehˬ-ehˇ, nawˬ li Sawˇlaˬmoˬ nga nyaꞈ ma zaˬ-ahˇ, aˬ yawꞈ maꞈ-ahˇ puiˬ-eu tsawˇ haˬ lehˇ sawˇ nehˬ laꞈ-eu yaw duˬ baw tehꞈ-a.”

1 Sahˬpaˬ 1:21 Referans Kwoze

1 Sahˬpaˬ 2:10

Kʼoeˇ naˇ, Daˬbiˇ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

1 Sahˬpaˬ 2:15

Aˬ yawꞈ ehˇ-eu, “Ngaˇ sahˬ paˬ geuꞈ-eu tsaˬ meh lehˇ nawˇ siˬ nya meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ, kʼoeˇ loꞈ-ehˇ noeˬ-eu meh. Ehˇ kʼawꞈ, kʼaˇ noeˬ-euˬ loꞈ-ehˇ maˬ pyeuꞈ laˇ-ehˇ, ngaˬ-euˬ aˬ nyiˇ gʼaˬ sahˬ paˬ pyeuꞈ laˇ-euˬ meh. Aˬ jeˬ miˇ neh ehˇ naˇ, aˬ yawꞈ sahˬ paˬ pyeuꞈ laˇ ni Sahˬpaˬ Miˬyehˇ nui ma tsaˬ-eu meh.

2 Saˬmeuˬlaˆ 7:12

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ gʼaˬ-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ-ahˇ baoˬ huiˬ-eu miˇ kʼahˬ tiˬ kʼahˬ bi pyeuꞈ laˇ ma.

Aˇ dahˬ 15:15

Nawˇ-aˬ, mawˬ-iˇ ngeh keuˆ ni saˇ lehˆ ni ya dehꞈ-awˇ, coꞈ ngehˇ ni ziˇ ya dehꞈ jiˇ-eu uˬ taꞈ, aˬ cawˬ nawˬ-ahˇ yaw muiˬ-ehˇ baꞈ pahˬ nehˬ laꞈ tehꞈ-a.

1 Sahˬpaˬ 1:20

Sahˬ paˬ-oˇ, nawˇ jiˇ naˇ, nawˬ-euˬ dah zaˇ aˬ geu gʼaˬ-ahˇ sahˬ paˬ bi geuꞈ ma lehˇ nawˇ ehˇ laˇ gaˇ, Iˇsaˬleˬlaˆ tsawˇ haˬ dawˬ tawˆ luꞈ naˬ bawˇ ciˬ kʼmˇ taˬ-euˬ meh.

1 Sahˬpaˬ 1:22

Aˬ yawꞈ sahˬ paˬ-ahˇ dawˬ ngehˬ cawˬ luꞈ ngeh, sahˬ paˬ-euˬ hawˇ nymˇ-ahˇ Naˬdaˬ laˇ keuˆ-euˬ meh.

Yaˇ kʼaˬ daˇ 9:5

Awˇpaˬlaˇ meuˬ-ahˇ, aˬ yawꞈ-euˬ aˬ da-euˬ nymˇ-ahˇ aˬ yawꞈ iˇ-awˇ, Giˇdoˬ-euˬ aˬ li deuˬ pyeuꞈ-eu aˬ yawꞈ-euˬ mehˇ nmˇ shiꞈ tseˇ gʼaˬ-ahˇ kʼaˬ lo tiˬ siˬ kʼoeˇ taˆ tehꞈ-ehˇ sehꞈ daˆ jiˇ nehˬ-euˬ meh. Ehˇ kʼawꞈ, Giˇdoˬ-euˬ aˬ li zaˬ saˬ gʼaˬ pyeuꞈ-eu Yoˇdamˬ gʼaˬ cehˆ zaꞈ-awˇ, maˬ bi sehꞈ ni law-iˇ-euˬ meh.

1 Sahˬpaˬ 1:12

Ngaˇ nawˬ-ahˇ heu loꞈ-ehˇ ja noeˬ ja duˇ nehˬ nyaˇ. Nawˇ hawˇ-eu nawˬ li Sawˇlaˬmoˬ maˬ ya shiˇ ni dehꞈ mawꞈ te lehˇ ngeuˇ naˇ, heu loꞈ-ehˇ jahˇ-awˬ.

2 Laˬsaˬbaˬ 22:10

Sahˬ paˬ Aˬhaˬziˇ-euˬ aˬ ma Aˬdaˬliˇ-aˬ, aˬ yawꞈ-euˬ aˬ li shiˇ-euˬ gaˇ kawˆ ya gaˬ ngeh, Yuˇdaˆ sahˬ paˬ-euˬ miˬ sawˇ zaˬ dawˬ tawˆ luꞈ-ahˇ sehꞈ-awˬ lehˇ dawˬ biꞈ-euˬ meh.