1 Sahˬpaˬ 1:2 - Akha

² Kʼoeˇ ngeh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ-ahˇ, “Sahˬ paˬ-oˇ, nawˬ-ahˇ bi bo saˆ-eu gʼaˇ duˬ, nga maꞈ-ahˇ zaˬ miˬ aˬ buˇ zaˬ guˬ tiˬ gʼaˬ bi poˆ-iˇ laꞈ-awˬ. Aˬ yawꞈ nawˬ-euˬ dawˬ peh yuꞈ-awˇ, nawˬ-ahˇ yaw gaˆ laˆ lmˇ nehˬ laꞈ tehꞈ-a” lehˇ ehˇ nehˬ-euˬ meh.

1 Sahˬpaˬ 1:2 Referans Kwoze

Miˇkaˬ 7:5

Yawˬ ha-euˬ cawˬ deuˬ-ahˇ taˬ jah. Yawˬ ha-ahˇ gʼoeˇ dui dui-eu deuˬ-ahˇ gʼaˬ taˬ huiˬ. Yawˬ ha-euˬ miˬ zaˬ-ahˇ dawˬ ngehˬ cawˬ ngeh kʼawꞈ, yaw kʼaˆ kʼaˆ-ehˇ yahˇ-awˇ ngehˬ cawˬ-awˬ.

Dawˬ tsoˆ 4:11

Yaw gaˆ gaˆ ngeh nyiˬ gʼaˬ tiˬ kawˆ loꞈ-ehˇ yuꞈ naˇ lmˇ laˇ-eu meh. Ehˇ kʼawꞈ tiˬ gʼaˬ tehꞈ naˇ, yawˬ haˇ yawˬ ha aˬ joˆ-ehˇ laˆ lmˇ nmˇ.

Aˇ dahˬ 16:5

Kʼoeˇ ngeh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Haˬgaˬlaˇ ngaˬ-ahˇ yaw zeu maˬ baw-eu-aˬ, nawˬ-ahˇ neh ahˇ-eu meh. Ngaˬ neh nawˬ-ahˇ mehˬ-awˇ aˬ yawꞈ-ahˇ bi yuˇ-euˬ ma. Ehˇ kʼawꞈ, yawˬ haˇ yawˬ ha aˬ nyiˇ pi leˇ-euˬ miˇ-a lehˇ siˬ leˇ ngeh tiˬ nah neh, Haˬgaˬlaˇ ngaˬ-ahˇ yaw zeu maˬ baw-a. Nawˇ lehˬ-eu nga loˇ, ngaˇ lehˬ-eu nga loˇ lehˇ, Sahˬpaˬ Miˬyehˇ yaˇ kʼaˬ daˇ nehˬ laꞈ luꞈ-uˇ.”

2 Saˬmeuˬlaˆ 12:3

Ehˇ kʼawꞈ, iˇ shaˬ iˇ taw gʼaˬ-aˬ, yawˇ zaˬ tiˬ mawˇ tehꞈ-ehˇ zeuˇ-awˇ cu luꞈ-eu meh. Yawˇ kʼoeˇ mawˇ-ahˇ aˬ yawꞈ yaw muiˬ paˬ-ehˇ bo saˆ-awˇ, aˬ yawꞈ-euˬ nymˇ laꞈ kʼoeˇ, aˬ yawꞈ-euˬ zaˬ deuˬ nehˬ-ehˇ tiˬ kawˆ loꞈ-ehˇ jawˇ jawˇ-ehˇ huiˬ laˇ luꞈ-eu meh. Yawˇ kʼoeˇ mawˇ-ahˇ aˬ yawꞈ dzaˬ-eu dzaˇ bi dzaˬ-eu uˬ taꞈ, aˬ yawꞈ dawˇ-eu iˇ cuꞈ naˬ bo-ahˇ iˇ cuꞈ bi dawˇ-awˇ, aˬ yawꞈ-euˬ bawˇ kʼahˇ-ahˇ ciˬ ahˇ-awˇ bo saˆ-euˬ meh. Yawˇ kʼoeˇ mawˇ-aˬ, aˬ yawꞈ gʼaˇ duˬ aˬ buˇ tiˬ buˇ-ahˇ duˇ-eu meh.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

2 Laˬsaˬbaˬ 29:11

Ngaˬ li deuˬ-oˇ, aˇ yamˬ yawꞈ ngehꞈ-ehˇ taˬ paˇ bi dzeuˇ-iˇ. Yaw saw jeˬ doꞈ damˬ-eu gʼaˇ duˬ maˬ ehˇ, miˇ kʼahˬ zaˬ deuˬ aˬ yawꞈ-ahˇ uˬ duˬ tahˬ gaˇ bi sheuˬ gʼeh-eu gʼaˇ duˬ maˬ ehˇ, naw maꞈ-ahˇ Sahˬpaˬ Miˬyehˇ tseˇ doˆ-euˬ meh.”

1 Sahˬpaˬ 1:1

Nymˬ-mˇ poˆ jawˇ, sahˬ paˬ Daˬbiˇ tsawˇ mawˬ mawˬ dui dui laˇ-euˬ miˇ neh, aˬ yawꞈ-euˬ zaˬ kʼaˆ deuˬ aˬ yawꞈ-ahˇ aˇ bui sheu dm nehˬ kʼawꞈ, yaw gaˆ maˬ lmˇ leˇ-a.

1 Sahˬpaˬ 1:3

Kʼoeˇ naˇ, Iˇsaˬleˬlaˆ miˇ kʼahˬ doe ni aˬ yawꞈ maꞈ iˇ-awˇ, aˇ gʼehˇ muiˬ-eu zaˬ miˬ aˬ buˇ tiˬ gʼaˬ shaˇ poˆ-iˇ-euˬ meh. Shuˇneˬ meuˬ-ahˇ jawˇ-eu Aˬbiˇshehˇ lehˇ myahˇ-euˬ zaˬ miˬ aˬ buˇ tiˬ gʼaˬ aˬ yawꞈ maꞈ poˆ mawˇ-awˇ, sahˬ paˬ jawˇ gaˇ sheuˬ kʼoꞈ gʼeh-euˬ meh.

Iˇsaˬtaˆ 2:2

Kʼoeˇ miˇ neh sahˬ paˬ-euˬ dawˬ peh jawˇ-awˇ nui noeˬ nui duˇ biꞈ-eu deuˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ-euˬ gʼaˇ duˬ aˇ gʼehˇ muiˬ-eu miˬ daꞈ daꞈ shuiꞈ deuˬ-ahˇ bi poˆ uiˬ-awˬ.