1 Sahˬpaˬ 1:11 - Akha

¹¹ Kʼoeˇ naˇ, Sawˇlaˬmoˬ-euˬ aˬ ma Baˬsheˬba jawˇ gaˇ Naˬdaˬ iˇ-awˇ ehˇ nehˬ-eu, “Haˬgiˇdaˇ-euˬ aˬ li Aˬdawˇniˇyaˆ gʼaˬ, yawˬ haˇ yawˬ ha sahˬ paˬ tsaˬ geuꞈ gʼaˬ-awˇ, gaˇ kawˆ kʼoeˇ sahˬ paˬ Daˬbiˇ maˬ siˬ nya-aˬ siˬ lehˇ ja-eu nawˇ gaˬ maˬ loˇ.

1 Sahˬpaˬ 1:11 Referans Kwoze

2 Saˬmeuˬlaˆ 3:4

Haˬgiˇdaˇ o neh dehꞈ le-euˬ Aˬdawˇniˇyaˆ, Aˬbiˇtaˬlaˆ o neh dehꞈ le-euˬ Sheˬpaˬtiˇ,

1 Laˬsaˬbaˬ 29:1

Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.

2 Saˬmeuˬlaˆ 15:10

Ehˇ kʼawꞈ, Iˇsaˬleˬlaˆ tsawˇ jeuˬ dawˬ tawˆ luꞈ jawˇ gaˇ Aˬbaˇsaˬloˬ tsawˇ haˬ pyehˬ gʼeh-awˇ, “Daˇ heh baw-eu teˇ saˇ-ahˇ naw maꞈ ya gaˬ ngeh, Heˬbyoˬ meuˬ-ahˇ Aˬbaˇsaˬloˬ sahˬ paˬ pyeuꞈ laˇ gʼaˬ-euˬ meh lehˇ guˇ-awˬ” lehˇ bi tsaꞈ gaˬ doe-iˇ-euˬ meh.

1 Sahˬpaˬ 1:10

Ehˇ kʼawꞈ, aˬ yawꞈ-euˬ mehˇ nmˇ Sawˇlaˬmoˬ-ahˇ maˬ ehˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ maˬ ehˇ, Baˬnaˇyaˬ-ahˇ maˬ ehˇ, sahˬ paˬ-ahˇ loꞈ piˇ-eu guiˇ maꞈ-ahˇ maˬ ehˇ, aˬ yawꞈ maˬ kuˇ-a.

1 Sahˬpaˬ 2:13

Kʼoeˇ naˇ, Haˬgiˇdaˇ-euˬ aˬ li Aˬdawˇniˇyaˆ-aˬ, Sawˇlaˬmoˬ-euˬ aˬ ma Baˬsheˬba jawˇ gaˇ le-euˬ meh. “Yaw muiˬ jeˬ gaˇ kawˆ-ahˇ neh laˇ-euˬ ma loˇ” lehˇ Baˬsheˬba naˇ haˬ ngeh, “Ngeuˇ ma” lehˇ aˬ yawꞈ ehˇ kʼoꞈ nehˬ-euˬ meh.