1 Sahˬpaˬ 1:1 - Akha

¹ Nymˬ-mˇ poˆ jawˇ, sahˬ paˬ Daˬbiˇ tsawˇ mawˬ mawˬ dui dui laˇ-euˬ miˇ neh, aˬ yawꞈ-euˬ zaˬ kʼaˆ deuˬ aˬ yawꞈ-ahˇ aˇ bui sheu dm nehˬ kʼawꞈ, yaw gaˆ maˬ lmˇ leˇ-a.

1 Sahˬpaˬ 1:1 Referans Kwoze

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

1 Laˬsaˬbaˬ 23:1

Daˬbiˇ tsawˇ mawˬ mawˬ dui dui laˇ ngeh, aˬ yawꞈ-euˬ aˬ li Sawˇlaˬmoˬ-ahˇ Iˇsaˬleˬlaˆ sahˬ paˬ ka nehˬ-euˬ meh.

2 Saˬmeuˬlaˆ 5:4

Daˬbiˇ sahˬ paˬ pyeuꞈ laˇ ngeh, aˇ kʼoꞈ smˬ tseˇ byah-awˇ, oeˬ tseˇ kʼoꞈ ehˇ gʼaˬ ni sahˬ paˬ geuꞈ-awˇ uˆ lahˇ-euˬ meh.

Aˇ dahˬ 24:1

Aˬbyaˬhaˬ mawˬ dui dui laˇ-awˇ, aˬ yawꞈ kʼaˇ mˇ-eu jeˬ laꞈ kʼoeˇ Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ meh.

Aˇ dahˬ 18:11

Aˬbyaˬhaˬ hawˇ-eu Saˬlaˇ-aˬ, aˇ kʼoꞈ kʼawˆ laˇ-awˇ, tsawˇ mawˬ mawˬ laˇ-euˬ meh. Saˬlaˇ-aˬ, ba la dahˬ-iˇ-awˇ, zaˬ ciˬ zaˬ cu mˇ-eu aˇ yamˬ dzeuˇ-iˇ gʼaˬ-euˬ meh.

Luˇkaꞈ 1:7

Eˇliˇsaˬbehˆ maˬ baw aˬ ma pyeuꞈ-eu miˇ neh, aˬ nyaꞈ dzeˇ zaˬ zaˬ maˬ jawˇ-ehˇ, nyiˬ gʼaˬ luꞈ mawˬ dui dui le-euˬ meh.

2 Saˬmeuˬlaˆ 24:25

Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu je lawˇ nehˬ-euˬ meh. Kʼoeˇ ngeh, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-awˇ, Iˇsaˬleˬlaˆ tsawˇ haˬ deuˬ-euˬ kʼoeˇ taˆ bi keuˆ le-euˬ yaw jaw naˇ-eu naˇ gawˇ kʼoeˇ byoˆ-iˇ-euˬ meh.

1 Sahˬpaˬ 1:2

Kʼoeˇ ngeh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ-ahˇ, “Sahˬ paˬ-oˇ, nawˬ-ahˇ bi bo saˆ-eu gʼaˇ duˬ, nga maꞈ-ahˇ zaˬ miˬ aˬ buˇ zaˬ guˬ tiˬ gʼaˬ bi poˆ-iˇ laꞈ-awˬ. Aˬ yawꞈ nawˬ-euˬ dawˬ peh yuꞈ-awˇ, nawˬ-ahˇ yaw gaˆ laˆ lmˇ nehˬ laꞈ tehꞈ-a” lehˇ ehˇ nehˬ-euˬ meh.

1 Sahˬpaˬ 1:15

Kʼoeˇ naˇ, sahˬ paˬ yuꞈ-eu lawˆ-ahˇ Baˬsheˬba le uˇ-awˇ, sahˬ paˬ-ahˇ tahˬ puˬ leˇ-euˬ meh. Sahˬpaˬ mawˬ dui dui laˇ-awˇ, Shuˇneˬ meuˬ-ahˇ jawˇ-eu Aˬbiˇshehˇ lehˇ myahˇ-euˬ zaˬ miˬ aˬ buˇ kʼoeˇ gʼaˬ sahˬ paˬ-ahˇ bo saˆ luꞈ-eu meh.

Dawˬ tsoˆ 4:11

Yaw gaˆ gaˆ ngeh nyiˬ gʼaˬ tiˬ kawˆ loꞈ-ehˇ yuꞈ naˇ lmˇ laˇ-eu meh. Ehˇ kʼawꞈ tiˬ gʼaˬ tehꞈ naˇ, yawˬ haˇ yawˬ ha aˬ joˆ-ehˇ laˆ lmˇ nmˇ.

Yawˇshuˆ 13:1

Yawˇshuˆ tsawˇ mawˬ mawˬ dui dui le-euˬ meh. Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˇ tsawˇ mawˬ mawˬ dui dui le-euˬ meh. Ehˇ kʼawꞈ, za paˬ-ehˇ gʼeh-eu miˇ kʼahˬ gʼawˬ mya ni jaˆ-a siˬ.