1 Laˬsaˬbaˬ 5:23 - Akha

²³ Nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ-aˬ, Baˬshaˬ miˇ kʼahˬ-ahˇ jawˇ-awˇ, laꞈ taˆ paw Baˬlaˇheˬlaˬmoˬ meuˬ, Seˬnyaˬ meuˬ hawˇ-eu Heˬlaˬmoˬ gawˬ jawˬ-ahˇ keuˆ ni jawˇ keuˆ-euˬ meh. Aˬ yawꞈ maꞈ tsawˇ haˬ myaˬ dui behˇ dui dui laˇ luꞈ-eu meh.

1 Laˬsaˬbaˬ 5:23 Referans Kwoze

Dawˬ caˇ 4:8

Ngaˬ-euˬ zaˬ kʼaˬ-oˇ, Leˬbaˬnoˬ gawˬ jawˬ-ahˇ neh ngaˬ nehˬ-ehˇ oe-awˬ. Leˬbaˬnoˬ gawˬ jawˬ-ahˇ neh caw teh gʼeh leꞈ-awˬ. Aˬmaˬnaˬ gawˬ jawˬ uˬ du neh zaꞈ ka le-awˬ. Aˇ laˬ jaˬ shiˇ hawˇ-eu kʼaˬ zuiˬ kʼaˬ laˬ jawˇ duˬ pyeuꞈ-eu Seˬnyaˬ gawˬ jawˬ hawˇ-eu Heˬlaˬmoˬ gawˬ jawˬ-ahˇ neh zaꞈ ka le-awˬ.

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Yawˇshuˆ 13:11

Giˇlaˆ meuˬ maˬ ehˇ, Geˬshuˇlaˆ hawˇ-eu Mawˇkah gahˬ kaˬ maˬ ehˇ, Heˬlaˬmoˬ gawˬ jawˬ jawˬ lah ni maˬ ehˇ, Saˬleˬkaˬ-ahˇ keuˆ ni ahˇ-eu Baˬshaˬ gahˬ kaˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ jaˆ-eu meh.

1 Laˬsaˬbaˬ 5:24

Aˬ yawꞈ maꞈ-euˬ tsawˇ jeuˬ laꞈ kʼoeˇ, aˇ jeuˬ deuˬ-euˬ kʼoeˇ taˆ aˬ yuiꞈ geuꞈ-euˬ deuˬ-aˬ, Eˇpeuˬ, Iˇshiˇ, Eˇliˇlaˆ, Aˬzaˬleˬlaˇ, Yeˬlaˬmiˇ, Hawˇdaˬyaˇ, Yaˬdeˬlaˇ aˬ ha maꞈ meh. Aˬ yawꞈ maꞈ dawˬ tawˆ luꞈ, nya dui dui-eu yehˇ deuˬ pyeuꞈ-awˇ, yawˬ ha-euˬ aˇ jeuˬ deuˬ kʼoeˇ taˆ uˆ lahˇ-eu tsawˇ myahˇ doˆ-euˬ tsawˇ haˬ deuˬ meh.

Yeˬsaˬgeˬlaˇ 27:5

Heˬlaˬmoˬ gawˬ jawˬ-ahˇ dehꞈ-eu, shuˬ liˇ paꞈ muˆ neh tsoˆ-euˬ meh. Saˇ baoˬ saˬ paˇ gʼeu taw duˬ gʼeh, Leˬbaˬnoˬ gawˬ jawˬ-ahˇ dehꞈ-eu, siˬ daˬ daˇ kawˬ neh jahˇ-euˬ meh.

Bawˇtsahˬ 26:28

Maˬnaˇseˬ hawˇ-eu Eˇpaˬleˬ aˬ nyaꞈ nmˇ-euˬ aˬ da pyeuꞈ-eu Yoˇsehˆ-euˬ zaˬ deuˬ uˆ deuˬ pyeuꞈ-eu Yoˇsehˆ tsawˇ jeuˬ deuˬ-aˬ, heu deuˬ meh.

Dawˬmehˬ 33:17

Yoˇsehˆ mawˇ neˇ-euˬ gʼaˬ tsoꞈ-awˇ, nehꞈ nyoˬ uˬ coeˇ tsoꞈ gaˇ duˇ meh. Aˬ yawꞈ-euˬ uˬ coeˇ kʼoeˇ deuˬ-aˬ, Maˬnaˇseˬ-euˬ tiˬ heˇ hawˇ-eu, Eˇpaˬleˬ-euˬ tiˬ muiˇ coeˇ meh. Miˇ kʼahˬ tsawˇ jeuˬ dawˬ tawˆ luꞈ-ahˇ, uˬ coeˇ kʼoeˇ neh aˬ yawꞈ tahˬ-awˇ, mˬ dzeˇ miˇ dzeˇ teh dzeh-eu meh.”