1 Laˬsaˬbaˬ 5:1 - Akha

¹ Heu-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-euˬ zaˬ deuˬ uˆ deuˬ meh. (Luˇbeˬ-aˬ, aˬ yawꞈ aˬ da-euˬ ma nyiˇ tiˬ gʼaˬ nehˬ-ehˇ joe-euˬ miˇ neh, aˬ li aˬ yuiꞈ yuiꞈ saˬ gʼaˬ-euˬ aˇ yaˬ maˬ za-ehˇ, aˇ yaˬ kʼoeˇ Yoˇsehˆ-ahˇ biꞈ-euˬ meh.

1 Laˬsaˬbaˬ 5:1 Referans Kwoze

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

Aˇ dahˬ 29:32

Kʼoeˇ naˇ, Leˇaˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Ngaˇ shaˬ zahˬ mˇ gaˇ Sahˬpaˬ Miˬyehˇ haw mawˇ le-euˬ loꞈ-ehˇ, aˬ kaˇ naˇ, ngaˬ-euˬ kʼaˬ dzeˇ zaˬ ngaˬ-ahˇ gaˬ luꞈ-uˇ” lehˇ Leˇaˬ ehˇ-awˇ, aˬ li kʼoeˇ li-ahˇ Luˇbeˬ lehˇ myahˇ nehˬ-euˬ meh.

1 Laˬsaˬbaˬ 26:10

Meˬlaˬliˇ aˇ jeuˬ Hawˇsaˬ-aˬ, aˬ li oeˬ li jawˇ-eu meh. Aˬ li kʼoeˇ deuˬ-aˬ, (aˬ li aˬ yuiꞈ yuiꞈ saˬ gʼaˬ maˬ ngeuˇ kʼawꞈ aˬ da gʼaˬ neh aˬ yuiꞈ ka nehˬ-euˬ) Shiˇmaˬliˇ,

Doˆ-iˇ 6:14

Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-aˬ, Haˬnoˆ, Paˬloˆ, Heˬzaˬloˬ hawˇ-eu Kaˬmiˬ lehˇ myahˇ-euˬ aˬ li oeˬ gʼaˬ jawˇ-awˇ, aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

1 Gawˇliˬtu 5:1

Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

1 Laˬsaˬbaˬ 2:1

Yaˬkoˆ-euˬ aˬ li tseˇ nyiꞈ li jawˇ-eu meh. Aˬ li kʼoeˇ tseˇ nyiꞈ li-aˬ, Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ,

Yawˇshuˆ 14:6

Tiˬ nah-aˬ, Yuˇdaˆ tsawˇ haˬ tiˬ deuˬ Giˇlaˇgaˬlaˇ-ahˇ Yawˇshuˆ jawˇ gaˇ laˇ-euˬ meh. Tsawˇ haˬ kʼoeˇ deuˬ nehˬ-ehˇ laˇ-euˬ Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ gʼaˬ, Yawˇshuˆ-ahˇ ehˇ-eu, “Kaˬdeˬshaˇbaˬneˬ lehˇ kuˇ-eu jawˇ duˬ-ahˇ, aˇ nyaꞈ-euˬ gaˇ kawˆ Moˇseˬ-ahˇ Sahˬpaˬ Miˬyehˇ ehˇ nehˬ-euˬ nawˇ siˬ nya meh.

Dawˬmehˬ 27:20

“ ‘Yawˬ ha aˬ da-euˬ miˬ zaˬ tiˬ gʼaˬ na nehˬ-ehˇ bahˬ-eu laꞈ kʼoeˇ, yawˬ ha aˬ da-ahˇ mˇ lehˬ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 21:17

Aˬ li aˬ yuiꞈ gʼaˬ-aˬ, aˬ yawꞈ gaˬ dzehˬ-eu ma-euˬ zaˬ maˬ ngeuˇ kʼawꞈ, jeˬ biˇ biˇ nehˬ ngeh, nui deuˬ myaˆ maˬ tseˇ nyiˬ bymˇ ya biꞈ dzehˬ meh. Tsawˇ haˬ aˬ geu gʼaˬ maˬ kaˬ, yawˬ ha-euˬ aˬ li aˬ yuiꞈ gʼaˬ-ahˇ aˬ yuiꞈ gʼaˬ-euˬ jawˇ duˬ-ahˇ taˬ-awˇ, aˬ yawꞈ za geuˇ-eu jeˬ biˇ, zahˇ sahˇ kʼoꞈ kʼaˇ jaˆ-eu loꞈ-ehˇ ya biꞈ meh.

Bawˇtsahˬ 26:5

Yaˬkoˆ-euˬ aˬ li aˬ yuiꞈ yuiꞈ saˬ Luˇbeˬ-euˬ zaˬ deuˬ uˆ deuˬ pyeuꞈ-eu Luˇbeˬ tsawˇ jeuˬ-aˬ, Haˬnoˆ aˇ jeuˬ, Paˬloˇ aˇ jeuˬ,

Bawˇtsahˬ 16:1

Leˬbiˇ tsawˇ jeuˬ Kawˇhaˆ aˇ jeuˬ pyeuꞈ-eu Iˇzaˬhaˬ-euˬ aˬ li Kawˇlaˆ-aˬ, Moˇseˬ-ahˇ puiˬ mawꞈ-eu nui ma ahˇ-eu meh. Luˇbeˬ tsawˇ jeuˬ laꞈ kʼoeˇ, Eˇliˇbaˆ-euˬ aˬ li pyeuꞈ-eu Daˬtaˬ hawˇ-eu Aˬbiˇlamˬ aˬ nyaꞈ nmˇ hawˇ-eu, Paˬlehˆ-euˬ aˬ li Awˇnaˆ heu smˇ gʼaˬ uˬ taꞈ, tsawˇ myahˇ doˆ-eu Iˇsaˬleˬlaˆ tsawˇ haˬ aˬ yuiꞈ aˬ tsu nui deuˬ nyiˬ yaˇ ngaˬ tseˇ gʼaˬ kʼawꞈ aˬ yawꞈ nehˬ-ehˇ gm leˇ-euˬ meh.

Bawˇtsahˬ 1:5

Aˬ yawꞈ nyaꞈ-ahˇ ya caw ba-eu tsawˇ haˬ-aˬ, heu deuˬ meh. Luˇbeˬ tsawˇ jeuˬ laꞈ kʼoeˇ & Sheˬduˇ-euˬ aˬ li Eˇliˇzuˇlaˆ

Uˬ duˬ 20:11

Tsawˇ haˬ tiˬ gʼaˬ na, yawˬ ha aˬ da-euˬ miˬ zaˬ tiˬ gʼaˬ na nehˬ-ehˇ bahˬ-eu laꞈ kʼoeˇ, yawˬ ha aˬ da-ahˇ yehˬ bawˬ sehˇ lu-ehˇ gʼeh naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Uˬ duˬ 18:8

Yawˬ ha aˬ da-euˬ ma nyiˇ deuˬ nehˬ-ehˇ yuꞈ taꞈ-eu laꞈ kʼoeˇ, yawˬ ha aˬ da-ahˇ yehˬ bawˬ sehˇ lu-ehˇ ma ya gʼeh-a.

Aˇ dahˬ 46:8

Yaˬkoˆ Iˇjiˇtuˆ miˇ kʼahˬ-ahˇ jawˇ-iˇ ngeh, aˬ yawꞈ neh sheuˬ ka gʼeh-euˬ aˬ yawꞈ-euˬ aˬ li deuˬ hawˇ-eu oeˬ paˬ deuˬ-aˬ, heu deuˬ meh. Aˬ yawꞈ-euˬ aˬ li aˬ yuiꞈ yuiꞈ saˬ gʼaˬ Luˇbeˬ hawˇ-eu,

Aˇ dahˬ 25:23

Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˬ-euˬ uˬ maˆ laꞈ kʼoeˇ tsawˇ jeuˬ nyiˬ jeuˬ uˇ luꞈ-eu meh. Tiˬ jeuˬ tiˇ jeuˬ maˬ tsaˬ leˇ-eu tsawˇ jeuˬ nyiˬ jeuˬ-ahˇ nawˇ ya bi dehꞈ doˆ le tehꞈ-a. Tsawˇ jeuˬ tiˬ jeuˬ-aˬ, yawˬ jeuˬ yawˬ naˆ maˬ tseˇ gʼaˬ kʼaˆ dzehˬ tehꞈ-a. Aˬ yuiꞈ gʼaˬ-aˬ, aˬ nyiˇ gʼaˬ-euˬ laꞈ oꞈ ya awꞈ tehꞈ-a.”

Gawˇlawˇsehˇ 1:15

Tsawˇ haˬ zaˬ deuˬ Ka li-ahˇ mawˇ nya-eu meh. Ka li-aˬ, maˬ mawˇ nya-eu Miˬyehˇ-ahˇ duˇ-eu meh. Ka liˬ-aˬ, kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu dehꞈ beh beh le-euˬ gʼaˬ meh.

Aˇ dahˬ 25:31

“Nawˬ-ahˇ oꞈ-eu aˬ li aˬ yuiꞈ gʼaˬ-euˬ aˇ yaˬ biꞈ laꞈ naˇ bi dzaˬ ma” lehˇ Yaˬkoˆ ehˇ-eu meh.

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

Dawˬmehˬ 33:17

Yoˇsehˆ mawˇ neˇ-euˬ gʼaˬ tsoꞈ-awˇ, nehꞈ nyoˬ uˬ coeˇ tsoꞈ gaˇ duˇ meh. Aˬ yawꞈ-euˬ uˬ coeˇ kʼoeˇ deuˬ-aˬ, Maˬnaˇseˬ-euˬ tiˬ heˇ hawˇ-eu, Eˇpaˬleˬ-euˬ tiˬ muiˇ coeˇ meh. Miˇ kʼahˬ tsawˇ jeuˬ dawˬ tawˆ luꞈ-ahˇ, uˬ coeˇ kʼoeˇ neh aˬ yawꞈ tahˬ-awˇ, mˬ dzeˇ miˇ dzeˇ teh dzeh-eu meh.”